| ອົງການ UNFPA ຫວຽດນາມ ໄດ້ໜູນຊ່ວຍແມ່ຍິງ ແລະ ເດັກຍິງ ຢູ່ບັກຢາງ, ບັກນິງ, ນະຄອນໂຮຈິມິນ | |
| ອົດສະຕາລີ ແລະ UNICEF ໜູນຊ່ວຍຫວຽດນາມ ປະຕິບັດໂຄງການສັກວັກຊິນກັນໂຄວິດ-19 |
ນີ້ແມ່ນໝາກຜົນຂອງຂໍ້ຕົກລົງວ່າດ້ວຍການຜັນຂະຫຍາຍໄລຍະ 2 ຂອງການພົວພັນຄູ່ຮ່ວມມືຈັດຕັ້ງປະຕິບັດ “ຂໍ້ລິເລີ່ມຂໍ້ມູນສຸຂະພາບ” ທີ່ໄດ້ລົງນາມໂດຍ UNFPA ປະຈຳຫວຽດນາມ ແລະ ອົງການ Vital Strategies ໃນວັນທີ 9 ສິງຫາ, ເພື່ອສືບຕໍ່ສະໜັບສະໜູນບັນດາຄວາມມານະພະຍາຍາມໃນວຽກງານຈົດທະບຽນ ແລະ ສະຖິຕິພົນລະເມືອງຂອງລັດຖະບານຫວຽດນາມ.
 |
| ທ່ານນ່າງ Naomi Kitahara - ຫົວໜ້າຜູ້ແທນ UNFPA ປະຈຳຫວຽດນາມ |
ການລິເລີ່ມດັ່ງກ່າວ ແມ່ນໄດ້ຮັບການສະໜັບສະໜູນ ໂດຍກອງທຶນ Bloomberg Philanthropies ແລະ ກະຊວງຕ່າງປະເທດ - ການຄ້າຂອງອົດສະຕາລີ. ຫວຽດນາມ ໄດ້ເຂົ້າຮ່ວມການລິເລີ່ມນີ້ ແຕ່ເດືອນມີນາ 2020, ແລະ ໄລຍະ 2 ຈະໄດ້ຮັບການຈັດຕັ້ງປະຕິບັດໂດຍກະຊວງຍຸຕິທຳ ສົມທົບກັບບັນດາກະຊວງ ແລະ ຂະແໜງການທີ່ກ່ຽວຂ້ອງ ແຕ່ເດືອນກໍລະກົດ 2021 ຫາ ເດືອນມີນາ 2023.
ໃນໄລຍະທີ 1, ໂຄງການໄດ້ໜູນຊ່ວຍໃນການຍົກສູງຄຸນນະພາບການຈົດທະບຽນການເກີດ ແລະ ການເສຍຊີວິດໂດຍຜ່ານການເພີ່ມທະວີການຄຸ້ມຄອງການຈົດທະບຽນ, ສະຖິຕິພົນລະເມືອງ, ຕີລາຄາການເຄື່ອນໄຫວຂອງລະບົບການຈົດທະບຽນ, ສະຖິຕິພົນລະເມືອງ, ກວດກາຄືນບັນດາເອກະສານນິຕິກຳທີ່ກ່ຽວຂ້ອງ ແລະ ອອກແບບຂະບວນການປັບປຸງການຈົດທະບຽນການເກີດ, ການຈົດທະບຽນການເສຍຊີວິດ ແລະ ສະຖິຕິພົນລະເມືອງອື່ນໆ.
ໂຄງການໄລຍະທີ 2 ຈະສຸມໃສ່ການຍູ້ແຮງວຽກງານຄຸ້ມຄອງ ແລະ ກອບນິຕິກຳ ກ່ຽວກັບການຈົດທະບຽນ ແລະ ສະຖິຕິພົນລະເມືອງໃຫ້ສົມບູນແບບກວ່າອີກ; ນຳໃຊ້ບັນດາວິທີແກ້ໄຂເປັນດິຈິຕອນ ເພື່ອປັບປຸງຂັ້ນຕອນການຈົດທະບຽນ ແລະ ສະຖິຕິພົນລະເມືອງ, ພ້ອມທັງເພີ່ມທະວີການປະສານສົມທົບລະຫວ່າງບັນດາກະຊວງ ແລະ ຂະແໜງການທີ່ກ່ຽວຂ້ອງ ໃນການແບ່ງປັນຂໍ້ມູນການຈົດທະບຽນ ແລະ ສະຖິຕິພົນລະເມືອງ ຮັບໃຊ້ໃຫ້ແກ່ວຽກງານສ້າງນະໂຍບາຍ.
ຄຳຮຸ່ງ
