| ຮັບປະກັນຜົນປະໂຫຍດດີທີ່ສຸດໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ | |
| ທ່ານປະທານາທິບໍດີ ອິດສະຣາແອັນ ຢັ້ງຢືນ ຫວຽດນາມ ມີທີ່ຕັ້ງສຳຄັນໃນນະໂຍບາຍການຕ່າງປະເທດ |
ຕາມກົມພັດທະນາການທ່ອງທ່ຽວລາວ ແລ້ວ, 6 ເດືອນຕົ້ນປີ 2022, ຈຳນວນນັກທ່ອງທ່ຽວສາກົນເຂົ້າມາປະເທດນີ້ດ້ວຍວິຊາທ່ອງທ່ຽວບັນລຸກວ່າ 42.000 ເທື່ອຄົນ, ໃນນັ້ນສ່ວນຫຼາຍແມ່ນໃນເດືອນພຶດສະພາ ແລະເດືອນມິຖຸນາ, ເມື່ອລັດຖະບານລາວ ຍົກເລີກທຸກລະບຽບການຈຳກັດການເຂົ້າເມືອງ ເຊິ່ງໄດ້ວາງອອກເພື່ອສະກັດກັ້ນການແຜ່ລະບາດຂອງໂຄວິດ-19.
 |
| ປະຕູໄຊ - ສະຖານທີ່ທ່ອງທ່ຽວແຫ່ງໜຶ່ງຂອງລາວ. ພາບ: vov.vn |
ທ່ານນາງ ສວນສະຫວັນ ວິຍະເກດ, ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະການທ່ອງທ່ຽວລາວ ໃຫ້ຮູ້ວ່າ ນັກທ່ອງທ່ຽວຈາກບັນດາປະເທດອາຊຽນ ມາຢ້ຽມຢາມລາວ ນັບມື້ນັບຫຼາຍຂຶ້ນ, ໃນນັ້ນ ສະເພາະເດືອນພຶດສະພາ ຫາເດືອນມິຖຸນາ 2022 ມີນັກທ່ອງທ່ຽວມາລາວ ກວ່າ 33.000 ເທື່ອຄົນ, ໃນນັ້ນ ມີກວ່າ 14.000 ເທື່ອຄົນແມ່ນມາຈາກຫວຽດນາມ.
“ກ່ອນທີ່ພະຍາດໂຄວິດ-19 ແຜ່ລະບາດ, ການຮ່ວມມືດ້ານທ່ອງທ່ຽວລະຫວ່າງລາວ ແລະຫວຽດນາມ ພັດທະນາເປັນຢ່າງດີທີ່ສຸດ. ປີ 2019, ລາວ ຕ້ອນຮັບແຂກທ່ອງທ່ຽວຫວຽດນາມ ກວ່າ 1 ລ້ານເທື່ອຄົນ, ເຊິ່ງຢືນອັນດັບທີ 3 ໃນຈຳນວນບັນດາປະເທດທີ່ມີແຂກທ່ອງທ່ຽວມາທ່ຽວປະເທດລາວຫຼາຍທີ່ສຸດ”.
ຕາມທ່ານນາງ ສຸວັນສະຫວັນ ແລ້ວ, ນັກທ່ອງທ່ຽວຫວຽດນາມ ມີຄວາມສົນໃຈຫຼາຍໃນການທ່ອງທ່ຽວເພື່ອຄົ້ນຄ້ວາວັດທະນະທຳ, ຊີວິດ ຫຼື ຮຽນຮູ້ປະຫວັດສາດລາວ. ເພື່ອຊຸກຍູ້ບັນດາທ່າແຮງດ້ານການທ່ອງທ່ຽວຂອງແຕ່ລະຝ່າຍ, ພ້ອມທັງຟື້ນຟູຂະແໜງທ່ອງທ່ຽວພາຍຫຼັງໂລກລະບາດຢ່າງວ່ອງໄວ, 2 ປະເທດຕ້ອງມີກົນໄກບຸລິມະສິດ, ສ້າງເງື່ອນໄຂສະດວກເພື່ອຊຸກຍູ້ຂະແໜງການທ່ອງທ່ຽວ.
ປະເທດລາວເປັນປະເທດທີ່ມີແຫຼ່ງທ່ອງທ່ຽວທາງທຳມະຊາດທີ່ສວຍງາມຫຼາຍແຫ່ງດ້ວຍພູມສັນຖານທີ່ງົດງາມຂອງພູເຂົາ, ປ່າໄມ້, ແມ່ນ້ຳລຳເຊ. ນອກນີ້, ລາວຍັງມີສະຖານທີ່ທ່ອງທ່ຽວທີ່ອຸດົມສົມບູນໄປດ້ວຍເອກະລັກທາງດ້ານວັດທະນະທຳຂອງປະເທດລ້ານຊ້າງເຊັ່ນ: ປູຊະນີຍະສະຖານບູຮານ ແລະ ຫໍທີ່ມີປະຫວັດສາດນັບຮ້ອຍປີ.
ວີໂອວີ
