 | ຫວຽດນາມ - ລາວ ຊຸກຍູ້ການຮ່ວມມືຄວາມໝັ້ນຄົງດ້ານພະລັງງານ |
| ການຮ່ວມມືດ້ານໄຟຟ້າ: ຈຸດປະກາຍແຈ້ງນ້ຳໃຈມິດຕະພາບ ຫວຽດນາມ - ລາວ |
 |
| ກຳລັງຕິດຕັ້ງໄຟຟ້າພາຍໃນປະເທດຕ້ອງເພີ່ມຂຶ້ນຂອບຂະໜາດ 2,5 - 3 ເທົ່າໃນປີ 2030 ແລະ 5 - 7 ເທົ່າໃນປີ 2050. ພາບປະກອບ - EVNHANOI. |
ຕາມທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢຽນ ແລ້ວ, ສະພາແຫ່ງຊາດ ແລະ ລັດຖະບານ ໄດ້ກຳນົດເປົ້າໝາຍນຳເອົາການເຕີບໂຕເສດຖະກິດບັນລຸລະດັບຢ່າງໜ້ອຍ 8% ໃນປີ 2025, ສູ້ຊົນໃຫ້ການເຕີບໂຕເປັນສອງຕົວເລກໃນຊຸມປີຕໍ່ໄປ. ຮອດປີ 2030, ຫວຽດນາມ ຕ້ອງສຳເລັດເປົ້າໝາຍພັດທະນາກຳລັງຕິດຕັ້ງໄຟຟ້າຂອບຂະໜາດໃຫຍ່ກວ່າໃນປະຈຸບັນ 2,5 – 3 ເທົ່າ, ກ້າວໄປສູ່ຂອບຂະໜາດໃຫຍ່ກວ່າ 5 – 7 ເທົ່າໃນປີ 2050.
ເພື່ອບັນລຸບັນດາເປົ້າໝາຍນີ້, ການເຕີບໂຕຂອງພະລັງງານຕ້ອງຄົບຊຸດກັບຂອບຂະໜາດເສດຖະກິດ, ພ້ອມກັນນັ້ນ ກໍ່ຕອບສະໜອງຄຳໝັ້ນສັນຍາສາກົນກ່ຽວກັບຄວາມເປັນກາງຂອງ carbon ໃນປີ 2050. ສິ່ງນີ້ຮຽກຮ້ອງ ຕ້ອງມີການປັບຕົວຂອງແຜນງານພັດທະນາໄຟຟ້າ VIII ຢ່າງວ່ອງໄວ, ເຖິງວ່າຫາກໍ່ໄດ້ຮັບການອະນຸມັດຜ່ານໃນປີ 2023 ເພື່ອສອດຄ່ອງກັບຄວາມຕ້ອງການໃນເຕີບໂຕທີ່ເຂັ້ມແຂງ ແລະ ທ່າອ່ຽງການຫັນປ່ຽນພະລັງງານສະອາດ.
3 ເປົ້າໝາຍຫຼັກຂອງແຜນການໄຟຟ້າ VIII ໄດ້ກຳນົດໄວ້ຢ່າງຈະແຈ້ງຄື: ຕອບສະໜອງຄວາມຕ້ອງການໂຫຼດໄຟຟ້າພາຍໃນປະເທດແຕ່ລະພາກພື້ນ, ຊຸກຍູ້ການຊື້ຂາຍໄຟຟ້າໂດຍກົງ ແລະ ສົ່ງອອກໄຟຟ້າສະອາດໄປບັນດາປະເທດໃກ້ຄຽງ. ປະຈຸບັນ ຫວຽດນາມ ໄດ້ລົງນາມໃນສັນຍາສົ່ງອອກໄຟຟ້າຫຼາຍສະບັບກັບສິງກະໂປ ແລະ ມາເລເຊຍ, ສ້າງປັດໄຈໃຫ້ການເປີດກວ້າງຕະຫຼາດພະລັງງານສະອາດໃນພາກພື້ນ.
ຕາມນັ້ນແລ້ວ, ໃນຮ່າງແຜນງານໄຟຟ້າ VIII ສະບັບປັບປຸງທີ່ພວມປຶກສາຫາລື, ກະຊວງອຸດສາຫະກຳ ແລະ ການຄ້າ ແຈ້ງວ່າ: ຫວຽດນາມ ມີຄວາມສາມາດນຳເຂົ້າໄຟຟ້າຈາກ ຈີນ ແລະ ລາວ ເພາະວ່ານີ້ແມ່ນບັນດາປະເທດທີ່ມີແຫຼ່ງພະລັງງານໄຟຟ້າເຫຼືອເຟືອ (ພິເສດແມ່ນແຫຼ່ງໄຟຟ້ານ້ຳຕົກ) ແລະ ມີແຜນການສົ່ງອອກໄຟຟ້າໄປຍັງປະເທດບ້ານໃກ້ເຮືອນຄຽງ.
ກຸ່ມບໍລິສັດໄຟຟ້າ ຫວຽດນາມ (EVN) ພວມຄົ້ນຄວ້າຂໍ້ສະເໜີຊື້ໄຟຟ້າເພີ່ມ 3.000 MW ຈາກຈີນ ຜ່ານສະຖານີ B2B ທີ່ຕັ້ງຢູ່ຊາຍແດນ ຫວຽດນາມ - ຈີນ, ດ້ວຍປະລິມານການຜະລິດປະມານ 15 ຕື້ kWh/ປີ.
ກ່ຽວກັບການນຳເຂົ້າຂອງ ລາວ, ປະຈຸບັນ, ຫວຽດນາມ ພວມນຳເຂົ້າໄຟຟ້າຈາກ ລາວ ປະມານ 1000 MW ຜ່ານບັນດາສາຍສົ່ງໄຟຟ້າ 220 kV. ຕາມຂໍ້ຕົກລົງລະຫວ່າງສອງລັດຖະບານ, ຄາດວ່າກຳລັງຕິດຕັ້ງໄຟຟ້ານໍາເຂົ້າທັງໝົດຈາກ ລາວ ຈະເພີ່ມຂຶ້ນເປັນ 5.000 - 8.000 MW ໃນປີ 2030.
ກ່ຽວກັບຄວາມສາມາດໃນການສົ່ງອອກໄຟຟ້າ, ແຜນຮ່າງກໍ່ເຕື້ອງເຖິງວ່າ ປະຈຸບັນ ຫວຽດນາມ ພວມສົ່ງອອກໄຟຟ້າປະມານ 250 MW ໄປຍັງ ກຳປູເຈຍ ຜ່ານສາຍສົ່ງກະແສໄຟຟ້າ 220 kV ເຈົາໂດກ - ຕາ່ແກ້ວ ຍາວ 77 ກິໂລແມັດ.
ໃນໄລຍະແຜນງານ, ຫວຽດນາມ ອາດສາມາດພິຈາລະນາຄົ້ນຄວ້າການຊື້ - ຂາຍ ແລະ ສົ່ງອອກໄຟຟ້າໄປຍັງບັນດາປະເທດບ້ານໃກ້ເຮືອນຄຽງ ເພື່ອເພີ່ມການຂຸດຄົ້ນກຳລັງຕິດຕັ້ງ/ປະລິມານຢ່າງມີປະສິດທິຜົນ, ພ້ອມກັນນັ້ນ ກໍ່ເພີ່ມທະວີຄວາມສາມາດສ້າງຕັ້ງຂ່າຍໄຟຟ້າເຊື່ອມຕໍ່ພາກພື້ນໃນອະນາຄົດ.
ກ່ຽວກັບການສົ່ງອອກໄຟຟ້າບໍ່ຕໍ່ຂ່າຍ, ປະຈຸບັນ, ການຄົ້ນຄວ້າຈໍານວນຫນຶ່ງໄດ້ສະເຫນີເພື່ອພິຈາລະນາຄວາມສາມາດສົ່ງອອກໄຟຟ້າຈາກບັນດາແຫຼ່ງພະລັງງານສ້າງໃໝ່. ໂດຍອີງຕາມເງື່ອນໄຂເສດຖະກິດ ແລະ ເຕັກນິກໃນອະນາຄົດ, ການໝູນໃຊ້ກັບບາງພາກພື້ນທີ່ມີທ່າແຮງທີ່ດີ ເພື່ອພັດທະນາໂຮງງານໄຟຟ້າພະລັງງານທົດແທນ ຮັບໃຊ້ການສົ່ງອອກໄປຍັງບັນດາປະເທດບ້ານໃກ້ເຮືອນຄຽງ.
ຂອບຂະໜາດຂອງການສົ່ງອອກໄຟຟ້າ ຈະຂຶ້ນກັບຄວາມຕ້ອງການຂອງຜູ້ນໍາເຂົ້າ. ຕາມມະຕິຕົກລົງເລກທີ 500/QD-TTg ທີ່ໄດ້ອະນຸມັດແຜນງານໄຟຟ້າ VIII, ຄາດວ່າກຳລັງການສົ່ງອອກໄຟຟ້າຈະຜັນແປປະມານ 5.000 - 10.000 MW, ບົນພື້ນຖານຮັບປະກັນຄວາມໝັ້ນຄົງດ້ານພະລັງງານພາຍໃນປະເທດ ແລະ ຄວາມໝັ້ນຄົງດ້ານປ້ອງກັນຊາດ.
 | ນັກຮົບທະຫານຊາຍແດນ ນຳເອົານ້ຳປະປາ ແລະແສງໄຟຟ້າມາໃຫ້ປະຊາຊົນ ຢູ່ເຂດຊາຍແດນຫວຽດນາມ -ລາວ ຍສໝ - ທ່ານພັນຕີ ຫງວຽນວັນບັ່ງ, ຮອງຫົວໜ້າການເມືອງ ຄ້າຍທະຫານຊາຍແດນເຮື໊ອງຟຸ່ງ ໃຫ້ຮູ້ວ່າ: ຍ້ອນສະພາບພູມສັນຖານມີຄວາມຫຍຸ້ງຍາກ, ແຫຼ່ງນ້ຳທຳມະຊາດຂາດແຄນຫຼາຍ, ສະນັ້ນ ບໍ່ຕອບສະໜອງໄດ້ຄວາມຕ້ອງການດໍາເນີນຊີວິດໃຫ້ຊາວບ້ານມາລາຍປູນ. ສະນັ້ນ, ທາງກົມກອງໄດ້ເປັນເຈົ້າການສົມທົບກັບຄະນະຊາວໜຸ່ມທະນາຄານ Agribank ແຂວງທ໊໊າຍບິ່ງ ມອບເງິນໜູນ ເພື່ອໜູນຊ່ວຍປະຊາຊົນປັບປຸງຄຸນນະພາບຊີວິດການເປັນຢູ່. |
 | ຫວຽດນາມ ໄດ້ຮັບການເລືອກເປັນ 'ຖານທັບແນວໜ້າ' ໃຫ້ບັນດາບໍລິສັດເຄິ່ງຊັກນຳໄຟຟ້າໃນທົ່ວໂລກ. ຍສໝ - ໜ້າເວບໄຊ Meil Kyungjae (ສ.ເກົາຫຼີ) ໃຫ້ຄຳເຫັນວ່າ ເມື່ອ ຫວຽດນາມ ກາຍເປັນ “ພະວິຫານ” ຂອງຂະບວນການຫຼັງການຜະລິດທາດເຄິ່ງຊັກນຳໄຟຟ້າທົ່ວໂລກ, ທ້ອງຕະຫຼາດຫຼັກຊັບກໍ່ຮ້ອນຂຶ້ນພ້ອມ. |
ແທັງຮັ່ງ
