ການເຊື່ອມໂຍງດ້ານວັດທະນະທຳ, ອຸທິດກໍາລັງແຮງໜຸ່ມ
ບຸນໄຫວ້ພະຈັນ 2022, ນັກສຶກສາສາກົນລາວ ໄດ້ມີເວລາທີ່ເບີກບານມ່ວນຊື່ນ, ອົບອຸ່ນໃນລາຍການ “ບຸນໄຫວ້ພະຈັນມິດຕະພາບ” ໂດຍຫໍພັກນັກສຶກສາລາວ ຢູ່ນະຄອນໂຮ່ຈີມິນ ສົມທົບກັບສະມາຄົມນັກສຶກສາມະຫາວິທະຍາໄລສ້າງຄູນະຄອນ ໂຮ່ຈີມິນ ຈັດຕັ້ງ.
ເຂົ້າຮ່ວມລາຍການ, ພວກນ້ອງໄດ້ມີໂອກາດຊອກຮູ້ກ່ຽວກັບຕົ້ນກຳເນີດ ແລະ ຄວາມໝາຍຂອງບຸນໄຫວ້ພະຈັນຢູ່ ຫວຽດນາມ, ພົບປະແລກປ່ຽນຊອກຮູ້ບັນດາເຍື່ອງອາຫານພື້ນເມືອງຂອງສອງປະເທດ, ລົງຕົວຈິງການເຮັດໂຄມໄຟ ແລະ ແຫ່ໂຄມໄຟນຳກັນ.
 |
| ນັກສຶກສາລາວມ່ວນຊື່ນບຸນໄຫວ້ພະຈັນທີ່ຫໍພັກນັກສຶກສາລາວ ຢູ່ ນະຄອນໂຮ່ຈີມິນ (ພາບ: ແທງຫຍາ). |
ການດໍາລົງຊີວິດຢູ່ໃນຫໍພັກ, ນັກສຶກສາລາວ ຖືວ່າ ນີ້ເປັນບ້ານແຫ່ງ ທີສອງຂອງເຂົາເຈົ້າ. ໃນໜຶ່ງວັນອາທິດຂອງທຸກເດືອນ, ນັກສຶກສາໄດ້ທຳຄວາມສະອາດທົ່ວຫໍພັກ, ເກັບມ້ຽນອະນາໄມຫ້ອງນອນ, ບັນດາເຂດດໍາລົງຊີວິດສາທາລະນະ... ເພື່ອປ້ອງກັນພະຍາດໄຂ້ເລືອດອອກ...
ແຕ່ລະຫ້ອງຂອງນັກສຶກສາລາວ, ທາງຫໍພັກນັກສຶກສາຍັງໄດ້ມອບຜັກຂຽວສອງຊະນິດ ແລະ ດິນເພື່ອໃຫ້ບົວລະບັດ, ປະກອບສ່ວນເພີ່ມພື້ນທີ່ສີຂຽວໃນຫໍພັກ ແລະ ສະໜອງແຫຼ່ງຜັກສະອາດ ເພື່ອປຸງແຕ່ງອາຫານປະຈໍາວັນໃຫ້ພວກນ້ອງ.
ນັກສຶກສາລາວ ກໍ່ມີຄວາມກະຕືລືລົ້ນເຊື່ອມໂຍງເຂົ້າກັບໄວໜຸ່ມນະຄອນໂຮ່ຈີມິນ ເມື່ອເຂົ້າຮ່ວມບັນດາໂຄງການ ແລະ ຂະບວນການອາສາສະໝັກລະດູແລ້ງ. ເດືອນກໍລະກົດຜ່ານມາ, ນັກສຶກສາລາວ 28 ຄົນໄດ້ເຂົ້າຮ່ວມຂະບວນການອາສາສະໝັກລະດູແລ້ງສີຂຽວຢ່າງກະຕືລືລົ້ນຢູ່ຕາແສງ ເຍິນດຶກ, ເມືອງຍ່າແບ່. ເຂົາເຈົ້າເຫັນວ່ານີ້ແມ່ນໂອກາດເພື່ອປະກອບສ່ວນກໍາລັງແຮງໜຸ່ມອຸທິດໃຫ້ແກ່ປະຊາຄົມ, ພ້ອມດຽວກັນນັ້ນກໍ່ແມ່ນສະພາບແວດລ້ອມເພື່ອພົບປະແລກປ່ຽນປະສົບການ, ຍົກສູງທັກສະທີ່ຈຳເປັນໃນເວລາຮຽນຢູ່ນະຄອນ. ຜ່ານນັ້ນ, ກໍປະກອບສ່ວນແນະນຳພາບພົດອັນດີງາມຂອງນັກສຶກສາລາວ ເຖິງປະຊາຊົນ, ຊາວໜຸ່ມນະຄອນ ໂຮ່ຈີມິນເວົ້າສະເພາະ ແລະ ທົ່ວປະເທດເວົ້າລວມ.
ເມື່ອໃສ່ເສື້ອສີຟ້າຂອງຄະນະຊາວໜຸ່ມ ຫວຽດນາມ ເພື່ອຮ່ວມແຮງຮ່ວມໃຈໃນການເຄື່ອນໄຫວອາສາສະໝັກ, Khaphone Bouathiphan (ມະຫາວິທະຍາໄລເສດຖະກິດ ນະຄອນ ໂຮ່ຈີມິນ) ໃຫ້ຮູ້ວ່າ: ຂ້າພະເຈົ້າດີໃຈທີ່ສຸດ ເພາະວ່າ ຂ້າພະເຈົ້າບໍ່ພຽງແຕ່ສາມາດຮຽນຮູ້ຄວາມຮູ້ທີ່ເປັນປະໂຫຍດຕໍ່ວຽກງານເທົ່ານັ້ນ ຫາກຍັງໄດ້ປະຕິບັດບັນດາການເດີນທາງໄປແຫຼ່ງຕົ້ນກໍາເນີດ, ຊອກຮູ້ກ່ຽວກັບປູສະນີຍະສະຖານປະຫວັດສາດ... ຄືເປັນລູກຫຼານຂອງນະຄອນ. ພາຍຫຼັງຮຽນຈົບແລ້ວ, ສິ່ງທີ່ນຳມາກັບບ້ານແມ່ນບົດວິທະຍານິພົນປະລິນຍາໂທກ່ຽວກັບການ ຄົ້ນຄວ້າ, ສະເໜີມາດຕະການຈັດຕັ້ງວຽກງານການເງິນໃຫ້ຄະນະຊາວໜຸ່ມແຂວງ ຈໍາປາສັກ ຢ່າງມີປະສິດທິຜົນ, ກ່ອນອື່ນໝົດແມ່ນຄວາມຮັກແພງທີ່ສະຫງວນ ໃຫ້ປະຊາຊົນ ແລະ ຜືນແຜ່ນດິນແຫ່ງນີ້. ຂ້າພະເຈົ້າເຊື່ອໝັ້ນວ່າ ຈະມີກາລະໂອກາດຫຼາຍຢ່າງເພື່ອກັບຄືນເມືອນະຄອນ ໂຮ່ຈີມິນ ປະຕິບັດງານ ກໍ່ຄືຕ້ອນຮັບຄະນະປະຕິບັດງານນະຄອນ ໂຮ່ຈີມິນ ມາປະເທດລາວ.”
ຊາຍຄາມິດຕະພາບ
ຫໍພັກນັກສຶກສາລາວ ນະຄອນ ໂຮ່ຈີມິນ ບໍ່ພຽງແຕ່ໜູນຊ່ວຍການຮ່ຳຮຽນ ແລະ ບ່ອນພັກໃຫ້ນັກສຶກສາເທົ່ານັ້ນ ຫາກຍັງມຸ່ງໄປເຖິງການສ້າງສາຍພົວພັນສະໜິດຕິດພັນ ແລະ ການພົບປະແລກປ່ຽນຄຸນຄ່າວັດທະນະທຳ, ປະຫວັດສາດຂອງໄວໜຸ່ມຫວຽດນາມ - ລາວ. ນັບແຕ່ເມື່ອສ້າງຕັ້ງມາຮອດປະຈຸບັນ, ຫໍພັກນັກສຶກສາ ຍັງໄດ້ຈັດຕັ້ງການເດີນທາງຄົ້ນຫາ ແລະ ຊອກຮູ້ກ່ຽວກັບວັດທະນະທຳຫວຽດນາມ, ກ່ອນອື່ນໝົດແມ່ນບັນດາສະຖານທີ່ທ່ອງທ່ຽວ, ເຂດປູສະ ນີຍະສະຖານປະຫວັດສາດຢູ່ນະຄອນ ໂຮ່ຈີມິນ. ພວກນ້ອງນ້ອຍໄດ້ຄົ້ນພົບໂຄງການ “ຄອບຄົວຫວຽດນາມກັບນັກຮຽນລາວ ແລະ ກຳປູເຈຍ” ໂດຍ ຄະນະຊາວໜຸ່ມນະຄອນ, ຄະນະກຳມະການແນວໂຮມປະເທດຊາດ ຫວຽດນາມ ຢູ່ນະຄອນ ໂຮ່ຈີມິນ ປະຕິບັດ; ພ້ອມກັບຄູອາຈານ ແລະ ໝູ່ເພື່ອນຕ້ອນຮັບບຸນປີໃໝ່ປະຈຳຊາດ…
ໃນໄລຍະໂລກລະບາດພະຍາດໂຄວິດ-19 ມີການຜັນແປຢ່າງສັບສົນ, ຄະນະຄຸມຄອງຫໍພັກໄດ້ເບິ່ງແຍງດູແລ ແລະ ຫນູນຊ່ວຍບັນດາສິ່ງຂອງປະຈໍາໃຫ້ພວກນ້ອງນັກສຶກສາ. ໂດຍແບ່ງປັນກັບນັກຂ່າວກ່ຽວກັບເວລາ 1 ປີກ່ອນ, Meksouly Silatikoun, ນັກສຶກສາຂະແໜງການແພດມະຫາວິທະຍາໄລແພດສາດ ຟ້າມງອກແທັກ ໃຫ້ຮູ້ວ່າ: ພ້ອມກັບຄວາມຮຽກຮ້ອງຕ້ອງການແຍກຫ່າງທາງສັງຄົມໃນທົ່ວ ນະຄອນ, ບັນຍາກາດຢູ່ຫໍພັກນັກສຶກສາລາວ (ເມືອງ 3) ຍາມໃດກໍ່ເຄັ່ງຕຶງ ແລະ ງຽບ.
ທຸກໆມື້, ພວກນ້ອງເຂົ້າເວັບໄຊຂອງກະຊວງສາທາລະນະສຸກເພື່ອຕິດຕາມ ສະຖານະການໂລກລະບາດ. ໃນເວລາທີ່ທົ່ວນະຄອນມີຈຳນວນຜູ້ຕິດເຊື້ອ ແລະຜູ້ເສຍຊີວິດເພີ່ມຂຶ້ນສູງ, ພວກນ້ອງບໍ່ພຽງແຕ່ເປັນຫ່ວງຕົນເອງ, ໝູ່ເພື່ອນ, ແລະ ຊາວນະຄອນເທົ່ານັ້ນ, ຫາກຍັງຮູ້ສຶກເປັນຫ່ວງເປັນໃຍເມື່ອຄິດເຖິງຄອບຄົວຢູ່ບ້ານເກີດເມືອງນອນ. ເຖິງຢ່າງໃດກໍ່ຕາມ, ຄະນະຄຸ້ມຄອງຫໍພັກນັກ ສຶກສາ ກໍມີຫຼາຍກິດຈະກໍາທີ່ເພີ່ມທະວີການປະສານຕອບຮັບທາງອອນໄລ, ໃນ fanpage, ກຸ່ມ. ທຸກໆອາທິດ, ນັກສຶກສາເຂົ້າຮ່ວມການແຂ່ງຂັນບັນທຶກຄລິບກິດຈະກໍາກິລາ ກາຍະກໍາຂອງຕົນ ເພື່ອລົງໃນກຸ່ມ, ໃຜມີໄດ້ຮັບການກົດ "like" ຫຼາຍທີ່ສຸດຈະໄດ້ ຮັບລາງວັນ. ຍ້ອນແນວນັ້ນ, ພວກເຂົາກໍ່ມີຄວາມຫ້າວຫັນໃນການອອກ ກໍາລັງກາຍຫຼິ້ນກິລາຫຼາຍຂຶ້ນ ແລະ ບັນຍາກາດໃນຫໍພັກນັກສຶກສາ ກໍ່ຄຶກຄື້ນຂຶ້ນ.
ສ່ວນອະດີດນັກສຶກສາລາວ Sisouvong Malivankham ຍັງຈື່ຈຳຄວາມຊົງຈຳອັນ ດີງາມໃນໄລຍະດໍາລົງຊີວິດ ແລະ ຮ່ຳຮຽນຢູ່ນະຄອນໂຮ່ຈີມິນ ໂດຍສະເພາະການເບິ່ງແຍງດູແລຂອງອ້າຍເອື້ອຍຄຸ້ມຄອງຢູ່ຫໍພັກນັກສຶກສາລາວ ດ້ວຍຄວາມຮັກແພງອັນອົບອຸ່ນຂອງໝູ່ເພື່ອນຮ່ວມຫວຽດນາມ ແລະ ປະຊາຊົນນະຄອນ ໂຮ່ຈີມິນ.
Sisouvong ເລົ່າວ່າ, ເມື່ອມາຮຽນຢູ່ນະຄອນໂຮ່ຈິີມິນ, ລາວບໍ່ມີຄວາມກ້າຫານ ແລະ ຈຳກັດການພົວພັນກັບຄົນແປກໜ້າ ຍ້ອນຄວາມແຕກຕ່າງທາງດ້ານພາສາ ແລະ ວັດທະນະທຳ.
ຍ້ອນການເອົາໃຈໃສ່ ແລະ ໜູນຊ່ວຍຢ່າງທັນການຂອງອ້າຍເອື້ອຍຄຸ້ມຄອງຢູ່ ຫໍພັກນັກສຶກສາ, Sisouvong ຄ່ອຍໆມີຄວາມໝັ້ນໃຈ ແລະ ເປັນເຈົ້າການເຂົ້າຮ່ວມຫຼາຍໂຄງການ ແລະ ກິດຈະກຳຕ່າງໆສຳລັບນັກສຶກສາຢູ່ໂຮງຮຽນ ແລະ ຫໍພັກນັກສຶກສາ ເພື່ອຝຶກຝົນຫຼໍ່ຫຼອມທັກສະໃນຊີວິດ ແລະ ເປີດກວ້າງສາຍພົວພັນທາງສັງຄົມ.
Siouvong ເວົ້າວ່າ“ຈາກນັກສຶກສາສາກົນຫນຸ່ມທີ່ຂີ້ອາຍ, ຖ່ອມຕົວ, ຂ້າພະເຈົ້າໄດ້ເຕີບໃຫຍ່, ມີຄວາມໝັ້ນໃຈ ແລະ ດຳລົງຊີວິດຢ່າງແຂງແຮງໃນສະພາບແວດລ້ອມໃໝ່; ສະດວກໃນການຮຽນສໍາເລັດຫຼັກສູດຂອງມະຫາວິທະຍາໄລ. ທຸກສິ່ງທຸກຢ່າງ ລ້ວນແຕ່ຍ້ອນມີການດູແລ, ຄວາມເອົາໃຈໃສ່ຂອງທຸກຂັ້ນ, ຂະແໜງການ, ການຮ່ວມເດີນທາງ ແລະ ການຊ່ວຍເຫຼືອຂອງຄະນະຄຸ້ມຄອງຫໍພັກນັກສຶກສາ, ເພື່ອນມິດຫວຽດນາມ ແລະ ປະຊາຊົນນະຄອນໂຮ່ຈີມິນ ທີ່ໃກ້ຊິດສະໜິດສະໜົມ ແລະ ຮັກແພງແຂກຄົນ. ໃນຕະຫຼອດໄລຍະສີ່ປີທີ່ຂ້າພະເຈົ້າດໍາລົງຊີວິດຢູ່ທີ່ນີ້, ນະຄອນ ແລະ ຫໍພັກນັກສຶກສາໄດ້ກາຍເປັນບ້ານແຫ່ງທີສອງຂອງຂ້າພະເຈົ້າ”.
ບູນມີ
