| UNFPA ສືບຕໍ່ໜູນຊ່ວຍລັດຖະບານຫວຽດນາມ ປະຕິບັດຍຸດທະສາດພັດທະນາຊາວໜຸ່ມຫວຽດນາມ ໄລຍະ 2021-2030 | |
| ລັດຖະບານ ລາວ ແລະ UNFPA ທົບທວນແຜນປະຈຳປີ 2020 ວາງບຸລິມະສິດສຳລັບແມ່ຍິງ, ເດັກຍິງ ແລະ ໄວໜຸ່ມ ໃນປີ 2021 |
ຫວ່າງແລ້ວນີ້, ທີ່ສໍານັກງານກະຊວງການຕ່າງປະເທດ, ທ່ານ ຮ່າກິມຫງອກ ຮອງລັດຖະມົນຕີການຕ່າງປະເທດ ໄດ້ໃຫ້ການຕ້ອນຮັບທ່ານ Bjorn Andersson, ຜູ້ອໍານວຍການຮັບຜິດຊອບ ພາກພື້ນອາຊີ-ປາຊີຟິກ ຂອງກອງທຶນປະຊາກອນ ສປຊ (UNFPA).
 |
| ບັນຍາກາດທີ່ການຕ້ອນຮັບ. ພາບ: thoidai.com.vn |
 |
 |
ທີ່ການຕ້ອນຮັບ, ທ່ານ ຮ່າກິມຫງອກ ສະແດງຄວາມຊົມຊື່ນ ຍ້ອນວ່າ ລາຍ ການຮ່ວມມືແຫ່ງຊາດ ລະຫວ່າງລັດຖະບານຫວຽດນາມ ແລະ UNFPA ຄັ້ງທີ 10 ໄລຍະ 2022-2025 (CPD10) ໄດ້ຮັບການຮັບຮອງເອົາໃນຕົ້ນປີ 2022 ດ້ວຍບັນດາຂົງເຂດເຄື່ອນໄຫວ ລວມມີ: ສຸຂະພາບແມ່ຍິງເກີດລູກ ແລະ ເພດສຳພັນ; ປະຊາກອນ, ຊາວໜຸ່ມເຍົາວະຊົນ ແລະ ຄວາມສະເໝີລະຫວ່າງຍິງ-ຊາຍ ແລະ ການມອບສິດໃຫ້ແມ່ຍິງ.
ທ່ານ ຮ່າກິມຫງອກ ເນັ້ນໜັກວ່າ ເຖິງວ່າບັນລຸໄດ້ໝາກຜົນຫຼາຍຢ່າງ ໃນຂົງເຂດ ປະຊາກອນ ແລະ ການພັດທະນາກໍ່ຕາມ, ແຕ່ຫວຽດນາມ ຍັງ ປະເຊີນໜ້າກັບສິ່ງທ້າທາຍຄື ບັນຫາປະຊາກອນຜູ້ມີອາຍຸສູງເພີ່ມຂຶ້ນ, ຊ່ອງວ່າງລະຫວ່າງຄວາມຮັ່ງມີ-ທຸກຍາກເພີ່ມຂຶ້ນ, ລະບົບການແພດ ຍັງຈໍາກັດຢູ່... ພິເສດແມ່ນພາຍຫຼັງພະຍາດໂຄວິດ-19. ສະນັ້ນ, ທ່ານ ຮ່າກິມຫງອກ ສະເໜີໃຫ້ UNFPA ສືບຕໍ່ຮ່ວມມື ແລະ ໜູນຊ່ວຍຫວຽດນາມ ໃນໄລຍະຈະມາເຖິງ ເພື່ອປະຕິບັດໂຄງການ CPD10 ໃຫ້ມີປະສິດທິຜົນ.
ສ່ວນທ່ານ Bjorn Andersson ເນັ້ນໜັກເຖິງຄວາມສໍາຄັນ ຂອງການແກ້ໄຂບັນດາບັນຫາກ່ຽວກັບບັນຫາປະຊາກອນຜູ້ມີອາຍຸສູງເພີ່ມຂຶ້ນ, ເພີ່ມທະວີການເບິ່ງແຍງສຸຂະພາບແມ່ຍິງເກີດລູກ, ພິເສດແມ່ນແມ່ຍິງ ແລະ ເດັກນ້ອຍ ຢູ່ ຫວຽດນາມ ໃນໄລຍະຈະມາເຖິງ, ພ້ອມທັງຢັ້ງຢືນຈະສືບຕໍ່ໜູນຊ່ວຍຮ່ວມມື, ຮ່ວມເດີນທາງ ແລະໜູນຊ່ວຍຫວຽດນາມ ໃນບັນດາຂົງເຂດຈຸດສຸມດັ່ງກ່າວ.
ບູນມີ
