| ໜັງສືພິມ ລາວ ລົງພິມຫຼາຍຂ່າວ/ບົດກ່ຽວກັບການຢ້ຽມຢາມ ລາວ ຂອງປະທານສະພາແຫ່ງຊາດ ຫວຽດນາມ | |
| ໜັງສືພິມ ວຽງຈັນທາມ: ສາຍພົວພັນພິເສດ ລາວ - ຫວຽດນາມ ແມ່ນມໍລະດົກອັນລໍ້າຄ່າ |
 |
| ບົດຄວາມ “ບົດບາດຂອງຫວຽດນາມໃນການຫັນທະເລຕາເວັນອອກເປັນເຂດທະເລສັນຕິພາບ ແລະ ການຮ່ວມມື”(ພາບ: vov.vn) |
ບົດຂຽນໃຫ້ຂໍ້ສັງເກດວ່າ, ໜຶ່ງທະເລຕາເວັນອອກສັນຕິພາບ, ຮ່ວມມື ພວມແມ່ນຄວາມປາດຖະໜາຂອງຫຼາຍປະເທດໃນພາກພື້ນ. ຫວຽດນາມ ໄດ້ຮັບການຕີລາຄາວ່າແມ່ນປະເທດທີ່ຕັ້ງໜ້າທີ່ສຸດ, ຂົນຂວາຍເພື່ອແນໃສ່ຮັກສາຄວາມສັນຕິພາບ ແລະ ສະຖຽນລະພາບຢູ່ທະເລຕາເວັນອອກ.
ໃນເດືອນກໍລະກົດ 2021, ເມື່ອຕອບຄຳຖາມຂອງນັກຂ່າວກ່ຽວກັບຄຳເຫັນຂອງຫວຽດນາມ ເນື່ອງໃນໂອກາດ 5 ປີແຫ່ງວັນສານອານຸຍາໂຕຕຸລາການສາກົນໄດ້ພິພາກສາກ່ຽວກັບຄະດີຂອງຟີລິບປິນເຊິ່ງກ່ຽວຂ້ອງກັບບັນຫາຢູ່ທະເລຕາເວັນອອກ, ທ່ານນາງໂຄສົກການຕ່າງປະເທດ ຫວຽດນາມ ເລທິທູຮັ່ງ ໃຫ້ຮູ້ວ່າ ຫວຽດນາມ ຍາມໃດກໍສະໜັບສະໜູນການແກ້ໄຂບັນດາການຂັດແຍ່ງກ່ຽວກັບອະທິປະໄຕ, ສິດອໍານາດອະທິປະໄຕ ແລະ ສິດພິພາກສາ ຢູ່ທະເລຕາເວັນອອກ ໂດຍຜ່ານວິວັດທະນາການທາງການທູດ ແລະ ນິຕິກໍາ; ບໍ່ນໍາໃຊ້ ແລະ ນາບຂູ່ນໍາໃຊ້ອາວຸດ, ແກ້ໄຂດ້ວຍບັນດາມາດຕະການ, ວິທີການສັນຕິພາບທີ່ສອດຄ່ອງກັບກົດບັດສະຫະປະຊາຊາດ ກໍຄື UNCLOS 1982. ຫວຽດນາມ ສະເໜີໃຫ້ບັນດາຝ່າຍທີ່ກ່ຽວຂ້ອງ ເຄົາລົບ ແລະ ປະຕິບັດບັນດາພັນທະນິຕິກໍາທີ່ໄດ້ກຳນົດໄວ້ໃນ UNCLOS 1982 ຢ່າງຄົບຖ້ວນ, ຮ່ວມມືປະກອບສ່ວນຢ່າງຕັ້ງໜ້າ, ແທດຈິງ ເຂົ້າໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ ແລະ ການບິນ, ຄວາມເປັນລະບຽບຮຽບຮ້ອຍຢູ່ທະເລຕາເວັນອອກ ໂດຍອີງໃສ່ກົດໝາຍສາກົນ.
ໃນກອງປະຊຸມຂັ້ນສູງພິເສດ ອາຊຽນ - ອາເມລິກາ ທີ່ Washington ໃນວັນທີ 13 ພຶດສະພາ 2022 ທ່ານນາຍົກລັດຖະມົນຕີຫວຽດນາມ ຟ້າມມິງຈິ໋ງ ໄດ້ຢືນຢັນຄືນຫຼັກໝັ້ນຂອງຕົນ, ຫຼັກການແກ້ໄຂການຂັດແຍ່ງໂດຍສັນວິທີ ບົນພື້ນຖານກົດໝາຍສາກົນລວມທັງ UNCLOS 1982; ຊົມເຊີຍບັນດາຄູ່ຮ່ວມມືທີ່ສະໜັບສະໜູນ ຫວຽດນາມ ກໍຄື ອາຊຽນ ປະຕິບັດຖະແຫຼງການການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ສ້າງປະມວນກົດໝາຍການປະພຶດຢູ່ທະເລຕາເວັນອອກ (COC) ໃຫ້ມີຜົນສັກສິດ, ມີປະສິດທິຜົນ ແລະ ສອດຄ່ອງກັບກົດໝາຍສາກົນ.
ໃນກອງປະຊຸມທາງໄກ ອາເມລິກາ - ອາຊຽນ ໄດ້ຈັດຂຶ້ນໃນເດືອນພຶດສະພາ 2021, ທ່ານຜູ້ຊ່ວຍລັດຖະມົນຕີການຕ່າງປະເທດ ອາເມລິກາ Atul Keshap ເນັ້ນໜັກວ່າ ອຳນາດການປົກຄອງຂອງປະທານາທິບໍດີ Joe Biden ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບ ອາຊຽນ, ຢືນຢັນຈະສົມທົບຢ່າງແໜ້ນແຟ້ນກັບບັນດາປະເທດ ອາຊຽນ ເພື່ອປະກອບສ່ວນເຂົ້າໃນການຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ, ໃນນັ້ນ ມີຄວາມໝັ້ນຄົງ ແລະ ຄວາມປອດໄພຂອງການເດີນທະເລຢູ່ທະເລຕາເວັນອອກ, ເຊິ່ງເປັນເສັ້ນທາງຂົນສົ່ງທາງນໍ້າທີ່ສໍາຄັນຂອງໂລກ. ທ່ານນາຍົກລັດຖະມົນຕີ ຍີ່ປຸ່ນ Fumio Kishida ໃນການເດີນທາງໄປຢ້ຽມຢາມ ຫວຽດນາມ ແລະ ອິນໂດເນເຊຍ ໃນທ້າຍເດືອນເມສາ ແລະ ຕົ້ນເດືອນພຶດສະພາ, ເຊິ່ງໄດ້ໃຫ້ຄຳໝັ້ນສັນຍາວ່າ ຈະສົມທົບຢ່າງແໜ້ນແຟ້ນກັບບັນດາປະເທດທີ່ມຸ່ງໄປເຖິງພາກພື້ນ ມະຫາສະໝຸດອິເດຍ- ປາຊີຟິກ ລວມມີທະເລຕາເວັນອອກ ສັນຕິພາບ, ໝັ້ນຄົງ, ເສລີ ແລະ ເປີດກວ້າງ.
ທ້າຍສຸດ, ນັກຂຽນບົດຄວາມນີ້ ໃຫ້ຂໍ້ສັງເກດວ່າ ໃນສະຖານະການຂອງໂລກ ແລະ ພາກພື້ນທີ່ພວມມີການປ່ຽນແປງທີ່ທີ່ຍາກຈະຄາດຄະເນໄດ້ເຊັ່ນ: ການປະທະກັນລະຫວ່າງລັດເຊຍ - ຢູແກຼນ, ການແຜ່ລະບາດຂອງໂຄວິດ - 19 ຍັງມີການປັນແປສັບສົນຢູ່ບາງປະເທດ, ການແກ່ງແຍ້ງລະຫວ່າງອາເມລິກາ - ຈີນ, ອາເມລິກາ - ຣັດເຊຍ ນັບມື້ນັບເພີ່ມຂຶ້ນນັ້ນ, ການຮັກສາ ໜຶ່ງທະເລຕາເວັນອອກ ສັນຕິພາບ, ສະຖຽນລະພາບ ແມ່ນມີຄວາມໝາຍອັນໃຫຍ່ຫຼວງ, ແມ່ນຜົນປະໂຫຍດຂອງທຸກປະເທດ, ບໍ່ພຽງແຕ່ແມ່ນບັນດາປະເທດທີ່ຢູ່ໃກ້ກັບທະເລຕາເວັນອອກ, ບັນດາປະເທດອາຊຽນເທົ່ານັ້ນ, ຫາກຍັງແມ່ນສໍາລັບທັງພາກພື້ນ ມະຫາສະໝຸດິນເດຍ-ປາຊີຟິກ ແລະ ໂລກອີກດ້ວຍ.
ຫອມມາລາ
