| ນະຄອນ ດ່າໜັງ ຈະເປັນເຈົ້າພາບຈັດຕັ້ງເວທີປາໄສພັດທະນາເສັ້ນທາງການບິນ ອາຊີ 2022- Routes Asia 2022 | |
| ປອ Sim Sang Joon (ສ.ເກົາຫຼີ): ເຂົ້າຕົ້ມຫວຽດນາມ ກິນກັບກິມຈິ ສ.ເກົາຫຼີ ແຊບອີຫຼີ! |
 |
| ພາບປະກອບ |
ນັ້ນແມ່ນການຢັ້ງຢືນຂອງທະນາຄານພັດທະນາອາຊີ (ADB) ທີ່ໄດ້ຍົກອອກໃນບົດລາຍງານແງ່ຫວັງອາຊີ 2022 ພາກອັບເດດໂດຍສັງເຂບເສດຖະກິດຂອງຫວຽດນາມ ແລະ ແງ່ຫວັງປີ 2022-2023 ທີ່ໄດ້ປະກາດໃນວັນທີ 6 ເມສາ.
ທີ່ການປະກາດບົດລາຍງານ, ທ່ານ ຫງວຽນມີງເກື່ອງ, ນັກຊ່ຽວຊານເສດຖະກິດແຫ່ງຊາດຂອງ ADB ໄດ້ວິເຄາະວ່າ: “ສ່ວນຫຼາຍບັນດາຕົວຊີ້ວັດເສດຖະກິດຂອງຫວຽດນາມ ທີ່ຫາກໍ່ໄດ້ອອກເຜີຍແຜ່ ແມ່ນສະແດງໃຫ້ເຫັນເຖິງການຟື້ນຕົວ. ໃນປະຈຸບັນ, ຄາດຄະເນການເຕີບໂຕດ້ານເສດຖະກິດຂອງ ADB ສຳລັບ ຫວຽດນາມ ແມ່ນຂ້ອນຂ້າງດີ. ສິ່ງດັ່ງກ່າວທີ່ໄດ້ອີງໃສ່ຫຼາຍເຫດຜົນຄື: ທີໜຶ່ງ, ຍ້ອນການຟື້ນຕົວຂອງຂະແໜງອຸດສາຫະກຳ, ພິເສດແມ່ນການປຸແຕ່ງຜະລິດດ້ວຍການຟື້ນຕົວຂອງແຮງງານ ແລະ ການຟື້ນຕົວຂອງວິສາຫະກິດທີ່ຂ້ອນຂ້າງແຮງ.
ອັນທີສອງແມ່ນການຄ້າ-ການລົງທຶນ; ການຄ້າສືບຕໍ່ຂະຫຍາຍຕົວ; ທ່າອ່ຽງການລົງທຶນຂອງຕ່າງປະເທດຢູ່ຫວຽດນາມ ສືບຕໍ່ຂະຫຍາຍຕົວຢ່າງແຂງແຮງ.
ທີ 3 ແມ່ນບັນດາມາດຕະການ ແລະ ນະໂຍບາຍຊຸກຍູ້ການເງິນ - ເງິນຕາ ໃນບ້ວງຟື້ນຟູ ແລະ ພັດທະນາເສດຖະກິດທີ່ໄດ້ຮັບການຮັບຮອງ ໂດຍສະພາແຫ່ງຊາດ ຫວຽດນາມ ໃນເດືອນ ມັງກອນ 2022. ບ້ວງການໜູນຊ່ວຍແມ່ນຄາດວ່າຈະສືບຕໍ່ຊຸກຍູ້ການຟື້ນຕົວຂອງເສດຖະກິດຫວຽດນາມ ໃນປີ 2022 ແລະ ປີ 2023”.
ຕາມການຕີລາຄາຂອງ ADB ແລ້ວ, ການເຕີບໂຕດ້ານອຸດສາຫະກຳຂອງຫວຽດນາມ ຄາດວ່າຈະບັນລຸ 9,5% ໃນປີ 2022; ຄາດວ່າຜົນຜະລິດກະສິກຳຈະເພີ່ມຂຶ້ນ 3,5%; ອັດຕາເງິນເຟີ້ຂອງຫວຽດນາມ ຄາດວ່າຈະເພີ່ມຂຶ້ນເປັນ 3,8% ໃນປີ 2022 ແລະ 4,0% ໃນປີ 2023. ຄາດຄະເນວ່າ ການສົ່ງອອກສິນຄ້າຂອງຫວຽດນາມ ຈະເພີ່ມຂຶ້ນ 8-10% ໃນປີ 2022.
ຄຳຮຸ່ງ
