| ຮອງລັດຖະມົນຕີການຕ່າງປະເທດ ອາເມລິກາ Wendy Sherman ຢ້ຽມຢາມ ຫວຽດນາມ | |
| ເພີ່ມທະວີການຮ່ວມມືດ້ານການສຶກສາ ຫວຽດນາມ - ອາເມລິກາ |
ເນື່ອງໃນໂອກາດນີ້, ການນໍາພັກ, ລັດ, ລັດຖະບານ, ສະພາແຫ່ງຊາດຫວຽດນາມ ລ້ວນແຕ່ສົ່ງໂທລະເລກອວຍພອນເຖິງປະທານາທິບໍດີອາເມລິກາ ແລະການນໍາສະພາຕໍ່າ ແລະສະພາສູງອາເມລິກາ. ພາຍຫຼັງ 246 ປີ, ອາເມລິກາ ພວມນັບມື້ນັບສະແດງໃຫ້ເຫັນກໍາລັງແຮງທາງດ້ານການທູດ ແລະທີ່ຕັ້ງນໍາພາທົ່ວໂລກ.
 |
| ທ່ານ Marc Knapper ເອກອັກຄະລັດຖະທູດອາເມລິກາ ປະຈໍາ ຫວຽດນາມ. ພາບ: ຮວ່າງລອງ. |
ໃນການພົວພັນກັບຫວຽດນາມ, ຜ່ານ 27 ປີທີ່ສ້າງການພົວພັນເປັນປົກກະຕິ, ສ້າງຕັ້ງການພົວພັນທາງການທູດ (1995-2022), ການພົວພັນສອງປະເທດໄດ້ຮັບການພັດທະນາຢ່າງກະໂດດຂັ້ນ, ກາຍເປັນການພົວພັນຄູ່ຮ່ວມມືຮອບດ້ານທີ່ນັບມື້ນັບເລິກເຊິ່ງ, ສະແດງອອກໃນຫຼາຍຂົງເຂດ. ການສະໜັບສະໜູນຫວຽດນາມ ເອກະລາດ, ໝັ້ນຄົງເຂັ້ມແຂງ ແລະວັດທະນາຖາວອນແມ່ນທັດສະນະຊອດທະລຸຂອງອາເມລິກາ. ອາເມລິກາ ຕີລາຄາສູງການພົວພັນສອງຝ່າຍກັບຫວຽດນາມ, ບົດບາດຫວຽດນາມ ຢູ່ພາກພື້ນກໍ່ຄືໃນໂລກ.
ຫວ່າງແລ້ວນີ້, ທ່ານ Marc Knapper ເອກອັກຄະລັດຖະທູດອາເມລິກາ ປະຈຳ ຫວຽດນາມ ໄດ້ແບ່ງປັນວ່າ “ການພົວພັນເຊິ່ງສອງປະເທດພວກເຮົາມີໄດ້ໃນປະຈຸບັນແມ່ນອີງໃສ່ຄວາມມານະພະຍາຍາມຂອງທັງສອງປະເທດພວກເຮົາໃນຫຼາຍປີຜ່ານມາ, ສ້າງຄວາມໄວ້ເນື້ອເຊື່ອໃຈ. ພວກຂ້າພະເຈົ້າຖືວ່າບຸລິມະສິດຂອງອາເມລິກາ ໃນປະຈຸບັນແມ່ນຍົກລະດັບການພົວພັນກັບຫວຽດນາມ, ຈາກການພົວພັນຄູ່ຮ່ວມມືຮອບດ້ານຂຶ້ນເປັນການພົວພັນຄູ່ຮ່ວມມືຍຸດທະສາດ”.
ພິເສດ, ອາເມລິກາ ຖືເປັນສໍາຄັນທີ່ສຸດຕໍ່ພາກພື້ນອາຊີ-ປາຊີຟິກ. ອາເມລິກາ ພວມຮ່ວມມືຢ່າງແໜ້ນແຟ້ນກັບຫວຽດນາມ ໃນວິວັດການພັດທະນາວິໄສທັດກ່ຽວກັບຂອບເສດຖະກິດອິນເດຍ-ປາຊີຟິກ, ເພື່ອແນໃສ່ຍົກສູງກໍາລັງແຮງ, ລັກສະນະກວມລວມ ແລະຄວາມສາມາດໃນການແກ່ງແຍ້ງກັນໃຫ້ບັນດາພື້ນຖານເສດຖະກິດ. ການພົວພັນຄູ່ຮ່ວມມືຂອງສອງປະເທດພວມພັດທະນາຢ່າງແຮງ, ລວມທັງລວງເລິກ ແລະລວງກວ້າງ. ໃນສະພາບພາກພື້ນ ແລະສາກົນກໍາລັງມີການຫັນປ່ຽນຢ່າງເລິກເຊິ່ງ, ຫວຽດນາມ ແລະອາເມລິກາ ກໍາລັງຢູ່ໃນໄລຍະສໍາຄັນ ເພື່ອມຸ່ງໄປເຖິງເປົ້າໝາຍໃຫຍ່ກວ່າໃນອະນາຄົດ, ເພື່ອວັດທະນາຖາວອນລວມ.
ກອງທັບ
