ຫວ່າງແລ້ວນີ້, ທ່ານ ຟານວຽດເກື່ອງ, ເລຂາພັກແຂວງ ກວ້າງນາມ ໄດ້ຕາງໜ້າໃຫ້ຄະນະປະຈຳຄະນະພັກ ເປັນປະທານພິທີຕ້ອນຮັບຄະນະປະຕິບັດງານແຂວງເຊກອງ (ປະເທດລາວ) ນໍາໂດຍ ທ່ານ ເຫຼັກໄລ ສີວິໄລ ເລຂາພັກແຂວງ, ເຈົ້າແຂວງໆເຊກອງ ມາຢ້ຽມຢາມ ແລະເຮັດວຽກ.
 |
| ບັນຍາກາດທີ່ການຕ້ອນຮັບ. ພາບ: TTXVN |
ທີ່ການຕ້ອນຮັບ, ທ່ານ ຟານວຽດເກື່ອງ ສະແດງຄວາມປິຕິຊົມຊື່ນ ເມື່ອໄດ້ ຕ້ອນຮັບຄະນະປະຕິບັດງານ ແລະໃຫ້ຮູ້ວ່າ: ປີ 2022 ເປັນຂີດໝາຍພິເສດ ເນື່ອງໃນໂອກາດສະເຫຼີມສະຫຼອງ 60 ປີ ແຫ່ງວັນສ້າງຕັ້ງການພົວພັນ ທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມືລະຫວ່າງຫວຽດນາມ-ລາວ.
ໃນ 2 ປີຜ່ານມາ, ແຂວງກວ້າງນາມ ແລະແຂວງເຊກອງ ລ້ວນແຕ່ ຖືກຜົນສະທ້ອນຍ້ອນພະຍາດ ໂຄວິດ-19 ແຕ່ດ້ວຍນໍ້າໃຈສາມັກຄີ ສອງຝ່າຍ ໄດ້ມີກິດຈະກໍາເຄື່ອນໄຫວເພື່ອໜູນຊ່ວຍເຊິ່ງກັນ ແລະກັນ. ຄາດຄະເນ, ໃນເດືອນກັນຍາ ຈະມາເຖິງ, ຄະນະປະຕິບັດງານຂອງແຂວງ ກວ້າງນາມ ຈະໄປຢ້ຽມຢາມ, ເຮັດວຽກ ແລະລົງນາມບັນດາບົດບັນທຶກວ່າດ້ວຍການຮ່ວມມື ພັດທະນາເສດຖະກິດ ກັບແຂວງເຊກອງ.
ສ່ວນທ່ານ ເຫຼັກໄລ ສີວິໄລ ກໍສະແດງຄວາມຂອບອົກຂັບໃຈ ຕໍ່ການຕ້ອນຮັບຈາກຝ່າຍແຂວງກວ້າງນາມ, ພ້ອມທັງສະແດງຄວາມຮູ້ ບຸນຄຸນຕໍ່ການນໍາລຸ້ນຕ່າງໆ ແລະປະຊາຊົນແຂວງກວ້າງນາມ ທີ່ຍາມໃດກໍ່ ຮ່ວມເດີນທາງ ຊ່ວຍເຫຼືອແຂວງເຊກອງ. ສອງທ້ອງຖິ່ນ ຈະສືບຕໍ່ສົມທົບກັນ ຢ່າງແໜ້ນແຟ້ນ, ເພີ່ມທະວີການປົກປັກຮັກສາເສັ້ນຊາຍແດນ ແລະຊຸກຍູ້ ການຮ່ວມມືພັດທະນາເສດຖະກິດຢ່າງຮອບດ້ານ, ຮັດແໜ້ນສາຍພົວພັນ ໃຫ້ຫຼາຍກວ່າອີກ.
ບູນມີ
