| ເປີດຖະໜົນຍ່າງກາງຄືນພະລາຊະວັງ ເຫ້ວ | |
| ວັນບຸນ ວັງເຫ້ວນາມ - ຈຸດຄວາມງາມທາງດ້ານຈິດໃຈຂອງຊາວເຫ້ວ |
 |
| ການສະແດງທີ່ເຂັ້ມຂົ້ນສີສັນວັດທະນະທຳທີ່ Festival ເຫ້ວ 2022 |
ໃນຂອບເຂດສັບປະດາ Festival ເຫ້ວ 2022, ງານບຸນຕາມທ້ອງຖະໜົນດ້ວຍຫົວຂໍ້ “ສີສັນວັດທະນະທຳ” ໄດ້ໄຂຂຶ້ນໃນຕອນບ່າຍວັນທີ 26 ມິຖຸນາ. ໂດຍໄດ້ຮັບການຈັດຕັ້ງເປັນເວລາ 3 ວັນ, ແຕ່ວັນທີ 26 – 28 ມິຖຸນາ, ງານບຸນຕາມທ້ອງຖະໜົນປີນີ້ໄດ້ແນະນຳເຖິງມະຫາຊົນບັນດາຈຸດທີ່ເປັນເອກະລັກສະເພາະທາງດ້ານດົນຕີ, ວາດຟ້ອນຂອງບັນດາຄະນະສິລະປະກອນທີ່ມາຈາກບັນດາເຂດ, ພາກໃນທົ່ວປະເທດ ແລະ ສາກົນ.
ກ່າວຄຳເຫັນໄຂງານບຸນ, ທ່ານ ຮວີ່ງຕ່ຽນດາດ, ຮອງຫົວໜ້າຄະນະປະຈຳຄະນະຈັດຕັ້ງ Festival ເຫ້ວ 2022 ໃຫ້ຮູ້ວ່າ: “ງານບຸນຢູ່ຕານທ້ອງຖະໜົນຖືກຈັດເປັນຫຼາຍມື້, ແຕ່ລະມື້ໄດ້ມີບັນດາການເຄື່ອນໄຫວທີ່ແຕກຕ່າງກັນ. ພວກຂ້າພະເຈົ້າກໍ່ໄດ້ຈັດຕັ້ງລາຍການສະແດງລະຄອນ ຕ່ວງພະລາດຊະວັງ ທີ່ມີຊື່ວ່າ “ງ່ານເຊຶອເອີມວ້ອງ” (ແປວ່າກັງວານນັບພັນປີ). ນອກຈາກນັ້ນ, ກໍ່ມີການສະແດງຂອງບາງປັດໄຈວັດທະນະທຳທີ່ເປັນເອກະລັກສະເພາະຂອງເຫ້ວ, ນັ້ນແມ່ນວ່າວ ເຫ້ວ ແລະ ຊຸດເສື້ອຍາວເຫ້ວ, ເພື່ອສະແດງບັນດາຈຸດຍອດຍິ່ງດ້ານສິລະປະກຳໃນພະລາດຊະວັງ, ໃນປະຊາຊົນ. ທັງໝົດເຫຼົ່ານັ້ນຈະສ້າງສີສັນໃໝ່ໃຫ້ແກ່ງານບຸນຢູ່ຕາມທ້ອງຖະໜົນຂອງ Festival ປີນີ້.”
ຕາມທ່ານນາງ ເລງອກຢືເຝື່ອງ ແລ້ວ, ຢູ່ແຂວງ ກວາງຈີ້, ງານບຸນຕາມຖະໜົນລ້ວນແຕ່ແມ່ນການເຄື່ອນໄຫວຕ້ອນຮັບບຸນເຕັດຂອງປະຊາຊົນໃນແຕ່ລະວັນບຸນເຕັດ.
ບັນດາຄະນະສິລະປະໄດ້ປະກອບສ່ວນເຮັດໃຫ້ ເຫ້ວ ສວຍງາມ ແລະ ມີຊີວິດຊີວາ. ບັນຍາກາດໃນງານບຸນເຫັນໄດ້ຊັດເຈນ, ຜູ້ຊົມຍັງເຂົ້າຮ່ວມການຟ້ອນ ແລະ ຈັງຫວະລຳເພງ, ໂດຍສະເພາະແມ່ນການຟ້ອນອັນຟົດຟື້ນຂອງບັນດານັກເຕັ້ນລຳຈາກວົງດົນຕີພື້ນເມືອງ ແລະ ຟ້ອນຈາກສະຫະພັນລັດເຊຍ ຫຼື ຟ້ອນພື້ນເມືອງ, ການຟ້ອນ ແລະ ຂັບລຳທີ່ສະແດງເຖິງຮີດຄອງປະເພນີ. ຄວາມງາມທາງດ້ານວັດທະນະທໍາຂອງຊົນເຜົ່າໃນປະເທດຂອງພວກເຮົາ.
ງານບຸນຕາມຖະໜົນໄດ້ສ້າງຊ່ອງຫວ່າງທີ່ມີສີສັນວັດທະນະທຳທີ່ຫຼາກຫຼາຍຂອງບັນດາປະເທດ ແລະ ພາກພື້ນ, ສະແດງໃຫ້ເຫັນຄວາມມີຊີວິດຊີວາຂອງປະຊາຊົນ, ປະກອບສ່ວນເຂົ້າໃນການຮ່ວມມືເພື່ອສັນຕິພາບ, ການຮ່ວມມື ແລະ ມິດຕະພາບໃນອະນາຄົດ.
ວີໂອວີ
