| ງານປະກວດຫໍ່ເຂົ້ົ້າຕົ້ົ້ມຂອງຊາວຫວຽດນາມຢູ່ສິງກະໂປ ຢ່າງຟົດຟື້ນ | |
| ສານອວຍພອນປີໃໝ່ຫວຽດນາມ 2019 ຂອງທ່ານ ນາງ ຫງວຽນ ເຟືອງ ງາ ປະທານສະຫະພັນອົງການມິດຕະພາບຫວຽດນາມ |
ໂດຍຕິດພັນກັນຢູ່ກັບຫວຽດນາມ ເປັນເວລາ 7 ກວ່າປີ, ທ້າວ Etienne Mahler ໃຫ້ຮູ້ວ່າ ສິ່ງທີ່ປະທັບໃຈທີ່ສຸດ ແມ່ນຄວາມອົບອຸ່ນ ແລະ ການຕ້ອນຮັບຂອງເພື່ອນມິດຫວຽດນາມ. ເມື່ອຮູ້ວ່າ Etienne Mahler ພວມຕ້ອນຮັບປີໃໝ່ປະຈຳຊາດຢູ່ຫວຽດນາມ, ເພື່ອນມິດຫຼາຍຄົນ ໄດ້ເຊີນລາວກັບເມືອບ້ານ ເພື່ອສະຫຼອງບຸນເຕັດ. ຈາກນັ້ນ ລາວ ແລະ ໝູ່ເພື່ອນໃນຄອບຄົວໄດ້ເຕົ້າໂຮມກັນຢູ່ອ້ອມກອງໄຟ ເພື່ອລໍຖ້າເຂົ້ົ້າຕົ້ົ້ມສຸກ, ໄປວັດ, ໄປບຸນເຕັດ, ຊິມອາຫານພື້ນເມືອງນຳກັນ... ໂດຍຜ່ານບັນດາການເຄື່ອນໄຫວຕົວຈິງດັ່ງກ່າວ ຮ່ວມກັບຄອບຄົວຂອງໝູ່ເພື່ອນ ໄດ້ເຮັດໃຫ້ Etienne Mahler ຮູ້ສຶກໄດ້ເຖິງບັນຍາກາດບຸນເຕັດຢູ່ຫວຽດນາມຢ່າງຄົບຖ້ວນ.
 |
| Etienne Mahler, ນັກສຶກສາເຢຍລະມັນຢູ່ມະຫາວິທະຍາໄລວິທະຍາສາດສັງຄົມ ແລະ ມະນຸດ (ຮ່າໂນ້ຍ). |
“ຂ້າພະເຈົ້າ ດີໃຈທີ່ສຸດທີ່ໄດ້ສະເຫຼີມສະຫຼອງບຸນເຕັດຢູ່ຫວຽດນາມ ກັບໝູ່ເພື່ອນ ແລະ ຂ້າພະເຈົ້າກໍ່ມັກອາຫານວັນບຸນເຕັດ, ພິເສດແມ່ນແນມຈືນ. ແນມມີຂະຫນາດນ້ອຍ ແຕ່ມີສ່ວນປະກອບສົດຫຼາຍ ແລະ ລົດຊາດຂອງມັນບໍ່ມີບ່ອນໃດທຽບໄດ້. ສິ່ງທີ່ເຮັດໃຫ້ຂ້າພະເຈົ້າມັກອາຫານນີ້ເປັນພິເສດເພາະວ່າ ໂດຍຄອບຄົວເຮັດເອງຢູ່ເຮືອນ ດ້ວຍຫຼາຍຂັ້ນຕອນທີ່ຕ້ອງການຄວາມລະມັດລະວັງ ແລະ ຄວາມຊຳນານ” - Etienne Mahler ແບ່ງປັນ.
ພາຍຫຼັງ 4 ປີແຫ່ງການເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງບຸນປີໃໝ່ປະຈຳຊາດ ຫວຽດນາມ, ທ້າວ Etienne Mahler ໃຫ້ຮູ້ວ່າ ສິ່ງທີ່ລາວມັກທີ່ສຸດ ແມ່ນເບິ່ງຄືວ່າທຸກຢ່າງຊ້າລົງ, ທຸກຄົນສຸມໃສ່ຄອບຄົວ ແລະ ສິ່ງດີງາມ. ຊີວິດການເປັນຢູ່ຂອງປະຊາຊົນຫວຽດນາມ ແລະ ໂດຍສະເພາະແມ່ນນະຄອນຮ່າໂນ້ຍ ຍາມໃດກໍ່ມີຄວາມເຄັ່ງຮ້ອນ ແລະ ມີຄວາມຫຍຸ້ງວຽກ. ເພາະສະນັ້ນ, ວັນບຸນເຕັດ ແມ່ນເວລາທີ່ດີສໍາລັບທຸກຄົນ ທີ່ຈະເພີດເພີນກັບເວລາທີ່ງຽບສະຫງົບທີ່ຫາຍາກ.
“ສິ່ງໜຶ່ງທີ່ຂ້າພະເຈົ້າຍັງຂ້ອງຄາໃຈ ຄືຂ້າພະເຈົ້າຫວັງວ່າ ທຸກຄົນຈະມີຄວາມເຂັ້ມງວດໃນການນຳໃຊ້ປຼາສະຕິກກວ່າ, ຫວຽດນາມ ໄດ້ບັນລຸຜົນສຳເລັດຫຼາຍຢ່າງໃນຂົງເຂດນີ້, ມີຮ້ານຂາຍເຄື່ອງ ແລະ ຮ້ານອາຫານຫຼາຍແຫ່ງ ໄດ້ຫ້າມນຳເຂົ້າພາດສະຕິກທີ່ໃຊ້ຄັ້ງດຽວ. ແຕ່ວ່າ, ມີຫຼາຍຄັ້ງເມື່ອຂ້ອຍສັ່ງອາຫານ ຫຼື ຊື້ເຄື່ອງ, ຂ້ອຍຈະໄດ້ຮັບສິນຄ້າທີ່ຫຸ້ມຫໍ່ຢູ່ໃນກ່ອງພາດສະຕິກ. ຫວຽດນາມມີປະລິມານຂີ້ເຫຍື້ອປຼາສະຕິກຫຼາຍສົມຄວນ, ສະນັ້ນ ຂ້າພະເຈົ້າຫວັງວ່າ ພວກເຮົາຈະສາມາດແກ້ໄຂບັນຫານີ້ໄດ້ ແລະ ດຳລົງຊີວິດທີ່ເປັນມິດກັບສິ່ງແວດລ້ອມກວ່ອີີກ”. - Etienne Mahler ກ່າວ.
ຄຳຮຸ່ງ
