 |
| ທ່ານເອກອັກຄະລັດຖະທູດ ຫງວຽນຮຸຍຢຸງ ໄດ້ເຮັດວຽກກັບ ທ່ານ Adel El Ghadban ຜູ້ວ່າການແຂວງ Port Said (ພາບ: ຫງອກແທັກ) |
ທີ່ການເຮັດວຽກກັບ ທ່ານ Adel El Ghadban ຜູ້ວ່າການແຂວງ Port Said, ທ່ານເອກອັກຄະລັດຖະທູດ ຫງວຽນຮຸຍຢຸງ ເນັ້ນໜັກເຖິງການພົວພັນມິດຕະພາບທີ່ມີມາແຕ່ດົນນານລະຫວ່າງ ຫວຽດນາມ - ອີຢິບ, ຖືວ່າ ສອງປະເທດ ແລະ ທ້ອງຖິ່ນຂອງສອງຝ່າຍມີກາລະໂອກາດຮ່ວມມືຫຼາຍໃນບັນດາຂະແໜງການຄືເສດຖະກິດ, ການຄ້າ ແລະ ການລົງທຶນ. ທ່ານເອກອັກຄະລັດຖະທູດສະແດງຄວາມປາດຖະໜາຢາກຊຸກຍູ້ການຮ່ວມມືລະຫວ່າງບັນດາວິສາຫະກິດ ຫວຽດນາມ ແລະ ບັນດາວິສາຫະກິດທີ່ທ້ອງຖິ່ນ ອີຢິບ, ພິເສດແມ່ນໃນຂະແໜງການອຸດສາຫະກຳປຸງແຕ່ງ, ອຸດສາຫະກຳໄຟຟ້າ - ເອເລັກໂຕນິກ, ທ່າກຳປັ່ນ ແລະ ການບໍລິການ logistics.
ສ່ວນທ່ານ Adel El Ghadban ຜູ້ວ່າການແຂວງ Port Said ໄດ້ແບ່ງປັນກ່ຽວກັບກາລະໂອກາດຮ່ວມມືລະຫວ່າງບັນດາວິສາຫະກິດຂອງສອງປະເທດ, ໂດຍໃຫ້ຮູ້ວ່າ ການພົວພັນດ້ານການຄ້າລະຫວ່າງບັນດາບໍລິສັດ ຢູ່ແຂວງ Port Saidແລະ ບັນດາ ບໍລິສັດຂອງ ຫວຽດນາມ ຫາກໍຢູ່ໃນໄລຍະເລີ່ມຕົ້ນ ແລະ ຍັງມີຄວາມສາມາດບົ່ມຊ້ອນຫຼາຍຢ່າງເພື່ອຊຸກຍູ້ການຮ່ວມມື. ໃນໄລຍະຈະມາເຖິງ, ສອງຝ່າຍຕ້ອງຈັດຕັ້ງບັນດາເວທີປາໄສວິສາຫະກິດ ຫຼື ຢ້ຽມຢາມຊອກຮູ້ຕົວຈິງ ເພື່ອກຳແໜ້ນກາລະໂອກາດຮ່ວມມື, ລົງທຶນ.
ຫອມມາລາ
