ກ່າວຄຳເຫັນທີ່ການເຮັດວຽກກັບສະຫະພັນບັນດາອົງການຈັດຕັ້ງມິດຕະພາບນະຄອນ ເກິ່ນເທີ ແລະ ສະມາຄົມມິດຕະພາບ ຫວຽດນາມ - ຍີ່ປຸ່ນ ນະຄອນ ເກິ່ນເທີ ໃນວັນທີ 26 ພຶດສະພາ, ທ່ານ Sakai Hironori ຕີລາຄາສູງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢູ່ນະຄອນ ເກິ່ນເທີ; ຢືນຢັນວ່າ, ສະມາຄົມມິດຕະພາບຍີ່ປຸ່ນ - ຫວຽດນາມ ຢູ່ເຂດ Kansai ຈະຮຽກຮ້ອງການລົງທຶນຢ່າງຕັ້ງໜ້າ, ຊຸກຍູ້ການຮ່ວມມືດ້ານເສດຖະກິດຢູ່ນະຄອນ.
 |
| ຊຸກຍູ້ການພົວພັນຮ່ວມມືມິດຕະພາບລະຫວ່າງເກິ່ນເທີ ແລະ ເຂດ Kansai. ພາບ: vufo.org.vn |
ທ່ານປະທານສະມາຄົມມິດຕະພາບຍີ່ປຸ່ນ-ຫວຽດນາມ ຢູ່ເຂດ Kansai Sakai Hironori ປາດຖະໜາຢາກເພີ່ມທະວີຊຸກຍູ້ການຮ່ວມມືລະຫວ່າງແຂວງ Tokushima ແລະ ນະຄອນເກິ່ນເທີ ໃນຂົງເຂດກໍ່ສ້າງແຫຼ່ງບຸກຄະລາກອນ ແລະ ຫຼາຍຂົງເຂດອື່ນໆ. ຜ່ານນັ້ນໄດ້ເປີດກວ້າງ ແລະ ຊຸກຍູ້ການຮ່ວມມື ແລະ ເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງບັນດາທ້ອງຖິ່ນ.
ທີ່ການພົບປະ, ການນຳສະຫະພັນ ເກີ່ນເທີ, ສະມາຄົມມິດຕະພັບຫວຽດນາມ - ຍີ່ປຸ່ນ ນະຄອນ ເກີ່ນເທີ ແລະ ຄະນະຜູຸ້ແທນໄດ້ປຶກສາຫາລື ແລະ ເຫັນດີເປັນເອກະພາບກ່ຽວກັບຫຼາຍເນື້ອໃນການຮ່ວມມືເຊັ່ນ: ແຜນການສ້າງຕັ້ງສະຖາບັນ ພາສາຍີ່ປຸ່ນ, ຍູ້ແຮງການຄ້າກັບບັນດາວິສາຫະກິດກ່ຽວກັບການແລກປ່ຽນວັດທະນະທຳ, ແລກປ່ຽນອາສາສະໝັກ, ການຮ່ວມມືສົ່ງອອກແຮງງານ ...
ບູນມີ
