| ເລື່ອງລາວເບື້ອງຫລັງວັດຖຸພັນຂອງທະຫານຍິງ "ໝວກເບເລສີຂຽວ" | |
| ສະຫະປະຊາຊາດຕີລາຄາສູງຄວາມພະຍາຍາມໃນການຮັບປະກັນສິດທິມະນຸດຢ່າງເຂັ້ມແຂງ ແລະ ໂປ່ງໃສ ຂອງຫວຽດນາມ |
 |
| ທ່ານປະທານປະເທດ ຫງວຽນຊວັນຟຸກ ສົ່ງຄະນະນັກຮົບໄປປະຕິບັດງານ (ພາບ: nld.com.vn) |
ທ່ານພົນຕີ ຮວ່າງກິມຟູງ ຖືວ່າ ການເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ແມ່ນນະໂຍບາຍອັນໃຫຍ່ຫຼວງຂອງກົມການເມືອງ ແລະ ສູນກາງພັກ ເພື່ອຊ່ວຍໃຫ້ພວກເຮົາເຊື່ອມໂຍງເຂົ້າກັບສາກົນໃນລະດັບທີ່ສູງກວ່າ.
ໃນ 8 ປີນັບແຕ່ຫວຽດນາມ ເຂົ້າຮ່ວມພາລະກິດຮັກສາສັນຕິພາບຂອງສະຫະປະຊາຊາດ, ພວກຂ້າພະເຈົ້າຢືນຢັນວ່າ ນາຍທະຫານກອງທັບປະຊາຊົນຫວຽດນາມ ມີຄວາມສາມາດຢ່າງພຽງພໍເພື່ອປະຕິບັດບັນດາໜ້າທີ່ຮຽກຮ້ອງຂອງສະຫະປະຊາຊາດ, ເໝາະສົມທີ່ຈະເປັນທູດສັນຕິພາບ, ສົມກັບເປັນທະຫານ ລຸງໂຮ່ ໃນຍຸກເຊື່ອມໂຍງ.
ບັນດານາຍທະຫານຂອງປະເທດຕ່າງໆ, ເມື່ອເຂົ້າຮ່ວມພາລະກິດ, ກໍໄດ້ຕີລາຄາສູງບັນດານາຍທະຫານຫວຽດນາມ ທີ່ມີຄວາມສາມາດປັບຕົວສູງ, ມີປະສົບການໃນການເຄື່ອນໄຫວຕໍ່ສູ້, ການເຄື່ອນໄຫວປະຈຳວັນ, ຮັບປະກັນຊີວິດການເປັນຢູ່.
ໂຮງໝໍກາງສະໜາມຂອງຫວຽດນາມ ໄດ້ໄດ້ຮັບຄວາມເຊື່ຖືສູງທີ່ສຸດ. ໃນຊູດານໃຕ້ພວກເຮົາປະຕິບັດການຢູ່ Bentiu, ແຕ່ນາຍທະຫານທີ່ປະຕິບັດງານໃນນະຄອນຫຼວງ Juba ຍັງປາດຖະໜາວ່າຈະໄດ້ຮັບການປິ່ນປົວຢູ່ໃນໂຮງຫມໍກາງສະໜາມຂອງປະເທດຫວຽດນາມ.
ບັນດາຄະນະຢູ່ ຊູດານໃຕ້, ສາທາລະນະລັດ ອາຟຣິກາກາງ ຫຼື Abyei ແມ່ນສະຖານທີ່ເພື່ອໃຫ້ບັນດານາຍທະຫານຫວຽດນາມ ຖູໄຖ ແລະ “ທົດສອບ” ໂດຍກົງກັບສິ່ງທ້າທາຍທີ່ພວມມີຢູ່. ນັບແຕ່ໄດ້ເຂົ້າຮ່ວມການເຄື່ອນໄຫວຮັກສາສັນຕິພາບມາເຖິງປັດຈຸບັນ, ບັນດານາຍທະຫານຂອງພວກເຮົາມີຄວາມສາມາດຮັບມືກັບສິ່ງທ້າທາຍ ແລະ ຂໍ້ຂັດແຍ່ງເຫຼົ່ານີ້ເປັນຢ່າງດີ, ເຊິ່ງໄດ້ຮັບການຕີລາຄາສູງຈາກບັນດາຜູ້ນຳ ສປຊ.
ພວກຂ້າພະເຈົ້າຍັງໄດ້ຕີລາຄາສູງ ແລະ ເຄົາລົບນັບຖືຈາກເພື່ອນມິດສາກົນໃນຂົງເຂດ; ເປັນທີ່ຮັກແພງ ແລະ ຊື່ນຊົມຂອງປະຊາຊົນປະຈຳຖິ່ນ ເພາະພວກເຮົາໄດ້ປະຕິບັດສຳເລັດຫຼາຍກິດຈະກຳ, ໂດຍສະເພາະແມ່ນກິດຈະກຳການລະດົມຂົນຂວາຍມະຫາຊົນເຊິ່ງແຕ່ກ່ອນນັ້ນຢູ່ບັນດາຄະນະນຍັງບໍ່ທັນມີ.
ຮູບພາບທະຫານລຸງໂຮ່ ຢູ່ໃກ້ກັບປະຊາຊົນ, ໜູນຊ່ວຍປະຊາຊົນປູກພືດຜັກ, ເບິ່ງແຍງເດັກນ້ອຍ, ໜູນຊ່ວຍນາຍທະຫານຂອງບັນດາປະເທດ ແລະ ປະຊາຊົນໃນຂອບເຂດພາລະກິດສະກັດກັ້ນ ແລະ ຕ້ານການລະບາດຂອງພະຍາດ ແລະ ເຮັດໜ້າກາກແະນາໄມໃນໄລຍະການລະບາດຂອງພະຍາດໂຄວິດ-19. ການຜັນແປທີ່ສັບສົນ... ແມ່ນຈຸດທີ່ຊ່ວຍໃຫ້ພວກເຮົາໄດ້ຮັບຄວາມຮັກຂອງເພື່ອນມິດສາກົນ.
ໃນຄັ້ງນີ້, ຫວຽດນາມ ໄດ້ຜັນຂະຫຍາຍກອງທະຫານຊ່າງແສງເຂົ້າຮ່ວມກອງກຳລັງຮັກສາສັນຕິພາບ ສປຊ ດ້ວຍ 184 ສະຫາຍ ເຊິ່ງຈະປະກອບສ່ວນເຂົ້າໃນບັນດາຂົງເຂດທີ່ຫວຽດນາມ ມີທ່າແຮງ ເຊິ່ງແມ່ນທະຫານຊ່າງແສງ.
ຂ້າພະເຈົ້າເຊື່ອໝັ້ນວ່າ ດ້ວຍປະສົບການໃນ 8 ປີຜ່ານມາ, ດ້ວຍບັນດາໝາກຜົນທີ່ຫວຽດນາມ ບັນລຸໄດ້ເມື່ອຜັນຂະຫຍາຍບັນດາໜ່ວຍກອງໂຮງໝໍກາງສະໜາມ ຂັ້ນ 2, ຫວຽດນາມ ຈະປະສົບຜົນສຳເລັດເມື່ອຜັນຂະຫຍາຍກອງຫານຊ່າງແສງຢູ່ເຂດປະຕິບັດໜ້າທີ່ Abyei.
ຕາມທ່ານພົນເອກ ຮວ່າງກິມຟູງ ແລ້ວ, ສະຫະປະຊາຊາດໄດ້ສົ່ງຄະນະສຳຫຼວດໄປຫວຽດນາມ ແລະ ໄດ້ເຫັນຄວາມສາມາດຂອງທະຫານຊ່າງແສງຫວຽດນາມ, ດ້ວຍອຸປະກອນທີ່ມີຢູ່ ແລະ ຄວາມສາມາດໃນການເຄື່ອນໄຫວນຳໃຊ້ພາຫະນະ. ໃນບັນດາກອງທະຫານຊ່າງແສງ 15 ປະເທດ, ເຂົາໄດ້ເລືອກເອົາຫວຽດນາມ. ພວກເຂົາເຈົ້າໄດ້ໃຫ້ຄະແນນແລະ ການປະເມີນວ່າ ພວກເຮົາແມ່ນຫົວໜ່ວຍດີທີ່ສຸດໃນ 15 ຫົວຫນ່ວຍທີ່ມາຈາກປະເທດທີ່ປາດຖະໜາຈະໄດ້ຮັບການເຂົ້າຮ່ວມໃນ Abyei.
ທ່ານພົນຕີ ຮວ່າງກິມຟູງ ເນັ້ນໜັກວ່າ ຕາມມະຕິ 130/2020 ວ່າດ້ວຍການເຂົ້າຮ່ວມກຳລັງ, ໃນໄລຍະຈະມາເຖິງ ຫວຽດນາມ ຈະເປີດກວ້າງກໍາລັງ, ບໍ່ພຽງແຕ່ຢູ່ໃນຂະແໜງແພດການທະຫານ, ທະຫານຊ່າງ ແສງ, ນາຍທະຫານເຄື່ອນໄຫວເອກະລາດເທົ່ານັ້ນ, ຫາກຍັງຈະພະຍາຍາມສ້າງທະຫານບົກ, ການຄວບຄຸມການທະຫານ, ຕຳຫຼວດ, ພົນລະເຮືອນ... ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຕື່ມອີກ./.
ບຸນຄົງ
