| ຮ້ານອາຫານເຈ 4 ແຫ່ງສຳລັບລະດູບຸນເຂົ້າປະດັບດິນ ຢູ່ ນະຄອນໂຮ່ຈີມິນ | |
| ເຊື່ອມຕໍ່ການທ່ອງທ່ຽວລະຫວ່າງນະຄອນໂຮ່ຈີມິນ ກັບນະຄອນເຊີອູນ (ສ.ເກົາຫຼີ) |
 |
| ພາບປະກອບ: nhandan.vn |
ຫວ່າງແລ້ວນີ້, ຢູ່ນະຄອນ ໂຮ່ຈີມິນ, ກົມຕຳຫຼວດຄຸ້ມຄອງບະບຽບການບໍລິຫານກ່ຽວກັບຄວາມເປັນລະບຽບຮຽບຮ້ອຍສັງຄົມ (C06, ກະຊວງຕຳຫຼວດ) ໄດ້ສົມທົບກັບຕຳຫຼວດນະຄອນ ໂຮ່ຈີມິນ ແລະ ບັນດາຫົວໜ່ວຍທີ່ກ່ຽວຂ້ອງຜັນຂະຫຍາຍບັນດາຮູບແບບຈຸດສຸມກ່ຽວກັບການນຳໃຊ້ການບໍລິການສາທາລະນະ.
ຮູບແບບການນຳໃຊ້ການບໍລິການສາທາລະນະແມ່ນໄດ້ຮັບການປະຕິບັດຢູ່ອາພາດເມັນ Sunrise Riverside (ຕາແສງ ເຟືອກກຽນ, ເມືອງ ຍາແບ່, ນະຄອນ ໂຮ່ຈີມິນ) ແລະ ອາພາດເມັນ ຮືງອານ (ຕາແສງເຕິນແຈ້ງຫຽບ, ເມືອງ 12, ນະຄອນ ໂຮ່ຈີມິນ).
ທີ່ການຜັນຂະຫຍາຍ, ການນຳຫ້ອງການຕຳຫຼວດຄຸ້ມຄອງຄວາມເປັນລະບຽບຮຽບຮ້ອຍທາງສັງຄົມ, ນະຄອນໂຮ່ຈິມິນ ຊີ້ແຈ້ງວ່າ: ແຜນຮ່າງໂຄງການ 06 ຂອງລັດຖະບານໄດ້ຮັບການຜັນຂະຫຍາຍໃນສະພາບທີ່ນະຄອນພວມຕັດສິນໃຈປະຕິບັດໜ້າທີ່ການເມືອງ, ປະຕິບັດໂຄງການການຫັນເປັນດິຈິຕອນ, ການພັດທະນາເສດຖະກິດດິຈິຕອນ ແລະ ໂຄງການກໍ່ສ້າງນະຄອນອັດສະລິຍະຢ່າງຂ້ຽວຂາດ, ນຳເຂົ້າສູ່ການນໍາໃຊ້ ແລະ ຂຸດຄົ້ນຄັງຂໍ້ມູນທີ່ນຳໃຊ້ລວມຢ່າງມີປະສິດທິຜົນ. ເພື່ອສຳເລັດ, ລາຍງານຕໍ່ສູນກາງໂດຍໄວເພື່ອອະນຸມັດໂຄງການພັດທະນານະຄອນໂຮ່ຈິມິນໃຫ້ກາຍເປັນສູນການເງິນຂອງພາກພື້ນ ແລະ ສາກົນ.
ຕາມແຜນການ, ແຜນຜັງປະຕິບັດແຜນຮ່າງໂຄງການ 06 ຂອງລັດຖະບານໃນປີ 2022 ຈະສຳເລັດ ແລະ ນຳເຂົ້າປະຕິບັດຢ່າງມີປະສິດທິຜົນແກ່ 25 ກຸ່ມບໍລິການສາທາລະນະທີ່ຈຳເປັນ, ເພື່ອປ່ຽນແທນລະບຽບການບໍລິຫານດ້ວຍມື ທີ່ສົ່ງຜົນກະທົບຕໍ່ເວລາຂອງປະຊາຊົນ ແລະ ທຸລະກິດຢ່າງຫຼວງຫຼາຍ.
ຜ່ານການລົງສຳຫຼວດ, ກະຊວງປ້ອງກັນຄວາມສະຫງົບ, ກອງບັນຊາການ ປກສ ເມືອງ ແລະ ຄະນະພັກ, ອຳນາດການປົກຄອງທ້ອງຖິ່ນ ໄດ້ເຫັນດີນຳໃຊ້ຕົວແບບຈຸດບໍລິການສາທາລະນະທາງອອນລາຍຕາມແຜນຮ່າງໂຄງການ 06 ຢູ່ສອງອາພາດເມັນທີ່ກ່າວມາຂ້າງເທິງນີ້.
ໃນວິວັດການປະຕິບັດ, ຄະນະບໍລິຫານອາພາດເມັນໄດ້ເພີ່ມທະວີການໂຄສະນາດ້ວຍຫຼາຍຮູບແບບທີ່ເຫມາະສົມ (ສົ່ງໂດຍອີເມລ໌, ໂດຍຜ່ານກຸ່ມຜູ້ຢູ່ອາໄສ...) ກ່ຽວກັບຜົນປະໂຫຍດຂອງໂຄງການ 06, ບັນດາສິ່ງອຳນວຍຄວາມສະດວກທີ່ນໍາມາໃຫ້ປະຊາຊົນ ແລະ ອົງການຈັດຕັ້ງໃນການປະຕິບັດການບໍລິການສາທາລະນະ, ການນໍາໃຊ້ບັດປະຈໍາຕົວພົນລະເມືອງທີ່ຕິດຊິບ ແລະ ຢັ້ງຢືນແບບເອເລັກໂຕຣນິກ.
ພ້ອມກັນນັ້ນ, ຄະນະຄຸ້ມຄອງອາພາດເມັນຍັງໄດ້ລະດົມພົນລະເມືອງທັງໝົດມາລົງທະບຽນບັນຊີບໍລິການສາທາລະນະທາງອິນເຕີແນັດ.
ພາຍຫຼັງປະກາດການປະຕິບັດ, ຢູ່ສອງອາພາດເມັນ, ກອງບັນຊາການຕຳຫຼວດຄຸ້ມຄອງຄວາມເປັນລະບຽບຮຽບຮ້ອຍຂອງສັງຄົມໄດ້ຊີ້ນຳປະຊາຊົນຊົມໃຊ້ການບໍລິການສາທາລະນະທາງອອນລາຍຜ່ານຄອມພິວເຕີ ແລະ ສະມາດໂຟນເຊື່ອມຕໍ່ອິນເຕີເນັດ.
ບຸນຄົງ
