| ຫວຽດນາມ ເຂົ້າຮ່ວມເວທີປາໄສເຊື່ອມຕໍ່ ອາຊຽນ ຄັ້ງທີ 12 | |
| ການແຈກຢາຍເຄື່ອງບັນເທົາທຸກໃຫ້ 67 ຄອບຄົວເຊື້ອສາຍຫວຽດນາມທີ່ປະສົບກັບຄວາມ ຫຍຸ້ງຍາກຢູ່ໃນແຂວງ Preah Sihanouk |
 |
| ທິມທະຫານຊ່າງແສງຫວຽດນາມ ລອດເຂົ້າຮອບຊີງຊະນະເລີດຂອງການແຂ່ງຂັນ “ແຜນການປອດໄພ”. ພາບ:qdnd.vn |
ດ້ວຍຜົນການສໍາເລັດການແຂ່ງຂັນໃນເວລາ 51 ນາທີ 40 ວິນາທີ, ເຂົ້າເສັ້ນໄຊທຳອິດໃນການແຂ່ງຂັນຮອບທີສອງ, ແນ່ນອນວ່າ ທິມທະຫານຊ່າງແສງກອງທັບປະຊາຊົນ ຫວຽດນາມ ຈະໄດ້ເຂົ້າຮອບຊີງຊະນະເລີດ...
ໃນຂອບເຂດງານມະຫາກຳກິລາການທະຫານສາກົນ -Army Games 2021, ວັນທີ 25 ສິງຫາ, ຢູ່ສະໜາມກິລາແຂວງ Tyumen, ລັດເຊຍ, ທິມທະຫານຊ່າງແສງກອງທັບປະຊາຊົນ ຫວຽດນາມ ໄດ້ແຂ່ງຂັນເປັນຢ່າງດີທີ່ສຸດໃນຮອບຄັດເລືອກ ການແຂ່ງຂັນ “ແຜນການປອດໄພ”.
ດ້ວຍຜົນຂອງການແຂ່ງຂັນໃນເວລາ 51 ນາທີ 40 ວິນາທີ, ເຂົ້າເສັ້ນໄຊທຳອິດໃນການແຂ່ງຂັນຮອບທີສອງ, ແນ່ນອນວ່າ ທິມທະຫານຊ່າງແສງຫວຽດນາມຈະໄດ້ເຂົ້າຮອບຊີງຊະນະເລີດ ເຊິ່ງຄາດວ່າຈະດຳເນີນໃນຕອນເຊົ້າວັນທີ 29 ສິງຫາ ຈະມາເຖິງ.
ໃນ 5 ຂັ້ນຕອນຂອງການແຂ່ງຂັນ “ແຜນການປອດໄພ” ການກ່າຍຂົວ TMM ແມ່ນຖືວ່າເປັນເນື້ອໃນທີ່ຍາກ. ນີ້ກໍ່ເປັນເນື້ອໃນສຳຄັນທີ່ສຸດ, ຕັດສິນເຖິງການເຮັດສຳເລັດການແຂ່ງຂັນຂອງທີມ.
ສະຫາຍ ພັນໂທ ຟ້າມຕວນລຶກ, ຫົວໜ້າທິມທະຫານຊ່າງແສງຫວຽດນາມ ໃຫ້ຮູ້ວ່າ: “ປີນີ້, ຈຳນວນທີມຂອງບັນດາປະເທດເຂົ້າຮ່ວມການແຂ່ງຂັນແມ່ນສູງກວ່າປີກ່ອນ, ເຊິ່ງມີ 8 ປະເທດເຂົ້າຮ່ວມການແຂ່ງຂັນ.
ອຸປະກອນເຕັກນິກທີ່ທີມຫວຽດນາມໄດ້ຮັບບໍ່ດີຄືກັບຊຸມປີກ່ອນ. ແຕ່ທີມກໍຍັງຍາດໄດ້ຊະນະເປັນ 1 ໃນ 4 ທິມ ເພື່ອແຂ່ງຂັນໃນຮອບສຸດທ້າຍ. ພວກຂ້າພະເຂົ້າຈະພະຍາຍາມເພື່ອບັນລຸໄດ້ໝາກຜົນສູງໃນ Army Games ນີ້.” ໃນປີ 2019 ແລະ 2020, ທິມທະຫານຊ່າງແສງຫວຽດນາມ ໄດ້ຮັບຫຼຽນທອງແດງ. ປີນີ້ທີມວາງເປົ້າໝາຍຈະໄດ້ຮັບຫຼຽນເງິນ.
13 ປະເທດຮ່ວມເປັນເຈົ້າພາບຈັດຕັ້ງ ງານມະຫາກຳກິລາການທະຫານສາກົນ Army Games 2021. ນອກຈາກລັດເຊຍແລ້ວ, 12 ປະເທດ ຈະຮ່ວມເປັນເຈົ້າພາບຈັດຕັ້ງເຫດການນີ້, ລວມມີ ອາກເມເນີຍ, ອານເຊຣີ, ເບລາຣຸດ, ອີຣານ, ອິນເດຍ, ກາຊັກສະຖານ, ກາຕາ, ຈີນ, ມົງໂກເນຍ, ເຊັກເບຍ, ຫວຽດນາມ ແລະ ອຸດສະເບກິດສະຖານ. ໂດຍຄັດສະເໜີປະກາດຂອງ ກະຊວງປ້ອງກັນປະເທດ ລັດເຊຍ, ອົງການຕາງໜ້າ ລັດເຊຍ ປະຈຳ ອິນໂດເນເຊຍໃຫ້ຮູ້ວ່າ: ງານມະຫາກຳກິລານີ້ ຈະດຳເນີນໃນຜືນແຜ່ນດິນຂອງບາງປະເທດ. ລັດເຊຍ ຈະເປັນເຈົ້າພາບຈັດຕັ້ງ 16 ເນື້ອໃນຂອງ ງານມະຫາກຳກິລາ.
ໄຊພອນ
