ຂໍ້ລິເລີ່ມເພື່ອແນໃສ່ໜູນຊ່ວຍການພັດທະນາແຫຼ່ງຊັບພະຍາກອນມະນຸດ ໃຫ້ແກ່ການຄ້າເອເລັກໂທຣນິກຂ້າມຊາຍແດນຢູ່ຫວຽດນາມ ໃນ 5 ປີຈະມາເຖິງ, ຜ່ານນັ້ນ ກໍຍົກສູງຄວາມສາມາດ ແລະ ເປີດກາລະໂອກາດສົ່ງອອກໃຫ້ບັນດາວິສາຫະກິດທ້ອງຖິ່ນ.
 |
| ການຄ້າອີເລັກໂທຣນິກ ຂ້າມຊາຍແດນ: ວິທີແກ້ໄຂເພື່ອຊຸກຍູ້ການສົ່ງອອກ. (ພາບ: vietnamnet) |
ເຂົ້າຮ່ວມໂຄງການ, ບັນດານັກທຸລະກິດໜຸ່ມ ແລະ ຊັບພະຍາກອນມະນຸດໜຸ່ມ ຈະໄດ້ຮັບການຝຶກອົບຮົມບັນດາຊຸດຮຽນເຊັ່ນ: ການຄ້າອີເລັກໂທຣນິກ ຂ້າມຊາຍແດນ, ການຄົ້ນຄວ້າຕະຫຼາດ, ການສ້າງລາຍການຜະລິດຕະພັນ, ການຈົດທະບຽນເຄື່ອງໝາຍການຄ້າ ແລະ ການປົກປ້ອງ... ລາຍການມຸ່ງໄປເຖິງເປົ້າໝາຍໜູນຊ່ວຍພັດທະນາຊັບພະຍາກອນມະນຸດການຄ້າອີເລັກໂທຣນິກ ຂ້າມຊາຍແດນ ສໍາລັບ 10.000 ວິສາຫະກິດໃນໄລຍະ 2022-2026.
ທ່ານ ຫງວຽນຊິງຍືດເຕີນ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ: ໃນປີ 2021, ລາຍຮັບການຄ້າອີເລັກໂທຣນິກຂາຍຍ່ອຍຂອງ ຫວຽດນາມ ເພີ່ມຂຶ້ນ 16%, ບັນລຸ 13,7 ຕື້ USD. ຄາດຄະເນວ່າ ໃນໄລຍະ 2022-2025, ການຄ້າອີເລັກໂທຣນິກຂອງຫວຽດນາມ ຈະເພີ່ມຂຶ້ນສະເລ່ຍ 25% ຕໍ່ປີ, ບັນລຸ 35 ຕື້ USD ໃນປີ 2025 ແລະ ກວມເອົາ 10% ຍອດວົງເງິນຂາຍຍ່ອຍສິນຄ້າ ແລະ ລາຍຮັບການບໍລິການບໍລິໂພກໃນທົ່ວປະເທດ.
ເຖິງຢ່າງໃດກໍຕາມ, ນອກຈາກກາລະໂອກາດພັດທະນາ, ການເຕີບໂຕດ້ານການນຳເຂົ້າ - ສົ່ງອອກ ແລະ ການເປີດກວ້າງຕະຫຼາດທີ່ມີທ່າແຮງ, ດ້ວຍການຄ້າອີເລັກໂທຣນິກຂ້າມຊາຍແດນນັ້ນ, ຍັງມີຂໍ້ບົກຜ່ອງຄົງຄ້າງສຳລັບບັນດາວິສາຫະກິດ ຫວຽດນາມ ເຊັ່ນ: ຂາດຂໍ້ມູນຂ່າວສານ, ຍັງບໍ່ທັນມີການກະກຽມເພື່ອຕອບສະໜອງໄດ້ກັບຄວາມຊົມຊອບ ແລະ ຈິດໃຈຂອງຜູ້ບໍລິໂພກຕ່າງປະເທດ, ຍັງບໍ່ທັນກະກຽມຢ່າງເຕັມທີ່ທາງດ້ານທັກສະ, ສ້າງທິດທາງທຸລະກິດ ແລະ ການປົກປ້ອງເຄື່ອງໝາຍການຄ້າໃນ ການຄ້າອີເລັກໂທຣນິກຂ້າມຊາຍແດນ...
ຄຳຮຸ່ງ
