| ADB: Kinh tế Việt Nam sẵn sàng phục hồi, dự kiến tăng trưởng 6,5% trong năm 2022 | |
| ນະຄອນ ດ່າໜັງ ຈະເປັນເຈົ້າພາບຈັດຕັ້ງເວທີປາໄສພັດທະນາເສັ້ນທາງການບິນ ອາຊີ 2022- Routes Asia 2022 |
 |
| ນັກທ່ອງທ່ຽວຫຼາຍຄົນເຂົ້າຮ່ວມງານບຸນຂອງຂວັນທ່ອງທ່ຽວ ຮ່າໂນ້ຍ 2022) |
ໃນເວລາ 3 ວັນດຳເນີນງານບຸນຂອງຂວັນທ່ອງທ່ຽວ ຮ່າໂນ້ຍ 2022 (ແຕ່ວັນທີ 29 ເມສາ ຫາວັນທີ 01 ພຶດສະພາ), ໄດ້ດຶງດູດນັກທ່ອງທ່ຽວຢູ່ພາຍໃນ ແລະ ຕ່າງປະເທດປະມານ 65.000 ເທື່ອຄົນມາຢ້ຽມຊົມ. ນອກຈາກບັນດາຮ້ານວາງສະແດງແນະນຳຜະລິດຕະພັນຂອງຂວັນທ່ອງທ່ຽວ ແລ້ວ, ມີຫຼາຍເຫດການກໍ່ໄດ້ຈັດຂຶ້ນໃນຕະຫຼອດ 3 ວັນດຳເນີນງານບຸນຄື: ການສະແດງສິລະປະທ້ອງຖະໜົນ; ການວາງສະແດງ, ງານວາງສະແດງພາບຖ່າຍທີ່ສວຍງາມກ່ຽວກັບການທ່ອງທ່ຽວ ຮ່າໂນ້ຍ; ບັນດາການເຄື່ອນໄຫວວັດທະນະທຳສິລະປະ.
ງານບຸນຂອງຂວັນທ່ອງທ່ຽວ ຮ່າໂນ້ຍ 2022 ໄດ້ສົ່ງຮູບພາບກ່ຽວກັບ ຮ່າໂນ້ຍ ທີ່ເຕັມໄປດ້ວຍພະລັງຊີວິດ, ປະກອບສ່ວນສ້າງພາບພົດການທ່ອງທ່ຽວນະຄອນຫຼວງ ຮ່າໂນ້ຍ ແມ່ນຈຸດນັດພົບທີ່ “ປອດໄພ - ໃກ້ຊິດສະໜິດສະໜົມ - ມີຄຸນນະພາບ - ດູດດື່ມ”.
ພະແນກທ່ອງທ່ຽວ ຮ່າໂນ້ຍ ໃຫ້ຮູ້ວ່າ, ໄດ້ຮັບການຕອບຮັບຢ່າງຕັ້ງໜ້າຈາກນັກທ່ອງທ່ຽວ ແລະ ປະຊາຊົນບັນດານະຄອນຫຼວງເຖິງໂຄງການດັ່ງກ່າວ ແລະ ຫວັງວ່ານີ້ຈະກາຍເປັນການເຄື່ອນໄຫວປະຈຳປີເພື່ອແນະນຳບັນດາຜະລິດຕະພັນຂອງຂວັນການທ່ອງທ່ຽວຮ່າໂນ້ຍ.
ງານມະໂຫລານໄດ້ດຶງດູດ 100 ຮ້ານວາງສະແດງ ແລະ ແນະນຳບັນດາຜະລິດຕະພັນຂອງຂວັນທ່ອງທ່ຽວດ້ວຍບັນດາໝູ່ບ້ານຫັດຖະກຳພື້ນເມືອງທີ່ເປັນເອກະລັກສະເພາະຂອງນະຄອນຄື: ເຄື່ອງປັ້ນດິນເຜົາບາດຈ່າງ, ຜ້າໄໝວັນຟຸກ, ເຄື່ອງປັ້ນດິນເຜົາ ດ້ຽນໄທ, ຫວາຍຝູວິງ ແລະ ເຄື່ອງທໍດ້ວຍໄມ້ໄຜ່, ບ້ານໝົກເຈືອງ, ດິ່ງກົງ ຖົ່ວເຫຼືອງ, ຖົ່ວເງິນ ... ທີ່ພັກ, ການເດີນທາງ, ແລະທຸລະກິດການຂົນສົ່ງການທ່ອງທ່ຽວຍັງໄດ້ນໍາສະເຫນີຊຸດຂອງການທ່ອງທ່ຽວລະດູຮ້ອນພິເສດແລະໂຄງການທີ່ຫນ້າສົນໃຈ.
ທ່ານນາງ ດັ້ງຮົ່ງຢາງ, ຫົວໜ້າພະແນກທ່ອງທ່ຽວຮ່າໂນ້ຍ ຫວັງວ່ານີ້ຈະແມ່ນການເຄື່ອນໄຫວປະຈຳປີເພື່ອໃຫ້ບັນດາຜະລິດຕະພັນຂອງຂວັນທ່ອງທ່ຽວຮ່າໂນ້ຍ ໄດ້ຮັບການແນະນຳໃຫ້ປະຊາຊົນໃນໄລຍະຈະມາເຖິງ.
ວີໂອວີ
