| FAO ສົມທົບກັບແຂວງ ກວາງນາມ ໃນຂົງເຂດກະສິກຳ | |
| ອົງການ CHIA ໜູນຊ່ວຍ ເສື້ອຄຸມຈຳນວນ 1.987 ຜືນໃຫ້ປະຊາຊົນທຸກຍາກແຂວງ ກວາງນາມ |
 |
| ພາບປະກອບ (ພາບ: VOV) |
ໃນ 3 ວັນ, ແຕ່ວັນທີ 17 – 19 ມີຖຸນາ, ມີນັກຂ່າວເກືອບ 40 ຄົນທີ່ຕາງໜ້າໃຫ້ 15 ອົງການຂ່າວສານໜັງສືພິມຕ່າງປະເທດ ທີ່ມີສຳນັກງານ ປະຈໍາ ຫວຽດນາມ ແລະ ນັກທ່ອງທ່ຽວສາກົນຈຳນວນໜຶ່ງໄດ້ເຂົ້າຮ່ວມລາຍການ “ສໍາຜັດ ກວາງນາມ ຢູ່ ຫວຽດນາມ”. ທີ່ລາຍການ, ນັກທ່ອງທ່ຽວໄດ້ສຳຜັດກັບບັນດາຜະລິດຕະພັນທ່ອງທ່ຽວສີຂຽວ, ທ່ອງທ່ຽວຊົນນະບົດ, ຄົ້ນຫາບັນດາຜະລິດຕະພັນ OCOP ແລະ ຊອກຮູ້ບັນດາຄຸນຄ່າວັດທະນະທຳທີ່ເປັນເອກະລັກສະເພາະຂອງຊາວເຜົ່າສ່ວນໜ້ອຍຢູ່ເຂດພູດອຍ ກວາງນາມ.
ໃນປີ 2022, ກວາງນາມ ໄດ້ເປັນເຈົ້າພາບຈັດຕັ້ງຫຼາຍກິດຈະກໍາທາງການທູດລະດັບຊາດຫຼາຍຢ່າງຄື ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສ.ເກົາຫຼີ, 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອິນເດຍ ແລະ ກະກຽມສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ ແລະ ຍີ່ປຸ່ນ ໃນປີ 2023.
ທ່ານນາງ ຫງວຽນທິທູ່ຍຈາງ, ຮອງຫົວໜ້າພະແນກການຕ່າງປະເທດແຂວງ ກວາງນາມ ຢືນຢັນວ່າ, ການຈັດຕັ້ງບັນດາເຫດການຄື ລາຍການ “ສໍາຜັດ ກວາງນາມ”, ແມ່ນໂອກາດທີ່ດີເພື່ອແນະນຳພາບພົດ, ປະຊາຊົນ ແລະ ວັດທະນະທຳຂອງຊົນເຜົ່າສ່ວນໜ້ອຍຢູ່ເຂດພູດອຍ ກວາງນາມ ອອກສູ່ໂລກ.
ຕາມທ່ານນາງ ທູ່ຍຈາງ: “ເຂດຕາເວັນຕົກ ກວາງນາມ ທັງມີຄວາມສາມາດບົ່ມຊ້ອນກ່ຽວກັບການພັດທະນາການທ່ອງທ່ຽວຊຸມຊົນ ແລະ ມີຄວາມສາມາດບົ່ມຊ້ອນໃນການພັດທະນາຢາສະຫມຸນໄພຢ່າງໃຫຍ່ຫຼວງ, ພວກຂ້າພະເຈົ້າກໍານົດທິດບໍ່ພຽງແຕ່ພັດທະນາການທ່ອງທ່ຽວຊຸມຊົນເທົ່ານັ້ນ, ຫາກຍັງແນະນຳເຖິງບັນດານັກລົງທຶນຈີນ, ຍີ່ປຸ່ນ, ອິນເດຍ, ສ.ເກົາຫຼີ... ເຂົາເຈົ້າມີຕະຫຼາດຢາສະຫມຸນໄພຂະຫນາດໃຫຍ່, ມີປະສົບການຫຼາຍໃນການປຸງແຕ່ງ, ຜະລິດຢາສະຫມຸນໄພ. ນີ້ແມ່ນຄູ່ຮ່ວມງານທີ່ມີຄວາມສາມາດບົ່ມຊ້ອນຫຼາຍເພື່ອສາມາດຮ່ວມມືໄດ້ດີທີ່ສຸດ.
ຫອມມາລາ
