ຄະນະກຳມະການປະຊາຊົນນະຄອນຮ່າໂນ້ຍ ຫາກໍ່ປະກາດແຜນການສະບັບເລກທີ 200/KH-UBND ກ່ຽວກັບການປະຕິບັດຍຸດທະສາດພັດທະນາຂະແໜງຂໍ້ມູນຂ່າວສານຮາກຖານໄລຍະ 2022-2025 ຢູ່ນະຄອນຮ່າໂນ້ຍ.
 |
| ຮອດປີ 2025, 100% ຂອງຕາແສງ ຮ່າໂນ້ຍ ຈະມີລະບົບກະຈາຍສຽງເຕັກໂນໂລຊີ. ພາບ: thoidai.com.vn |
ເປົ້າໝາຍຂອງແຜນການເນັ້ນໜັກເຖິງການພັດທະນາເຄືອຂ່າຍຂໍ້ມູນຂ່າວສານຮາກຖານບໍລິເວນນະຄອນທີ່ທັນສະໄໝ ແລະ ຄົບຊຸດ. ພົວພັນ ແລະ ສ່ອງແສງຢ່າງວ່ອງໄວຕໍ່ຜົນກະທົບຈາກໄພທຳມະຊາດ, ໂລກລະບາດ ແລະ ໄພພິບັດສິ່ງແວດລ້ອມຕໍ່ຊີວິດເສດຖະກິດ-ສັງຄົມ...
ແຜນການດັ່ງກ່າວໄດ້ລະບຸຢ່າງຈະແຈ້ງວ່າ: ກ່ຽວກັບການພັດທະນາເຄືອຂ່າຍຂໍ້ມູນຂ່າວສານຮາກຖານທັນສະໄໝຢູ່ຂັ້ນບ້ານ, ນະຄອນ, ສູ້ຊົນຮອດປີ 2025, 100% ຂອງຕາແສງ, ເມືອງ, ເທດສະບານ ຈະມີລະບົບວິທະຍຸເຄື່ອນໄຫວໄປເຖິງບ້ານ, ເຂດຊຸມຊົນ.
ພ້ອມກັນນັ້ນ, 100% ຂອງຕາແສງ, ເທດສະບານ ຈະມີເວັບໄຊຂໍ້ມູນຂ່າວສານ ເອເລັກໂຕນິກຂອງຄະນະກຳມະການປະຊາຊົນຂັ້ນເມືອງ ເພື່ອເຜີຍແຜ່ຂໍ້ມູນຂ່າວສານທີ່ສຳຄັນ ແລະ ພົວພັນກັບປະຊາຊົນ; 100% ຕາແສງ, ເທດສະບານແລະ ກວ່າ 70% ຕາແສງມີກະດານຂ່າວເອເລັກໂຕນິກເພື່ອເຜີຍແຜ່ຂໍ້ມູນຂ່າວສານທີ່ສຳຄັນໃຫ້ປະຊາຊົນ.
ສຳລັບຂັ້ນເມືອງ, ຮອດປີ 2023, 100% ສູນວັດທະນະທຳ-ຂ່າວສານ ແລະ ກິລາຂັ້ນເມືອງ ໂດຍພື້ນຖານຈະມີອຸປະກອນ ແລະ ຊັບພະຍາກອນມະນຸດຢ່າງພຽງພໍ ເພື່ອປະຕິບັດວຽກງານຖະແຫຼງຂ່າວ ແລະ ສື່ສານຢູ່ຂັ້ນເມືອງ ຕາມໜ້າທີ່.
ກ່ຽວກັບການຫັນປ່ຽນດີຈີຕອນການເຄື່ອນໄຫວຂໍ້ມູນຂ່າວສານຮາກຖານ, ຮອດປີ 2025, 100% ຂອງສະຖານີວິທະຍຸຂັ້ນຕາແສງມີສາຍ ແລະ ໄຮ້ສາຍ FM ຈະປ່ຽນເປັນສະຖານີວິທະຍຸນຳໃຊ້ເຕັກໂນໂລຊີຂໍ້ມູນຂ່າວສານ-ໂທລະຄົມ...
ບູນມີ
