| ກິລາຫວຽດນາມ ຢືນຢັນຈຸດຢືນໃນພາກພື້ນ ແລະ ກ້າວຂຶ້ນສູ່ລະດັບສາກົນເທື່ອລະກ້າວ | |
| ກິລາຫວຽດນາມ ສູ້ຊົນຍາດຫຼຽນຄຳໃຫ້ໄດ້ 3 ເຖິງ 5 ຫຼຽນຢູ່ ASIAD 19 |
ເຂົ້າຮ່ວມ ແລະ ແບ່ງປັນຄວາມຄວາມພາກພູມໃຈບັນດານັກກິລາ, ຄູເຝິກ, ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ຊົມເຊີຍ ແລະ ຍ້ອງຍໍພິເສດ ບັນດາຜົນງານດີເດັ່ນທີ່ຄະນະຜູ້ແທນກິລາ ຫວຽດນາມ ບັນລຸໄດ້, ນຳມາໃຫ້ປະເທດ, ໃຫ້ປະຊາຊົນ, ໃຫ້ຜູ້ນິຍົມນັບລ້ານຄົນ ມີຄວາມສຸກ, ເອກອ້າງທະນົງໃຈກັບຄວາມຮູ້ສຶກທີ່ບໍ່ອາດລືມໄດ້.
 |
| ກິລາຫວຽດນາມ ພະຍາຍາມຫຼາຍກວ່າເກົ່າ ເພື່ອເອົາຊະນະໃນລະດັບສູງໃໝ່. (ພາບ: vtc) |
ທ່ານນາຍົກລັດຖະມົນຕີ ຟ້າມມິງຈິ້ງ ເນັ້ນໜັກວ່າ, ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງໃນສະພາບການຜັນແປທີ່ສັບສົນຂອງໂລກລະບາດ ໂຄວິດ-19, ຫວຽດນາມ ໄດ້ຈັດຕັ້ງງານມະຫາກຳກິລາຊີເກມຄັ້ງທີ 31 ຢ່າງສຳເລັດຜົນ. ນີິ້ແມ່ນໝາກຜົນແຫ່ງຄວາມມານະພະຍາຍາມຢ່າງຕັ້ງໜ້າຂອງບັນດາກະຊວງ, ຂະແໜງການ, ອົງການ ແລະ ທ້ອງຖິ່ນ; ການຮ່ວມເດີນທາງ ແລະ ການສະໜັບສະໜູນຂອງວິສາຫະກິດ ແລະ ປະຊາຊົນ; ແລະ ໂດຍສະເພາະແມ່ນຄວາມພະຍາຍາມບືນກາຍລະດັບໃນການຝຶກແອບ ແລະ ການແຂ່ງຂັນຂອງນັກກິລາເກືອບ 5.000 ຄົນ, ໃນ 40 ປະເພດກິລາ, ສ່ວນຫຼາຍແມ່ນກິລາ OLYMPIC ແລະ ASIAD. ນັ້ນກໍ່ເປັນການພິສູດໃຫ້ເຫັນການປັບຕົວຢ່າງປອດໄພ ແລະ ມີໄຫວພິບ, ຄວບຄຸມໂລກລະບາດໂຄວິດ-19 ຢ່າງມີປະສິດທິຜົນຂອງຫວຽດນາມ, ພວມຢູ່ໃນທ່າຟື້ນຟູຢ່າງເຂັ້ມແຂງ ແລະ ພັດທະນາເສດຖະກິດ, ເປີດປະຕູສູ່ໂລກຢ່າງໝັ້ນໃຈ.
ທ່ານນາຍົກລັດຖະມົນຕີຮຽກຮ້ອງໃຫ້ຂະແໜງກາຍະກຳ ແລະ ກິລາ ສືບຕໍ່ຮັກສາ, ປັບປຸງທີ່ຕັ້ງກິລາ ໃຫ້ມີຜົນງານທີ່ສູງ, ຕັ້ງເປົ້າໝາຍສູງກວ່າ, ສຸມໃສ່ລົງທຶນ, ກ້າວເຂົ້າສູ່ລະດັບກິລາທົ່ວທະວີບ ແລະ ໂລກເທື່ອລະກ້າວ. ພ້ອມກັນນັ້ນ ກໍຖືເປັນສຳຄັນຕໍ່ການພັດທະນາກິລາມວນຊົນ.
ຄຳຮຸ່ງ
