| ການຊ່ວຍເຫຼືອທາງດ້ານກົດໝາຍສຳລັບພົນລະເມືອງ 2 ຄົນທີ່ຖືກຈັບໃນປະເທດສະເປນ | |
| ສະຖານທູດ ຫວຽດນາມ ປະຈໍາ ປາຣີ ສົມທົບສະເຫຼີມສະຫຼອງ 50 ປີ ແຫ່ງວັນເຊັນສັນຍາປາຣີ |
 |
| ພາບປະກອບ (ພາບ: Mai Ngoan/ TTXVN) |
ໂດຍການກ່າວຄຳເຫັນທີ່ການເຮັດວຽກກັບການນຳແຂວງ ຮືງອຽນ ໃນຕອນບ່າຍວັນທີ 11 ກໍລະກົດ, ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສ.ເບລາຣຸດ ປະຈຳ ຫວຽດນາມ Uladzimir Baravikov ເນັ້ນໜັກວ່າ ແຂວງ ຮືງອຽນ ແລະ ສ.ເບລາຣຸດ ຈະເປີດກວ້າງບັນດາການພົວພັນຮ່ວມມືໃນຫຼາຍຂົງເຂດ, ເຊື່ອມຕໍ່ບັນດາວິສາຫະກິດໃຫຍ່ມາລົງທຶນ ແລະ ເຮັດທຸລະກິດ; ປະກອບສ່ວນເຂົ້າໃນການສ້າງສາຍພົວພັນມິດຕະພາບອັນດີງາມທີ່ມີແຕ່ດັ້ງເດີມ ລະຫວ່າງສອງປະເທດ ແລະ ລະຫວ່າງແຂວງຮືງອຽນ ກັບບັນດາທ້ອງຖິ່ນຂອງ ເບລາຣຸດ.
ທ່ານເອກອັກຄະລັດຖະທູດ Uladimir Baravikov ໃຫ້ຮູ້ວ່າ ເບລາຣຸດ ຈະຜັນຂະຫຍາຍຫຼາຍໂຄງການທີ່ມີຄວາມສາມາດບົ່ມຊ້ອນ ເພື່ອລົງທຶນເຂົ້າໃນແຂວງ ຮືງອຽນ ແລະ ຫວັງວ່າໃນໄລຍະຈະມາເຖິງ, ແຂວງຈະສືບຕໍ່ສ້າງເງື່ອນໄຂສະດວກໃຫ້ບັນດາໂຄງການໄດ້ດຳເນີນຢ່າງມີປະສິດທິຜົນ; ຫວັງວ່າໄລຍະຈະມາເຖິງຈະເຊື່ອມຕໍ່ບັນດາວິສາຫະກິດໃຫຍ່ຂອງ ເບລາຣຸດ ມາລົງທຶນ ແລະ ເຮັດທຸລະກິດຢູ່ ຮືງອຽນ. ທ່ານເອກອັກຄະລັດຖະທູດ ຂໍເປັນກຽດຮຽນເຊີນ ທ່ານການນຳແຂວງ ຮືງອຽນ ໄລຍະຈະມາເຖິງ ຈະໄປຢ້ຽມຢາມ ແລະ ເຮັດວຽກຢູ່ ເບລາຣຸດ ເພື່ອລົງນາມບົດບັນທຶກກ່ຽວກັບການຮ່ວມມືດ້ານເສດຖະກິດ ແລະ ການຄ້າ ລະຫວ່າງ ຮືງອຽນ ແລະ ນະຄອນ Minsk ຂອງ ເບລາຣຸດ.
ທ່ານປະທານສະພາຜູ້ແທນປະຊາຊົນແຂວງ ຮືງອຽນ ເຈີນກວັກຕ໋ວນ ປາດຖະໜາວ່າ, ໃນໄລຍະຈະມາເຖິງ, ການພົວພັນຮ່ວມມືລະຫວ່າງແຂວງ ແລະ ບັນດາວິສາຫະກິດ ເບລາຣຸດ ຈະໄດ້ແໜ້ນແຟ້ນກວ່າອີກ ໂດຍຜ່ານບັນດາການເຄື່ອນໄຫວແລກປ່ຽນ, ຮ່ວມມື. ຮືງອຽນ ຍາມໃດກໍສ້າງເງື່ອນໄຂສະດວກໃຫ້ບັນດາວິສາຫະກິດຂອງ ເບລາຣຸດ ໄດ້ເຄື່ອນໄຫວຢູ່ໃນບໍລິເວນ ໂດຍຕາມຂໍ້ກຳນົດຂອງກົດໝາຍ ຫວຽດນາມ.
ຫອມມາລາ
