 |
| ທ່ານເອກອັກຄະລັດຖະທູດຫວຽດນາມ ເຢືອງຫ໋າຍຮຶງ ຖ່າຍຮູບນຳປະຊາຄົມຊາວຫວຽດນາມ ອາໄສຢູ່ Cyprus. (ພາບ: TTXVN) |
ທ່ານເອກອັກຄະລັດຖະທູດຫວຽດນາມ ປະຈຳ ອີຕາລີ ທັງ ສາທາລະນະລັດ Cyprus ເຢືອງຫ໋າຍຮຶງ ແລະ ບັນດາພະນັກງານສະຖານທູດ ຫວຽດນາມ ປະຈຳ ອີຕາລີ ໄດ້ມີການພົບປະກັບປະຊາຄົມຊາວຫວຽດນາມ ອາໄສ Cyprus ຢູ່ນະຄອນ Limassol ເນື່ອງໃນໂອກາດທ່ານເອກອັກຄະລັດຖະທູດ ປະຈຳ Cyprus ເຂົ້າຍື່ນສານຕາຕັ້ງໃຫ້ແກ່ທ່ານປະທານາທິບໍດີ Cyprus Nicos Anastasiades. .
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ເຢືອງຫາຍຮຶງ ໄດ້ປະກາດຫຍໍ້ຜົນງານຂອງພິທີຍື່ນສານຕາຕັ້ງ ແລະ ການພົບປະກັບປະທານາທິບໍດີ ແລະ ການນຳ ສາທາລະນະລັດ Cyprus, ທ່ານໃຫ້ຮູ້ວ່າ: ປະທານາທິບໍດີ Cyprus Nicos Anastasiades ໄດ້ຕີລາຄາສູງປະຊາຄົມຊາວ ຫວຽດນາມ ຢູ່ Cyprus, ທ່ານກໍ່ເນັ້ນໜັກວ່າ ປະຊາຄົມໄດ້ມີການປະກອບສ່ວນຢ່າງຕັ້ງໜ້າໃນການພັດທະນາເສດຖະກິດ-ສັງຄົມ ແລະ ວັດທະນະທໍາ ແລະ ສັງຄົມຂອງປະເທດ Cyprus.
ທ່ານເອກອັກຄະລັດຖະທູດ ໄດ້ສະເໜີໃຫ້ການນຳ ສ. Cyprus ມີຄວາມເອົາໃຈໃສ່ຕໍ່ການປົກປັກຮັກສາສິດ ແລະ ຜົນປະໂຫຍດ, ສະໜັບສະໜູນ, ໜູນຊ່ວຍປະຊາຄົມຊາວຫວຽດນາມ ເຊື່ອມໂຍງເຂົ້າກັບ ປະຊາຄົມປະເທດປະຈຳຖິ່ນ.
ທ່ານເອກອັກຄະລັດຖະທູດ ເຢືອງຫ໋າຍຮຶງ ໄດ້ເນັ້ນໜັກວ່າ ປະຊາຄົມຊາວຫວຽດນາມ ປະຈຳ ສ. Cyprus ແມ່ນສ່ວນໜຶ່ງທີ່ບໍ່ສາມາດຕັດແຍກອອກຈາກປະຊາຄົມຊາດ ຫວຽດນາມ, ແມ່ນແຫຼ່ງກຳລັງສຳຄັນປະກອບສ່ວນໃຫ້ແກ່ພາລະກິດແຫ່ງການສ້າງສາ, ພັດທະນາ ແລະ ປົກປັກຮັກສາປະເທດຊາດ.
ທ່ານເອກອັກຄະລັດຖະທູດ ສະແດງຄວາມຊົມເຊີຍຕໍ່ຈິດໃຈຮັກຊາດ, ຄວາມສາມັກຄີ ແລະ ການປະກອບສ່ວນຢ່າງຕັ້ງໜ້າຂອງປະຊາຄົມຊາວຫວຽດານມ ອາໄສຢູ່ Cyprus ໃນໄລຍະຜ່ານມາ, ເປັນຕົ້ນແມ່ນວຽກງານປົກປ້ອງພົນລະເມືອງ, ບັນດາການເຄື່ອນໄຫວທຳການກຸສົນ, ຕ້ານພະຍາດໂຄວິດ - 19 ແລະ ໂຄສະນາພາບພົດຫວຽດນາມ ຢູ່ ສ. Cyprus. ທ່ານເອກອັກຄະລັດຖະທູດ ໄດ້ສະແດງຄວາມຫວັງຢາກໃຫ້ປະຊາຄົມຊາວຫວຽດນາມ ອາໄສຢູ່ ສ.Cyprus ສືບຕໍ່ເສີມຂະຫຍາຍສີສັນວັດທະນະທຳ ແລະ ເປັນມູນເຊື້ອອັນດີງາມ ຂອງຊົນຊາດ, ຈິດໃຈຮັກແພງກັນ ມຸ່ງໄປເຖິງບ້ານເກີດເມືອງນອນປະເທດຊາດ, ປະກອບສ່ວນຕັ້ງໜ້າເຂົ້າໃນການພັດທະນາຂອງປະເທດປະຈຳຖິ່ນ ແລະ ສົມທົບກັບການນຳຫວຽດນາມ ປະຈຳ ສ.Cyprus ຢ່າງແໜ້ນແຟ້ນ ເພື່ອຊຸກຍູ້ການພົວພັນອັນດີງາມລະຫວ່າງ ຫວຽດນາມ ແລະ ສ. Cyprus ຢ່າງແຮງ.
ທ່ານ George Christophides ກົງສຸນກິດຕິມະສັກ ຫວຽດນາມ ປະຈຳ ສ. Cyprus ໃຫ້ຄຳໝັ້ນສັນຍາຍາມໃດກໍ່ຈະຮ່ວມເດີນທາງກັບປະຊາຄົມຊາວຫວຽດນາມ ໃນທຸກການເຄື່ອນໄຫວ, ຕັ້ງໜ້າໜູນຊ່ວຍກ່ຽວກັບເອກະສານນິຕິກຳ ແລະ ສົມທົບກັບສະຖານທູດເພື່ອປົກປ້ອງສິດຊອບທຳຂອງຜູ້ອອກແຮງງານ.
ບຸນຄົງ
