ວັນທີ 13 ມິຖຸນາ, ຢູ່ຮ່າໂນ້ຍ, ທ່ານນາງ ຫງວຽນເຟືອງງາ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ໃຫ້ການຕ້ອນຮັບທ່ານ Yerlan Baizhanov ເອກອັກຄະລັດຖະທູດ ກາຊັກສະຖານ ປະຈຳ ຫວຽດນາມ.
 |
| VUFO ແລະ ສະຖານທູດ ກາຊັກສະຖານ ປະຈຳ ຫວຽດນາມ ສືບຕໍ່ຊຸກຍູ້ການທູດປະຊາຊົນ. ພາບ: thoidai.com.vn |
ໂດຍໄດ້ສະແດງຄວາມຂອບໃຈທ່ານນາງປະທານ VUFO ຫງວຽນເຟືອງງາ ທີ່ສະຫລະເວລາຕ້ອນຮັບ, ທ່ານເອກອັກຄະລັດຖະທູດ Yerlan Baizhanov ຕີລາຄາສູງການຮ່ວມມືລະຫວ່າງສອງປະເທດກາຊັກສະຖານ ແລະ ຫວຽດນາມ.
ປີ 2021, VUFO ໄດ້ສົມທົບກັບສະຖານທູດ ສາທາລະນະລັດ ກາຊັກສະຖານ ປະຈຳ ຫວຽດນາມ ເພື່ອປະຕິບັດໂຄງການສິລະປະສາກົນ “ຜ້າພັນຄໍຂອງແມ່”. ນີ້ແມ່ນໂຄງການທີ່ປະກອບສ່ວນດຶງດູດຄວາມສົນໃຈຂອງປະຊາຊົນກ່ຽວກັບບັນຫາຂອງແມ່ຍິງ ແລະ ເຊີດຊູອາຊີບທີ່ມີຫົວຄິດປະດິດສ້າງ.
ການພົວພັນລະຫວ່າງຫວຽດນາມ ແລະ ກາຊັກສະຖານ ແມ່ນສາຍພົວພັນມິດຕະພາບອັນດີງາມ. ສອງປະເທດສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ອົງການສະຫະປະຊາຊາດ ແລະ ບັນດາເວທີປາໄສສາກົນອື່ນໆ.
ຜ່ານການແລກປ່ຽນ, ສະຖານທູດ ກາຊັກສະຖານ ແລະ VUFO ໄດ້ເຫັນດີສືບຕໍ່ຊຸກຍູ້ການເຄື່ອນໄຫວພົບປະແລກປ່ຽນປະຊາຊົນ, ປະກອບສ່ວນເພີ່ມທະວີການພົວພັນມິດຕະພາບລະຫວ່າງສອງປະເທດ, ພິເສດແມ່ນປີນີ້ ສອງປະເທດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ກາຊັກສະຖານ (ວັນທີ 29 ມິຖຸນາ 1992 - ວັນທີ 29 ມິຖຸນາ 2022).
ໄລຍະຜ່ານມາ, ຫວຽດນາມ - ກາຊັກສະຖານ ໄດ້ປະຕິບັດຜັນຂະຫຍາຍສັນຍາການຄ້າເສລີ ຫວຽດນາມ - ເອີລົບ (EAEU) ຢ່າງມີປະສິດທິຜົນ, ມູນຄ່າວົງເງິນການຄ້າສອງສົ້ນ ລະຫວ່າງ ຫວຽດນາມ ແລະ ກາຊັກສະຖານ ໄດ້ເພີ່ມຂຶ້ນ, ສະເລ່ຍປະມານ 28%/ປີ. ປີ 2022, ວົງເງິນການຄ້າສອງຝ່າຍລະຫວ່າງສອງປະເທດຈະບັນລຸເກືອບ 600 ລ້ານ USD. ຮອດທ້າຍປີ 2022 ໄດ້ເປີດການບິນຕົງ ຄັ້ງທຳອິດລະຫວ່າງ ອາມາຕິ-ຢ່າຈ່າງ (Almaty - Nha Trang) ເຊິ່ງໄດ້ສ້າງເງື່ອນໄຂໃຫ້ນັກທ່ອງທ່ຽວກະຊັກຖານ ປະມານ 10.000 ຄົນມາຢ້ຽມຢາມ ຫວຽດນາມ ໃນແຕ່ລະປີ.
ບູນມີ
