UNFPA ໜູນຊ່ວຍຫວຽດນາມ ຍູ້ແຮງລະບົບການຈົດທະບຽນ ແລະ ສະຖິຕິພົນລະເມືອງ
	ອົງການ UNFPA ຫວຽດນາມ ໄດ້ໜູນຊ່ວຍແມ່ຍິງ ແລະ ເດັກຍິງ ຢູ່ບັກຢາງ, ບັກນິງ, ນະຄອນໂຮຈິມິນ

ຕອນເຊົ້າວັນທີ 13 ທັນວາ, ກະຊວງພາຍໃນສົມທົບກັບກອງທຶນປະຊາກອນ ສປຊ (UNFPA) ປະຈຳຫວຽດນາມ ໄດ້ຈັດກອງປະຊຸມເຜີຍແຜ່ ແລະປຸກລະດົມ ຂະບວນການປະຕິບັດຍຸດທະສາດພັດທະນາຊາວໜຸ່ມຫວຽດນາມ ໄລຍະ 2021-2030. ກອງປະຊຸມໄດ້ຈັດຂຶ້ນໂດຍກົງຢູ່ຮ່າໂນ້ຍ ແລະເຊື່ອມຕໍ່ກັບບັນດາ ສະຖານທີ່ຖ່າຍທອດສົດທ້ອງຖິ່ນ.

ບັນຍາກາດທີ່ກອງປະຊຸມ. ພາບ: ເຟືອງແອງ

ກ່າວຄຳເຫັນທີ່ກອງປະຊຸມ, ທ່ານນາງ Naomi Kitahara ຫົວໜ້າຜູ້ຕາງໜ້າກອງ ທຶນປະຊາກອນ ສປຊ (UNFPA) ປະຈຳຫວຽດນາມ ທັງເປັນຫົວໜ້າຮ່ວມ ກຸ່ມ ການກະທຳເພື່ອຊາວໜຸ່ມ, ເຍົາວະຊົນຂອງ ສປຊ ປະຈຳຫວຽດນາມ ໄດ້ຢັ້ງຢືນວ່າ UNFPA ພ້ອມແລ້ວທີ່ຈະໜູນຊ່ວບຫວຽດນາມ. UNFPA ພ້ອມແລ້ວທີ່ຈະໜູນຊ່ວຍບັນດາກົມກອງທີ່ກ່ຽວຂ້ອງໃນການສ້າງແຜນການ, ຜັນຂະຫຍາຍ, ຕິດຕາມກວດກາ ແລະຕີລາຄາການນໍາໃຊ້ດັດຊະນີພັດທະນາຊາວໜຸ່ມ ແຫ່ງຊາດ; ຊ່ວຍເຫຼືອລັດຖະບານຫວຽດນາມ ໃນການສ້າງສະພາບແວດລ້ອມອັນສະດວກໃຫ້ແກ່ການເຂົ້າຮ່ວມ ແລະພັດທະນາຮອບດ້ານຂອງຊາວໜຸ່ມ...

ຕາມທ່ານ ຈ້ຽວວັນເກື່ອງ ຮອງລັດຖະມົນຕີກະຊວງພາຍໃນ ແລ້ວ, ຍຸດທະສາດ ພັດທະນາຊາວໜຸ່ມຫວຽດນາມ ໄລຍະ 2021 – 2030 ແມ່ນພື້ນຖານສໍາຄັນ ເພື່ອໃຫ້ບັນດາກະຊວງ, ຂະແໜງການ, ທ້ອງຖິ່ນສະເໜີຕໍ່ອົງການມີສິດອຳນາດ ປະກາດໃຊ້ນະໂຍບາຍ, ກົດໝາຍວ່າດ້ວຍຊາວໜຸ່ມໃນບັນດາຂົງເຂດຂອງຊີວິດສັງຄົມ; ພ້ອມທັງ, ສ້າງເງື່ອນໄຂອຳນວຍຄວາມສະດວກເພື່ອໃຫ້ຊາວໜຸ່ມເຂົ້າຮ່ວມການຄຸ້ມຄອງລັດ ແລະສັງຄົມ, ເຂົ້າຮ່ວມວິວັດການສ້າງ ແລະຈັດຕັ້ງປະຕິບັດນະໂຍບາຍ, ກົດໝາຍສຳລັບຊາວໜຸ່ມເອງ.