ຫວ່າງແລ້ວນີ້, ກຸ່ມສະມາຊິກລັດຖະສະພາມິດຕະພາບຫວຽດນາມ - ສະຫະພັນລັດເຊຍ ໄດ້ດຳເນີນການພົບປະສອງຝ່າຍຄັ້ງທຳອິດພາຍຫຼັງການຢຸດຕິເປັນເວລາດົນຍ້ອນພະຍາດໂຄວິດ-19. ທ່ານຮອງປະທານສະພາແຫ່ງຊາດ ຫງວຽນຄັ໊ກດິ້ງ, ປະທານກຸ່ມສະມາຊິກລັດຖະສະພາມິດຕະພາບຫວຽດນາມ - ລັດເຊຍ ເປັນປະທານການພົບປະ.
 |
| ພົບປະກັບກຸ່ມສະມາຊິກລັດຖະສະພາມິດຕະພາບຫວຽດນາມ - ລັດເຊຍ. ພາບ: quochoi.vn |
ທ່ານຮອງປະທານສະພາແຫ່ງຊາດ ຖືວ່າ: ການພົບປະແລກປ່ຽນລະຫວ່າງບັນດາສະມາຊິກລັດຖະສະພາບັນດາປະເທດ ມີຄວາມໝາຍສໍາຄັນໃນການສ້າງ ຄວາມໄວ້ເນື້ອເຊື່ອໃຈດ້ານການເມືອງ ແລະ ການຮ່ວມມືລະຫວ່າງສະພາແຫ່ງຊາດ ແລະ ອົງການນິຕິບັນຍັດຂອງບັນດາປະເທດ; ປະກອບສ່ວນປະຕິບັດແຜນນະໂຍບາຍ ແລະ ແນວທາງການຕ່າງປະເທດຂອງພັກ ແລະ ລັດ: “ຫວຽດນາມ ພ້ອມແລ້ວທີ່ຈະເປັນເພື່ອນມິດ ແລະ ຄູ່ຮ່ວມມືທີ່ໄວ້ເນື້ອເຊື່ອໃຈໃນປະຊາຄົມໂລກ, ສູ້ຊົນເພື່ອສັນຕິພາບ, ເອກະລາດ ແລະ ການພັດທະນາ”.
ບົນຈິດໃຈນັ້ນ, ເພື່ອສືບຕໍ່ເພີ່ມທະວີ ແລະ ເປີດກວ້າງການພົວພັນ “ຄູ່ຮ່ວມມືຍຸດທະສາດຮອບດ້ານ” ລະຫວ່າງສອງປະເທດຜ່ານຊ່ອງການທູດລັດຖະສະພາ, ຄະນະປະຈໍາສະພາແຫ່ງຊາດ ຫວຽດນາມ ໄດ້ຮັບຮອງເອົາມະຕິກ່ຽວກັບການສ້າງຕັ້ງກຸ່ມສະມາຊິກລັດຖະສະພາມິດຕະພາບ ຫວຽດນາມ - ລັດເຊຍ ດ້ວຍ ສະມາຊິກ 12 ທ່ານ.
ບູນມີ
