ຕອນເຊົ້າວັນທີ 2 ສິງຫາ, ຢູ່ຫໍໄວ້ອາໄລທະຫານເຂດ 5, ນະຄອນ ດ່າໜັງ, ກອງບັນຊາການທະຫານເຂດ 5, ພ້ອມກັບເພື່ອນຮ່ວມກົມກອງ ແລະ ຄອບຄົວໄດ້ຈັດຕັ້ງພິທີໄວ້ອາໄລ ແລະ ສົ່ງນັກວິລະຊົນປະກອບອາວຸດປະຊາຊົນ Kostas ຫງວຽນວັນເລິບ ໄປສູ່ສຸຂະຕິ.
 |
| ທະຫານເຂດ 5 ໄດ້ຈັດພິທີໄວ້ອາໄລ ແລະ ສົ່ງນັກວິລະຊົນປະກອບອາວຸດປະຊາຊົນ Kostas ຫງວຽນວັນເລິບ. ພາບ: baochinhphu.vn |
ນັກວິລະຊົນປະກອບອາວຸດປະຊາຊົນ Kostas ຫງວຽນວັນເລິບ ເກີດຢູ່ເກຼັກ, ແຕ່ຊ່ວງໄວໜຸ່ມຂອງລາວ ລ້ວນແຕ່ດຳລົງຊີວິດ ແລະ ຕໍ່ສູ້ຄຽງບ່າຄຽງໄລ່ກັບບັນດາສະຫາຍຢູ່ ຫວຽດນາມ.
ສຳລັບທ່ານ ຫງວຽນວັນເລິບ, ຫວຽດນາມ ໄດ້ກາຍເປັນບ້ານເກີດເມືອງນອນທີ່ເຕັມໄປດ້ວຍຄວາມຮັກແພງ. ຢູ່ປະເທດເກຼັກ, ພາຍຫຼັງເຈັບປ່ວຍໜັກມາເປັນໄລຍະຍາວ, ເຖິງວ່າໄດ້ຮັບການເບິ່ງແຍງດູແລຈາກທ່ານໝໍ, ພະຍາບານ ແລະ ຄອບຄົວກໍ່ຕາມ, ແຕ່ຍ້ອນອາຍຸສູງສຸຂະພາບອ່ອນເພຍ, ທ່ານ Kostas ຫງວຽນວັນເລິບ ເຖິງແກ່ມໍລະນະກຳໃນວັນທີ 25 ມິຖຸນາ 2021. ອາຍຸຍືນ 93 ປີ. ຕາມຄວາມປາດຖະໜາຂອງຕົນ ແລະ ຄອບຄົວ, ໄດ້ນຳເອົາເທົ່າອັດຖິຂອງຕົນກັບຄືນສູ່ຫວຽດນາມ.
ດ້ວຍຜົນງານດີເດັ່ນໃນການຕໍ່ສູ້ ແລະ ປະຕິບັດງານ, ທ່ານ Kostas ຫງວຽນວັນເລິບ ໄດ້ຮັບລາງວັນອັນສູງສົ່ງຂອງພັກ ແລະ ລັດ ຫວຽດນາມ.
ອ່ານປະຫວັດທີ່ພິທີໄວ້ອາໄລ, ທ່ານພົນຈັດຕະວາ ເຈືອງທ້ຽນໂຕ, ຮອງຜູ້ບັນຊາການການເມືອງທະຫານເຂດ 5 ເນັ້ນໜັກວ່າ: “ພະນັກງານ, ນັກຮົບກອງທັບປະຊາຊົນຫວຽດນາມ ເວົ້າລວມ ແລະ ກຳລັງປະກອບອາວຸດທະຫານເຂດ 5 ເວົ້າສະເພາະແມ່ນເປັນກຽດທີ່ໄດ້ຕ້ອນຮັບເພິ່ນກັບຄືນສູ່ດິນແດນຂອງທະຫານເຂດ 5 ທີ່ກ້າຫານ ແລະ ໄດ້ດູແລເພິ່ນໄປສູ່ສຸຂະຕິ.
ບູນມີ
