| ການຊ່ວຍເຫຼືອທາງດ້ານກົດໝາຍສຳລັບພົນລະເມືອງ 2 ຄົນທີ່ຖືກຈັບໃນປະເທດສະເປນ | |
| ການໂອ້ລົມສົນທະນາກັບປະຊາຄົມຊາວຫວຽດນາມຢູ່ ສ.ເຊັກໂກ ກ່ຽວກັບນະໂຍບາຍກົດໝາຍວ່າດ້ວຍສັນຊາດ |
 |
| ໂຄສົກກະຊວງການຕ່າງປະເທດ ທ່ານນາງ ເລທິທູຮັ່ງ (ພາບ: Nguyễn Hồng) |
ວັນທີ 7 ກໍລະກົດນີ້, ທີ່ກອງປະຊຸມຂ່າວປະຈຳຂອງກະຊວງການຕ່າງປະເທດ ໄດ້ຕອບຄຳຖາມທີ່ນັກຂ່າວສະເໜີຄືອັບເດດວຽກງານກ່ຽວກັບການປົກປ້ອງພົນລະເມືອງຕໍ່ສະຖານະການຊາວຫວຽດນາມທີ່ຖືກບັງຄັບອອກແຮງງານຢູ່ກຳປູເຈຍ, ໂຄສົກກະຊວງການຕ່າງປະເທດ ທ່ານນາງ ເລທິທູຮັ່ງ ໃຫ້ຮູ້ວ່າ ໃນຊຸມມື້ຜ່ານມາ, ໂດຍປະຕິບັດຕາມການຊີ້ນຳຂອງກະຊວງການຕ່າງປະເທດ, ບັນດາອົງການຕາງໜ້າ ຫວຽດນາມ ປະຈຳ ກຳປູເຈຍ ໄດ້ສົມທົບເປັນປະຈໍາກັບບັນດາກະຊວງ, ຂະແໜງການ, ອົງການທີ່ມີໜ້າທີ່, ບັນດາທ້ອງຖິ່ນພາຍໃນປະເທດ, ພິເສດແມ່ນບັນດາທ້ອງຖິ່ນທີ່ມີຊາຍແດນຕິດກັບ ກຳປູເຈຍ ແລະ ບັນດາອົງການທີ່ມີໜ້າທີ່ຂອງ ກຳປູເຈຍ ປະຕິບັດຫຼາຍວິທີການປົກປ້ອງ ແລະ ຫນູນຊ່ວຍບັນດາພົນລະເມືອງທີ່ມີຄວາມຫຍຸ້ງຍາກ, ເຄາະຮ້າຍ ແລະ ພາກັບບ້ານ ຄື ຕັ້ງກຸ່ມເຮັດວຽກສະເພາະເພື່ອແກ້ໄຂການຮ້ອງຂໍຄວາມຊ່ວຍເຫຼືອຂອງພົນລະເມືອງ; ລົງຄໍາເຕືອນຢູ່ໃນເວັບໄຊ ແລະ ບັນຊີສື່ສັງຄົມຂອງອົງການຕາງໜ້າ; ສ້າງຕັ້ງສາຍດ່ວນໜູນຊ່ວຍ 24/7 ລະຫວ່າງສະຖານທູດ ຫວຽດນາມ ປະຈຳ ກຳປູເຈຍ ແລະ ອົງການທີ່ມີໜ້າທີ່ຂອງ ກຳປູເຈຍ ໃນການຮັບຂໍ້ມູນ ແລະ ໜູນຊ່ວຍກອບກູ້ຜູ້ທີ່ຖືກເຄາະຮ້າຍທີ່ເປັນພົນລະເມືອງ ຫວຽດນາມ ຢ່າງທັນການ ແລະ ມີປະສິດທິຜົນ; ສົມທົບກັບບັນດາອົງການທີ່ກ່ຽວຂ້ອງພາຍໃນປະເທດ ເພື່ອຊຸກຍູ້ການໂຄສະນາເຜີຍແຜ່, ປ່າວເຕືອນຍົກສູງສະຕິໃຫ້ແກ່ປະຊາຊົນ. ດ້ວຍການສົມທົບຂອງບັນດາອົງການທີ່ມີໜ້າທີ່ພາຍໃນປະເທດ ແລະ ກຳປູເຈຍ, ມາຮອດປະຈຸບັນ, ບັນດາອົງການຕາງໜ້າ ຫວຽດນາມ ປະຈຳ ກຳປູເຈຍ ໄດ້ປົກປ້ອງ ແລະ ພາກັບປະເທດໄດ້ປະມານກວ່າ 400 ກໍລະນີ, ພ້ອມກັນນັ້ນ, ກໍໄດ້ແນະນຳ, ແຊກແຊງ ແລະ ໜູນຊ່ວຍໃຫ້ແກ່ພົນລະເມືອງປະມານກວ່າ 1.500 ກໍລະນີທີ່ພົບຄວາມຫຍຸ້ງຍາກໃນການເຂົ້າເມືອງ, ການເດີນທາງ, ການຕໍ່ກໍານົດເວລາພັກເຊົາ, ການລະເມີດກົດຫມາຍຢູ່ປະເທດປະຈໍາຖິ່ນ.
ຂໍ້ມູນກ່ຽວກັບບັນດາວິທີການຂອງຫວຽດນາມ ເພື່ອສະກັດກັ້ນການຂຸດຄົ້ນຊັບພະຍາກອນນໍ້າທີ່ຜິດກົດໝາຍ, ບໍ່ມີການລາຍງານຕາມຂໍ້ກໍານົດ, ໂຄສົກກະຊວງການຕ່າງປະເທດ ທ່ານນາງ ເລທິທູຮັ່ງ ກໍໃຫ້ຮູ້ວ່າ ຫວຽດນາມ ວາງແຜນການພັດທະນາເສດຖະກິດທະເລແບບຍືນຍົງ, ຮັກສາການພັດທະນາແບບຍືນຍົງຂອງຂະແໜງການຂຸດຄົ້ນຊັບພະຍາກອນນໍ້າ ດ້ວຍໂຄງປະກອບແມ່ນກຳປັ່ນ ແລະ ອາຊີບທີ່ແທດເໝາະກັບຄວາມສາມາດໃຫ້ອະນຸຍາດຂຸດຄົ້ນແຫຼ່ງຊັບພະຍາກອນນ້ຳ. ຫວຽດນາມ ເຂົ້າຮ່ວມຢ່າງຕັ້ງໜ້າ ແລະ ມີຄວາມຮັບຜິດຊອບໃນບັນດາເວທີປາໄສສາກົນ; ແຜນການກະທໍາໃນພາກພື້ນກ່ຽວກັບການຕ້ານການວາງແຮ້ວທີ່ຜິດກົດໝາຍ, ບໍ່ມີການລາຍງານ ແລະ ບໍ່ຖືກຕາມການກໍານົດ (RPOA-IUU) ກໍຄື ເວລາໃດກໍກຽມພ້ອມກັບບັນດາປະເທດໃນພາກພື້ນ ແລະ ປະຊາຄົມສາກົນ ເພີ່ມທະວີການຮ່ວມມື, ແບ່ງປັນປະສົບການໃນການຕ້ານການຂຸດຄົ້ນຊັບພະຍາກອນນໍ້າທີ່ຜິດກົດໝາຍ, ຊຸກຍູ້ການຄຸ້ມຄອງການປະມົງຢ່າງມີປະສິດທິຜົນ, ຍືນຍົງ, ເໝາະສົມກັບຂໍ້ກໍານົດຂອງກົດຫມາຍສາກົນ.
ຫອມມາລາ
