| ຫວຽດນາມ - ກາຕາ ຮ່ວມມືສ້າງ ແລະ ປະຕິບັດນະໂຍບາຍພັດທະນາຊາວໜຸ່ມ | |
| ຫວຽດນາມ ນຳສົ່ງພົນລະເມືອງ ຈຳນວນ 266 ຄົນ ຈາກປະເທດ ຄູເວດ, ກາຕາ ແລະ ອີຢີບ ກັບຄືນປະເທດຢ່າງປອດໄພ |
ໂດຍສະແດງຄວາມປິຕິຊົມຊື່ນທີ່ໄດ້ຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ກາຕາ ໃນການຢ້ຽມຢາມຫວຽດນາມ ເປັນຄັ້ງທຳອິດ, ທ່ານລັດຖະມົນຕີ ບຸ່ຍແທງເຊີນ ເນັ້ນໜັກວ່າ ການຢ້ຽມຢາມ ແມ່ນຂີດໝາຍສຳຄັນໃນການພົວພັນ 2 ຝ່າຍ ຫວຽດນາມ - ກາຕາ, ພິເສດແມ່ນໃນເມື່ອສອງຝ່າຍ ຫາກໍ່ດຳເນີນການປຶກສາຫາລືການເມືອງ ຄັ້ງທີ 2 ລະຫວ່າງກະຊວງການຕ່າງປະເທດສອງປະເທດຢ່າງສຳເລັດຜົນ ແລະ ເພື່ອແນໃສ່ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດໃນປີ 2023.
 |
| ກາຕາ ປາດຖະໜາຢາກເປີດກວ້າງການຮ່ວມມືດ້ານເສດຖະກິດກັບຫວຽດນາມ. (ພາບ: baoquocte) |
ລັດຖະມົນຕີການຕ່າງປະເທດຂອງສອງປະເທດ ສະແດງຄວາມດີໃຈຕໍ່ການພັດທະນາຢ່າງຕັ້ງໜ້າໃນການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ກາຕາ ໃນຊຸມປີຜ່ານມາ; 2 ຝ່າຍເຫັນດີເປັນເອກະສັນກັນວ່າ 2 ຝ່າຍຍັງມີຫຼາຍຂົວເຂດ ເພື່ອເພີ່ມທະວີການຮ່ວມມືລະຫວ່າງສອງປະເທດ, ພິເສດແມ່ນບັນດາຂົງເຂດທີ່ມີທ່າແຮງ ຄື: ການເມືອງ - ການທູດ, ເສດຖະກິດ, ພະລັງງານ, ການທ່ອງທ່ຽວ, ແຮງງານ.
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ກາຕາ ໄດ້ເຫັນດີກັບຄຳສະເໜີຂອງທ່ານລັດຖະມົນຕີການຕ່າງປະເທດ ບຸ່ຍແທງເຊີນ, ປາດຖະໜາວ່າ 2 ຝ່າຍຈະເພີ່ມທະວີການຮ່ວມມືໃນຂົງເຂດເສດຖະກິດສີຂຽວ, ພະລັງງານທົດແທນ, ວິທະຍາສາດ ແລະ ເຕັກໂນໂລຊີ, ຮ່ວມມືໃນຂົງເຂດກະສິກຳເພື່ອຮັບປະກັນສະບຽງອາຫານ...
ໃນຂອບເຂດການຢ້ຽມຢາມ, ສອງຝ່າຍໄດ້ແລກປ່ຽນທັດສະນະ ກ່ຽວກັບຫຼາຍບັນຫາພາກພື້ນ ແລະ ສາກົນທີ່ 2 ຝ່າຍມີຄວາມສົນໃຈ. ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ກາຕາ ໄດ້ລົງນາມໃນສັນຍາຍົກເວັ້ນວີຊາ ໃຫ້ຜູ້ຖືໜັງສືຜ່ານແດນທາງການທູດ, ໄປວຽກທາງລັດຖະການ ແລະ ປະເພດພິເສດ.
ຄຳຮຸ່ງ
