ຕອນເຊົ້າວັນທີ 11 ກໍລະກົດ, ທີ່ຮ່າໂນ້ຍ, ທ່ານ ຟ້າມມິງຈີ໊ງ ນາຍົກລັດຖະມົນຕີ ແຫ່ງ ສສ ຫວຽດນາມ ໄດ້ຕາງໜ້າການນໍາຂັ້ນສູງຫວຽດນາມ ຂຽນປື້ມໄວ້ອາໄລ ອະດີດນາຍົກລັດຖະມົນຕີ ຍີ່ປຸ່ນ Abe Shinzo. ສະຖານທູດ ຍີ່ປຸ່ນ ປະຈໍາ ສສ ຫວຽດນາມ ໄດ້ເປີດປື້ມໄວ້ອາໄລ ອະດີດນາຍົກລັດຖະມົນຕີ ຍີ່ປຸ່ນ Abe Shinzo.
 |
| ທ່ານ ຟ້າມມິງຈີ໊ງ ນາຍົກລັດຖະມົນຕີ ແຫ່ງ ສສ ຫວຽດນາມ ໄດ້ຕາງໜ້າການນໍາຂັ້ນສູງຫວຽດນາມ ຂຽນປື້ມໄວ້ອາໄລ ອະດີດນາຍົກລັດຖະມົນຕີ ຍີ່ປຸ່ນ Abe Shinzo. ພາບ: baochinhphu.vn |
ເມື່ອໄດ້ຮັບຂ່າວອະດີດນາຍົກລັດຖະມົນຕີ ຍີ່ປຸ່ນ Abe Shinzo ເຖິງແກ່ມໍລະນະກໍາ, ທ່ານ ຟ້າມມິງຈີ໊ງ ນາຍົກລັດຖະມົນຕີ ແຫ່ງ ສສ ຫວຽດ ນາມ ໄດ້ຕາງໜ້າການນໍາຂັ້ນສູງ ແລະ ປະຊາຊົນຫວຽດນາມ ສົ່ງສານສະແດງຄວາມເສົ້າສະຫຼົດໃຈເຖິງ ປະທານພັກປະຊາທິປະໄຕເສລີ, ນາຍົກລັດຖະມົນຕີຍີ່ປຸ່ນ Kishida Fumio.
ໃນສານທ່ານ ຟ້າມມິງຈີ໊ງ ນາຍົກລັດຖະມົນຕີ ແບ່ງປັນຄວາມໂສກເສົ້າ ມາຍັງ ລັດຖະບານ, ປະຊາຊົນຍີ່ປຸ່ນ ແລະ ຄອບຄົວອະດີດນາຍົກລັດຖະມົນຕີ Abe Shinzo; ສະແດງຄວາມເຄົາລົບຄວາມຮູ້ສຶກອັນພິເສດ ແລະ ການສະໜັບສະໜູນ, ການຊ່ວຍເຫຼືອອັນລໍ້າຄ່າ ເຊິ່ງທ່ານ Abe ໄດສະຫງວນໃຫ້ແກ່ປະເທດ, ຊາວຫວຽດນາມ ກໍຄືການພົວພັນຄູ່ຮ່ວມມື ຍຸດທະສາດຢ່າງເລິກເຊິ່ງ ກວ້າງຂວາງລະຫວ່າງຫວຽດນາມ-ຍີ່ປຸ່ນ.
ກໍ່ໃນວັນດຽວກັນ, ທ່ານ ບຸ່ຍແທງເຊີນ ລັດຖະມົນຕີກະຊວງການຕ່າງປະເທດ ຫວຽດນາມ ກໍໄດ້ສົ່ງສານສະແດງຄວາມເສົ້າສະຫຼົດໃຈເຖິງ ທ່ານລັດຖະມົນຕີກະຊວງການຕ່າງປະເທດຍີ່ປຸ່ນ Hayashi Yoshimasa.
ບູນມີ
