| ຊຸກຍູ້ການພົວພັນຮ່ວມມືມິດຕະພາບລະຫວ່າງເກິ່ນເທີ ແລະ ເຂດ Kansai | |
| “ຫວຽດນາມ ຍາມໃດກໍ່ຄຽງບ່າຄຽງໄຫຼ່ກັບເພື່ອນມິດອາຟະຣິກາ” |
 |
| ພາບປະກອບ: TTXVN |
ກ່າວຄຳປາໄສທີ່ກອງປະຊຸມ, ທ່ານ ດັ້ງຮວ່າງຢາງ, ເອກອັກຄະລັດຖະທູດ, ຫົວໜ້າຄະນະຜູ້ແທນຫວຽດນາມ ຢູ່ສະຫະປະຊາຊາດ ໃຫ້ຮູ້ວ່າ ປະຊາຄົມໂລກກໍາລັງປະເຊີນໜ້າກັບຄວາມທ້າທາຍໃຫຍ່ຕ່າງໆຕໍ່ການປົກປ້ອງສາມັນຊົນຄື: ສົງຄາມ, ການປະທະກັນເກີດຂຶ້ນຢູ່ຫຼາຍບ່ອນ ດ້ວຍຂອບຂະໜາດໃຫຍ່; ພະຍາດ COVID-19 ສືບຕໍ່ມີການຜັນປ່ຽນຢ່າງສັບສົນ, ໂດຍສະເພາະແມ່ນຢູ່ບັນດາພື້ນທີ່ມີການປະທະກັນ. ບັນຫາຕ່າງໆໄດ້ແກ່ຍາວຢູ່ແລ້ວ, ໃນປັດຈຸບັນກໍນັບມື້ນັບສັບສົນກວ່າ ຍ້ອນຜົນຂອງບັນດາວິກິດການໃໝ່, ໂດຍສະເພາະແມ່ນດ້ານຄວາມປອດໄພສະບຽງອາຫານ ແລະ ການຂາດວັກຂາດຕອນຂອງບັນດາຕ່ອງໂສ້ການສະໜອງ. ໃນສະພາບການນັ້ນ, ແຫຼ່ງກຳລັງສຳລັບການປົກປ້ອງສາມັນຊົນພົບກັບຄວາມທ້າທາຍຫຼາຍຢ່າງຍ້ອນແຫຼ່ງຊ່ວຍເຫຼືອສາກົນຖືກຫຼຸດໜ້ອຍລົງ, ການຊ່ວຍເຫຼືອໃຫ້ແກ່ຫຼາຍພື້ນທີ່ຄວາມຫຍຸ້ງຍາກ ມີຄວາມສ່ຽງຫຼຸດໜ້ອຍລົງ ໂດຍສາກົນ, ສະຫະປະຊາຊາດຕ້ອງໃຊ້ແຫຼ່ງຊັບພະຍາກອນສຳລັບບັນດາບັນຫາສັບສົນໃໝ່.
ເອກອັກຄະລັດຖະທູດຮຽກຮ້ອງປະຊາຄົມສາກົນຜັນຂະຫຍາຍບັນດາມາດຕະການຮີບດ່ວນ, ເພີ່ມທະວີການຊ່ວຍເຫຼືອມະນຸດສະທຳ ແລະ ຊ່ວຍເຫຼືອເພີ່ມທະວີຄວາມສາມາດຕ້ານທານຂອງບັນດາປະເທດ, ບັນດາຊຸມຊົນເພື່ອປັບຕົວກັບບັນດາຄວາມທ້າທາຍຢ່າງປອດໄພ, ໃນນັ້ນມີບັນຫາການປ່ຽນແປງດີນຟ້າອາກາດ.
ໃນໄລຍະຍາວ, ທ່ານ ດັ້ງຮວ່າງຢາງ ເອກອັກຄະລັດຖະທູດເນັ້ນໜັກເລື່ອງຕ້ອງການຊຸກຍູ້ແກ້ໄຂ, ສະກັດກັ້ນການປະທະກັນ, ບົນພື້ນຖານເພີ່ມທະວີການຮ່ວມມືລະຫວ່າງສະຫະປະຊາຊາດ, ບັນດາປະເທດ, ບັນດາອົງການຈັດຕັ້ງພາກພື້ນ ແລະ ພາກເອກະຊົນ.
ຕາມທ່ານ ດັ້ງຮວ່າງຢາງ ເອກອັກຄະລັດຖະທູດແລ້ວ, ຫວຽດນາມເຂົ້າໃຈ ຢ່າງເລີກເຊິ່ງຜົນເສຍຫາຍຂອງສົງຄາມ ແລະ ແບ່ງປັນຄວາມເສຍຫາຍຕ່າງໆ ແລະ ຜົນຂອງການປະທະກັນໂດຍໃຊ້ອາວຸດຕໍ່ສາມັນຊົນ ແລະ ຈະສືບຕໍ່ປະກອບສ່ວນເຂົ້າໃນຄວາມພະຍາຍາມລວມຂອງປະຊາຄົມສາກົນກ່ຽວກັບການປົກປ້ອງສາມັນຊົນໃນການປະທະກັນ.
ໄຊພອນ
