| ສະຖານທູດ ຫວຽດນາມ ໄດ້ປະສົບຜົນສຳເລັດດີເລີດ ໃນວາລະດຳລົງຕຳແໜ່ງເປັນປະທານຄະນະກຳມະການ ອາຊຽນ ທີ່ Prague | |
| ພົນເອກ ຟານວັນຢາງ ຕ້ອນຮັບເອກອັກຄະລັດຖະທູດອົດສະຕາລີ ປະຈໍາ ຫວຽດນາມ |
 |
| ທ່ານເອກອັກຄະລັດຖະທູດຫວຽດນາມ ປະຈໍາ ຝະລັ່ງ ດິງຕວານທັ໋ງ ໄດ້ໃຫ້ການພົບປະຢ່າງສະໜິດສະໜົມກັບເຈົ້າແຂວງນະຄອນ Verrières-le-Buisson - ທ່ານ Francois Guy Trébulle ( ພາບ: ສະຖານທູດ ຫວຽດນາມ ປະຈໍາ ຝລັ່ງ) |
ນະຄອນ Verrieres-le-Buisson ມີເຮືອນເລກທີ 49 (ປະຈຸບັນແມ່ນເລກທີ 17) ຖະໜົນ Cambacérèsເຊິ່ງເປັນບ່ອນທີ່ ທ່ານນາງ ຫງວຽນທິບິງ ເວລານັ້ນເປັນລັດຖະມົນຕີການຕ່າງປະເທດ, ຫົວໜ້າຄະນະລັດຖະບານ ປະຕິວັດຊົ່ວຄາວ ພາກໃຕ້ ຫວຽດນາມ ແລະ ສະມາຊິກຈໍານວນໜຶ່ງຂອງຄະນະ ໄດ້ພັກເຊົາແຕ່ປີ 1968-1973 ເພື່ອເຂົ້າຮ່ວມການເຈລະຈາຄັ້ງປະຫວັດສາດທີ່ມຸ່ງໄປສູ່ການເຊັນສັນຍາປາຣີ. ເຮືອນຫຼັງນັ້ນ ໂດຍແມ່ນບັນດາສະມາຊິກພັກກອມມູນິດຝະລັ່ງ ໄດ້ແນະນຳໃຫ້ຄະນະ ຫວຽດນາມ.
ທ່ານເອກອັກຄະລັດຖະທູດ ຕວານທັ໋ງ ສະແດງຄວາມປະທັບໃຈ ແລະ ຕີລາສູງຕໍ່ບັນດາການປະກອບສ່ວນຂອງອຳນາດການປົກຄອງ ແລະ ສະມາຄົມຄົ້ນຄວ້າປະຫວັດສາດ Verrières-le-Buisson ເນື່ອງໃນໂອກາດສະເຫຼີມສະຫຼອງ 40 ປີ ແຫ່ງວັນເຊັນສັນຍາປາຣີ ໃນປີ 2013.
ທ່ານເອກອັກຄະລັດຖະທູດ ປາດຖະໜາວ່າ ນະຄອນ Verrières-le-Buisson ຈະສືບຕໍ່ເສີມຂະຫຍາຍບັນດາແນວຄວາມຄິດ ແລະຮ່ວມແຮງກັບ ຫວຽດນາມ ຈັດຕັ້ງບັນດາກິດຈະກໍາ ເນື່ອງໃນໂອກາດສະເຫຼີມສະຫຼອງ 50ປີແຫ່ງວັນເຊັນສັນຍາທີ່ມີຄວາມໝາຍປະຫວັດສາດນີ້ຢ່າງສໍາເລັດຜົນ.
ທ່ານເຈົ້າແຂວງ François Guy Trébulle ສະແດງຄວາມດີໃຈ ທີ່ນະຄອນ ຍາມໃດກໍແມ່ນສ່ວນໜຶ່ງຂອງປະຫວັດສາດແຫ່ງການຕໍ່ສູ້ເພື່ອສັນຕິພາບ ແລະ ເອກະລາດຂອງຫວຽດນາມ.
ທ່ານ Trébulle ຢືນຢັນຈະສະຫງວນຄວາມສົນໃຈ ແລະ ສົມທົບກັນຢ່າງແໜ້ນແຟ້ນກັບສະຖານທູດຫວຽດນາມ ເພື່ອຈັດຕັ້ງບັນດາການເຄື່ອນໄຫວ, ເຫດການສະເຫຼີມສະຫຼອງການເຊັນສັນຍາປາຣີ ຢູ່ນະຄອນ, ກໍຄືເພື່ອມຸ່ງໄປເຖິງບັນດາຂີດໝາຍພິເສດຂອງການພົວພັນລະຫວ່າງສອງປະເທດ ຫວຽດນາມ ແລະ ຝລັ່ງ ໃນປີ 2023.
ຫອມມາລາ
