| ຮ່າໂນ້ຍ ແລະ ດ່ານັ້ງ ໄດ້ນອນໃນ Top ທີ່ໄດ້ຮັບຄວາມນິຍົມຊົມຊອບທີ່ສຸດຢູ່ອາຊີ 2022 | |
| ພູພຽງ ຢີລີງ ທີ່ສວຍງາມໄດ້ດຶງດູດໄວໜຸ່ມມາທ່ຽວເປັນຈໍານວນຫຼວງຫຼາຍ |
 |
| ທ່ານນາຍົກລັດຖະມົນຕີກຳປູເຈຍ Samdech Techo Hun Sen ແລະ ທ່ານນາຍົກລັດຖະມົນຕີ ຟ້າມມິງຈິງ. (ພາບ: TTXVN) |
ຕອນເຊົ້າວັນທີ 20 ມິຖຸນານີ້, ໃນຂອບເຂດໂຄງການສະເຫຼີມສະຫຼອງ 45 ປີແຫ່ງ “ເສັ້ນທາງມຸ່ງໄປເຖິງການໂຄ່ນລົ້ມລະບອບດັບສູນເຊື້ອຊາດ Pol Pot” ຂອງທ່ານນາຍົກລັດຖະມົນຕີກຳປູເຈຍ Samdech Techo Hun Sen, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ກຳປູເຈຍ Hun Sen ຢ້ຽມຢາມເຂດເສັ້ນທາງເປີດຢູ່ຕາແສງ ໂລກເຕິນ, ເມືອງ ໂລກນິງ, ແຂວງ ບິ່ງເຟືອກ.
ເຂດເສັ້ນທາງເປີດຕາແສງ ໂລກເຕິນ, ເມືອງ ໂລກນິງ, ແຂວງ ບິ່ງເຟືອກ ແມ່ນບ່ອນທີ່ທ່ານນາຍົກລັດຖະມົນຕີ Hun Sen ໃນ 45 ປີກ່ອນໄດ້ດຳເນີນບັນດາບາດກ້າວທຳອິດມາຫວຽດນາມ, ໃນວິວັດການເຄື່ອນໄຫວກູ້ຊາດ.
ທ່ານນາຍົກລັດຖະມົນຕີ Hun Sen ໄດ້ຕີລາຄາບັນດາຄວາມຊົງຈຳໃນການເຄື່ອນໄຫວຢ່າງລຳບາກເພື່ອກູ້ຊາດ, ຂອບໃຈລັດຖະບານ ຫວຽດນາມ ແລະ ປະຊາຊົນແຂວງ ບິ່ງເຟືອກ ທີ່ໄດ້ຈັດຕັ້ງພິທີ ແລະ ໃຫ້ການຕ້ອນຮັບທ່ານ ແລະ ຄະນະຜູ້ແທນກຳປູເຈຍ ຢ່າງສົມກຽດ. ທ່ານນາຍົກລັດຖະມົນຕີ ຢືນຢັນວ່າ ນີ້ແມ່ນໄລຍະສຳຄັນທີ່ສຸດໃນການຍຶດຄອງອຳນາດຄືນໃໝ່, ໂຄ່ນລົ້ມລະບອບດັບສູນເຊື້ອຊາດ Pol Pot ແລະ ພ້ອມກັນນັ້ນກໍ່ສະແດງໃຫ້ເຫັນຄວາມສາມັກຄີລະຫວ່າງປະຊາຊົນສອງປະເທດ ຫວຽດນາມ - ກຳປູເຈຍ.
ທ່ານນາຍົກລັດຖະມົນຕີ Hun Sen ຢືນຢັນວ່າ, ທ່ານໄດ້ເລືອກ ຫວຽດນາມ ເພື່ອສະແຫວງການໜູນຊ່ວຍ ແລະ ໜູນຊ່ວຍເພື່ອປົດປ່ອຍປະຊາຊົນກຳປູເຈຍ ໃຫ້ຫຼຸດພົ້ນຈາກລະບອບດັບສູນເຊື້ອຊາດ Pol Pot. ທ່ານກ່າວວ່າ, ໂດຍໄດ້ຮັບການສະໜັບສະໜູນຢ່າງເຕັມທີ່ຂອງພັກ, ລັດ ແລະ ປະຊາຊົນຫວຽດນາມ ໃນການກໍ່ສ້າງກຳລັງປະກອບອາວຸດເພື່ອໂຄ່ນລົ້ມລະບອບດັບສູນເຊື້ອຊາດ; ສະແດງຄວາມເຊື່ອໝັ້ນວ່າ, ການພົວພັນມິດຕະພາບທີ່ເປັນມູນເຊື້ອຮອບດ້ານລະຫວ່າງສອງປະເທດຈະນັບມື້ນັບເລິກເຊິ່ງ, ຮ່ວມກັນຮັກສາສະຖຽນລະພາບ, ພັດທະນາ ແລະ ແກ້ໄຂບັນຫາລວມ.
ກ່າວຄຳເຫັນທີ່ກອງປະຊຸມ, ສະຫາຍ ຫງວຽນແມ້ງເກື່ອງ, ກຳມະການສູນກາງພັກ, ເລຂາຄະນະພັກແຂວງ ບິ່ງເຟືອກ ໄດ້ສະແດງຄວາມຮູ້ສຶກຕື້ນຕັນໃຈເຖິງເລື່ອງລາວຂອງທ່ານນາຍົກລັດຖະມົນຕີ Hun Sen. ສະຫາຍ ຫງວຽນແມ້ງເກື່ອງ ຢືນຢັນວ່າ: ນີ້ແມ່ນບັນດາພະຍານຫຼັກຖານປະຫວັດສາດອັນລ້ຳຄ່າ, ຊ່ວຍໃຫ້ປະຊາຊົນ 2 ປະເທດເຂົ້າໃຈຢ່າງເລິກເຊິ່ງກ່ວາອີກກ່ຽວກັບເສັ້ນທາງແຫ່ງການກູ້ຊາດ ແລະ ໂຄ່ນລົ້ມລະບອບດັບສູນເຊື້ອຊາດ Pol Pot ຂອງນາຍົກລັດຖະມົນຕີ Hun Sen ກ່ຽວກັບຈິດໃຈສາກົນອັນບໍລິສຸດຜຸດຜ່ອງຂອງພັກ, ລັດ ແລະ ປະຊາຊົນຫວຽດນາມ ແລະ ການພົວພັນມິດຕະພາບທີ່ເປັນມູນເຊື້ອອັນເປັນມູນເຊື້ອ ແລະ ການຊ່ວຍເຫຼືອເຊິ່ງກັນ ແລະ ກັນຂອງສອງປະເທດ, ຫວຽດນາມ ແລະ ກຳປູເຈຍ.
ຄະນະພັກ, ອຳນາດການປົກຄອງ ແລະ ປະຊາຊົນແຂວງ ບິ່ງເຟືອກ ຈະປົກປັກຮັກສາ ແລະ ເສີມຂະຫຍາຍຄຸນຄ່າຂອງກຸ່ມກິດຈະກຳທີ່ໄດ້ຈາລຶກຢູ່ທີ່ນີ້.
ບຸນຄົງ
