ເນື່ອງໃນໂອກາດວັນຄ້າຍວັນເກີດປະທານ ໂຮ່ຈີມິນ ຄົບຮອບ 132 ປີ (ວັນທີ 19 ພຶດສະພາ 1890-ວັນທີ 19 ພຶດສະພາ2022), ນະຄອນ Saint Petersburg (ລັດເຊຍ) ໄດ້ຈັດຕັ້ງ “ຊຸມວັນຫວຽດນາມ ຢູ່ Saint Petersburg” ເພື່ອແນໃສ່ເພີ່ມທະວີການຮ່ວມມືລະຫວ່າງ ຫວຽດນາມ ແລະ ສ. ລັດເຊຍ...
 |
| “ຊຸມວັນຫວຽດນາມທີ່ Saint Petersburg” ທີ່ຟົດຟື້ນ ແລະ ມີຄວາມໝາຍ. ພາບ: vov.vn |
ເມື່ອແລກປ່ຽນກັບນັກຂ່າວສຳນັກຂ່າວສານຫວຽດນາມ ຢູ່ນອກເວທີປາໄສການທ່ອງທ່ຽວ ຫວຽດນາມ - Saint Petersburg, ທ່ານ Vyacheslav Kalganov, ຮອງປະທານຄະນະກຳມະການພົວພັນຕ່າງປະເທດ ນະຄອນ Saint Petersburg ໃຫ້ຮູ້ວ່າ: “ຊຸມວັນຫວຽດນາມ ຢູ່ Saint Petersburg” ໄດ້ດຳເນີນແຕ່ວັນທີ 13 – 19 ພຶດສະພາ; ດ້ວຍຫຼາຍການເຄື່ອນໄຫວທີ່ແທດຈິງ ແລະ ມີຄວາມໝາຍ ເຊັ່ນ: ການພົບປະລະຫວ່າງ 2 ໂຮງຮຽນມັດທະຍົມຕອນປາຍຂອງນະຄອນ Saint Petersburg ກັບບັນດາໂຮງຮຽນມັດທະຍົມຕອນປາຍນະຄອນ ໂຮ່ຈີມິນ, ແຂວງ ບັກນີງ ແລະ ແຄ໊ງຮວ່າ ຂອງ ຫວຽດນາມ, ບັນດາທ່ານໝໍຈາກສູນຄົ້ນຄວ້າ ແລະ ປິ່ນປົວພະຍາດມະເຮັງ Saint Petersburg ແລະ ບັນດາທ່ານໝໍຈາກໂຮງໝໍມະເຮັງຢູ່ນະຄອນໂຮ່ຈິມິນ, ຮ່າໂນ້ຍ ແລະ ແຂວງແຄ໋ງຮວ່າ ກໍໄດ້ຈັດຕັ້ງກອງປະຊຸມທາງໄກ...
ເນື່ອງໃນໂອກາດນີ້, ທ່ານຮອງປະທານຄະນະກຳມະການພົວພັນຕ່າງປະເທດນະຄອນ Saint Petersburg Kalganov ໃຫ້ຮູ້ວ່າ: ລັດຖະບານນະຄອນ ພວມກະກຽມໃຫ້ແກ່ການເປີດຮູບປັ້ນລຸງໂຮ່ ໃນໂອກາດວັນທີ 19 ພຶດສະພາ 2023 ຫຼື ວັນທີ 30 ມິຖຸນາ 2023” ເນື່ອງໃນໂອກາດສະເຫຼີມສະຫຼອງ 100 ປີ ແຫ່ງວັນຫງວຽນອ໊າຍກວກ ມາຍັງນະຄອນ Petrograg, ປະຈຸບັນແມ່ນ Saint Petersburg...
ບູນມີ
