ຫວ່າງແລ້ວນີ້, ຄະນະຜູ້ແທນຂັ້ນສູງຫວຽດນາມ ປະຈຳສະຫະປະຊາຊາດ, ອົງການການຄ້າໂລກ (WTO) ແລະ ອົງການຈັດຕັ້ງສາກົນອື່ນໆ ຢູ່ ເຈນີວາ (ສະວິດ) ໄດ້ມີການພົບປະແລກປ່ຽນມິດຕະພາບທີ່ເປັນມູນເຊື້ອກັບຄະນະຜູ້ແທນແຫ່ງ ສປປ ລາວ ປະຈໍາ ສ. ປະຊາຊາດ, WTO ແລະ ອົງການຈັດຕັ້ງສາກົນອື່ນໆຢູ່ ເຈນີວາ ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5/9/1962 – 5/9/2022) ແລະ 45 ປີແຫ່ງການລົງນາມໃນສົນທິສັນຍາມິດຕະພາບ ແລະ ການຮ່ວມມືລະຫວ່າງຫວຽດນາມ ແລະ ລາວ (18/7/1977 – 18/7/2022).
ກ່າວຄຳເຫັນທີ່ການພົບປະແລກປ່ຽນ, ທ່ານນາງເອກອັກຄະລັດຖະທູດ ເລທິຕວຽດມາຍ, ຫົວໜ້າຄະນະຜູ້ແທນຫວຽດນາມ ປະຈຳ ເຈນີວາ ເນັ້ນໜັກວ່າ: ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ແມ່ນຊັບສິນອັນລ້ຳຄ່າຂອງສອງປະເທດ. ທ່ານກໍຫວັງວ່າຈະສືບຕໍ່ຊຸກຍູ້ການເຄື່ອນໄຫວພົບປະແລກປ່ຽນ ເພື່ອແນໃສ່ເພີ່ມທະວີການພົວພັນມິດຕະພາບຂອງພະນັກງານ ລະຫວ່າງຄະນະຜູ້ແທນສອງປະເທດໃນຂົງເຂດຫຼາຍຝ່າຍທີ່ສຳຄັນພິເສດນີ້.
 |
| ຄະນະຜູ້ແທນຫວຽດນາມ ແລະ ສປປ.ລາວ ຢູ່ ເຈນີວາ ມີການພົບປະແລກປ່ຽນມິດຕະພາບ. (ພາບ: vietnamplus) |
ຫວນຄືນມູນເຊື້ອອັນລ້ຳຄ່າຂອງນ້ຳໃຈສາມັກຄີທີ່ໄດ້ຮັກສາໄວ້ ແລະ ພັດທະນາຜ່ານຫຼາຍລຸ້ນການນຳ ແລະ ປະຊາຊົນສອງປະເທດ, ທ່ານນາງເອກອັກຄະລັດຖະທູດ ປາດຖະໜາວ່າ ລຸ້ນໜຸ່ມຂອງນັກການທູດທີ່ເຂົ້າຮ່ວມການພົບປະແລກປ່ຽນ ຈົ່ງສືບຕໍ່ສືບທອດ ແລະ ພັດທະນາ, ເສີມຂະຫຍາຍມູນເຊື້ອອັນດີງາມທີ່ມີຢູ່ແລ້ວ, ເຮັດໃຫ້ການພົວພັນຫວຽດນາມ - ລາວນັບມື້ນັບພັດທະນາຢ່າງໝັ້ນຄົງ, ນຳຜົນປະໂຫຍດມາໃຫ້ປະຊາຊົນສອງປະເທດ'.
ໂດຍຕາງໜ້າໃຫ້ພະນັກງານ, ລັດຖະກອນຂອງຄະນະຜູ້ແທນລາວ ຢູ່ Geneva, ທ່ານ Latsamy Keomany ເອກອັກຄະລັດຖະທູດລາວ ແລະ ພັນລະຍາ ໄດ້ສະແດງຄວາມເປັນກຽດ, ຂອບອົກຂອບໃຈ ແລະ ປິຕິຊົມຊື່ນທີ່ໄດ້ເຂົ້າຮ່ວມບັນດາໂຄງການແລກປ່ຽນຢູ່ສຳນັກງານຄະນະຜູ້ແທນຫວຽດນາມ.
ຕາມທ່ານເອກອັກຄະລັດຖະທູດ Latsamy Keomany ແລ້ວ, ມູຂເຊື້ອຕິດພັນພ້ອມກັນສົມທົບບົນບັນດາເວທີປາໄສຫຼາຍຝ່າຍ ແລະ ວຽກງານວິຊາສະເພາະ ລະຫວ່າງຄະນະຜູ້ແທນສອງປະເທດຢູ່ Geneva ໄດ້ສະທ້ອນເຖິງສາຍພົວພັນແບບພິເສດລະຫວ່າງ 2 ປະເທດຢ່າງແທ້ຈິງ, ເພີ່ມທະວີການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງປະຊາຊົນສອງປະເທດ ຫວຽດນາມ ແລະ ລາວ.
ໃນຖານະເປັນສອງປະເທດບ້ານໃກ້ເຮືອນຄຽງທີ່ມີພູເຂົາ, ແມ່ນ້ໍາອັນດຽວກັນ, ສາຍພົວພັນອ້າຍນ້ອງກັນລະຫວ່າງສອງປະເທດໄດ້ຖືກສ້າງຕັ້ງຂຶ້ນ ແລະ ຫຼໍ່ຫຼອມໃນປະຫວັດສາດຫຼາຍພັນປີຂອງການສ້າງສາ ແລະ ປົກປັກຮັກສາປະເທດຊາດ.
ພິເສດ, 6 ທົດສະວັດຜ່ານມາ, ສາຍພົວພັນທີ່ເປັນມູນເຊື້ອອັນດີ ແລະ ຄວາມສະໜິດຕິດພັນອັນສະໜິດສະໜົມລະຫວ່າງປະຊາຊົນສອງປະເທດຫວຽດນາມ ແລະ ລາວ ໄດ້ຮັບການຮັກສາ ເພີ່ມພູນຄູນສ້າງຈາກການນຳລຸ້ນຕ່າງໆຂອງສອງພັກ, ສອງລັດ ແລະ ປະຊາຊົນສອງປະເທດ, ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍນັບບໍ່ຖ້ວນ ອັນໄດ້ກາຍເປັນສາຍພົວພັນທີ່ຫາຍາກ ແລະ ເປັນແບບຢ່າງ.
ໃນບັນຍາກາດມິດຕະພາບ ແບະ ສະໜິດສະໜົມ, ການນຳສອງປະເທດ ແລະ ພະນັກງານ, ລັດຖະກອນຂອງສອງປະເທດ ໄດ້ທົບທວນຄືນບັນດາຈິດໃຈຄວາມສາມັກຄີ, ສະໜິດຕິດພັນ ໜູນຊ່ວຍເຊິ່ງກັນ ແລະ ກັນ, ພ້ອມກັນເຂົ້າຮ່ວມລາຍການສິລະປະ ຍ້ອງຍໍສັນລະເສີນການພົວພັນລະຫວ່າງສອງປະເທດຫວຽດນາມ - ລາວ, ຮັບປະທານອາຫານພື້ນເມືອງ ແລະ ເຊື່ອມຕົວເຂົ້ສກັບການຟ້ອນລຳວົງ ແລະ ວາດຟ້ອນປະຈຳຊາດຂອງສອງປະເທດ.
ຄຳຮຸ່ງ
