ຕອນບ່າຍວັນທີ 7 ກໍລະກົດ, ທີ່ການປະຊຸມຂ່າວນັດສາມັນກະຊວງການຕ່າງປະເທດ, ຕອບຄຳຊັກຖາມຂອງນັກຂ່າວກ່ຽວກັບພົນລະເມືອງຫວຽດນາມ 2 ຄົນຖືກຕຳຫຼວດສະເປນ ຈັບຕົວ, ທ່ານນາງໂຄສົກກະຊວງການຕ່າງປະເທດ ເລທິທູຮັ່ງ ໃຫ້ຮູ້ວ່າ, ສະຖານທູດຫວຽດນາມ ປະຈຳສະເປນ ໄດ້ຮັບແຈ້ງການຈາກຕໍາຫຼວດສະເປນ ແລະໄດ້ປະຕິບັດມາດຕະການເບື້ອງຕົ້ນຢ່າງຮີບດ່ວນເພື່ອປົກປ້ອງພົນລະເມືອງ.
 |
| ທ່ານນາງໂຄສົກກະຊວງການຕ່າງປະເທດ ເລທິທູຮັ່ງ. ພາບ: TTXVN |
ປະຈຸບັນ, ສະຖານທູດຫວຽດນາມ ປະຈຳສະເປນ ກໍ່ພວມສືບຕໍ່ຕິດຕາມກວດກາກໍລະນີດັ່ງກ່າວ, ກຽມພ້ອມໜູນຊ່ວຍພົນລະເມືອງຕາມຂໍ້ກຳນົດຂອງກົດໝາຍປະເທດປະຈໍາຖິ່ນ ແລະກົດໝາຍຂອງ ຫວຽດນາມ. ກໍ່ຕາມສະຖານທູດແລ້ວ, ບັນດາອົງການເຈົ້າໜ້າທີ່ຂອງສະເປນ ຍັງພວມເກັບກຳຂໍ້ມູນ ແລະຫຼັກຖານເພື່ອຮັບໃຊ້ການສືບສວນຄະດີ. ທ່ານນາງ ເລທິທູຮັ່ງ ກ່າວຕື່ມວ່າ: ພົນລະເມືອງ 2 ຄົນທີ່ກ່າວມາຂ້າງເທິງນີ້ມີສຸຂະພາບດີເປັນປົກກະຕິ ແລະພວມໄດ້ຮັບການຊ່ວຍເຫຼືອດ້ານກົດໝາຍຕາມລະບຽບການ. ຂໍ້ມູນຂ່າວສານກ່ຽວກັບກໍລະນີທີ່ກ່ຽວຂ້ອງກັບການປົກປ້ອງພົນລະເມືອງ, ກະຊວງການຕ່າງປະເທດ ຈະໄດ້ສະໜອງຖືກຕາມພາລະ, ໜ້າທີ່ ແລະສິດອຳນາດຂອງຕົນ, ສອດຄ່ອງກັບຂໍ້ກຳນົດຂອງກົດໝາຍຫວຽດນາມ.
ບູນມີ
