ນະຄອນ ດ່າໜັງ ຈະເປັນເຈົ້າພາບຈັດຕັ້ງເວທີປາໄສພັດທະນາເສັ້ນທາງການບິນ ອາຊີ 2022- Routes Asia 2022

12:28 | 28/03/2022

ຍສໝ - ເວທີປາໄສພັດທະນາເສັ້ນທາງການບິນອາຊີ 2022-Routes Asia 2022 ຈະຈັດຂຶ້ນຢູ່ນະຄອນດ່ານັງ ແຕ່ວັນທີ 4-9 ມິຖຸນານີ້.

	ນັກມວຍ ເລຮຶວຕວານ ຊະນະເລີດ WBA Asia ລະດັບ minimum
	ໄຂງານຕະຫຼາດນັດທ່ອງທ່ຽວທາງອອນລາຍ 2022 ເຊື່ອມຕໍ່ຫຼາຍປະເທດ

ນະຄອນ ດ່າໜັງ ຈະເປັນເຈົ້າພາບຈັດຕັ້ງເວທີປາໄສພັດທະນາເສັ້ນທາງການບິນ ອາຊີ 2022- Routes Asia 2022

ພາບປະກອບ: qdnd.vn

ຄະນະກຳມະການປະຊາຊົນນະຄອນດ່ານັງໄດ້ປະກາດແຜນການເລກທີ 51 ລົງວັນທີ 19 ມີນາ 2022 ກ່ຽວກັບການຈັດຕັ້ງເວທີປາໄສພັດທະນາເສັ້ນທາງການບິນອາຊີ 2022 - Routes Asia 2022. ນີ້ແມ່ນເຫດການປະຈຳປີ ເພື່ອແນໃສ່ເຕົ້າໂຮມບັນດາບໍລິສັດການບິນ, ສະຫນາມບິນ, ໜ່ວຍງານສະຫນອງການເດີນທາງອາກາດທີ່ຈັດໂດຍບໍລິສັດ Informa Routes ທີ່ຈັດຕັ້ງໝູນວຽນຢູ່ບັນດານະຄອນໃຫຍ່ທີ່ສຸດຢູ່ອາຊີ.

ຕາມນັ້ນແລ້ວ, ເຫດການດຳເນີນແຕ່ວັນທີ 4 – 9 ມິຖຸນາ ດ້ວຍງົບປະມານທັງໝົດ 15 ຕື້ດົ່ງ. Routes Asia 2022 ໄດ້ສ້າງໂອກາດໂຄສະນາ, ເພື່ອແນໃສ່ແນະນຳຮູບພາບ ແລະ ທ່າແຮງບົ່ມຊ້ອນຂອງນະຄອນ ດ່ານັງ ກ່ຽວກັບສະພາບແວດລ້ອມແຫ່ງການລົງທຶນ, ການຄ້າ, ການບິນ, ການທ່ອງທ່ຽວ, logisticsໄປຍັງຜູ້ແທນສາກົນ ປະມານ 500 ຄົນທີ່ເຂົ້າຮ່ວມເຫດການ.

Routes Asia 2022 ລວມມີ 19 ກິດຈະກຳ, ເຫດການຫຼັກ ແລະ ບັນດາການເຄື່ອນໄຫວໜູນຊ່ວຍ. ບໍລິສັດ Informa Routes ຈັດ 3 ກິດຈະກຳ ແລະ ນະຄອນດ່າໜັງ ຈັດຕັ້ງ 16 ກິດຈະກຳ. ພົ້ນເດັ່ນຄື: ງານວາງສະແດງການທ່ອງທ່ຽວ, ການບິນອາຊີ 2022 ດ້ວຍບໍລິສັດການບິນສາກົນເກືອບ 110 ແຫ່ງ, ສະໜາມບິນ 200 ແຫ່ງ, ມີ 30 ບໍລິສັດການທ່ອງທ່ຽວພາກພື້ນເຂົ້າຮ່ວມ; ຫຼາຍກວ່າ 1000 ກອງປະຊຸມລະຫວ່າງບັນດາຄູ່ຮ່ວມມືບົນລະບົບຂອງເວທີປາໄສເສັ້ນທາງອາຊີ 2022; ກອງປະຊຸມກ່ຽວກັບການຟື້ນຟູການບິນໃນອາຊີ; ກອງປະຊຸມປຶກສາຫາລືກ່ຽວກັບການພັດທະນາການບໍລິການການບິນໃນໄລຍະປົກກະຕິໃໝ່; ການເຄື່ອນໄຫວສຳຫຼວດ, ສົ່ງເສີມການທ່ອງທ່ຽວຢູ່ນະຄອນ ດ່ານັງ, ຫວຽດນາມ...

ຄະນະກຳມະການປະຊາຊົນນະຄອນ ດ່ານັ້ງ ເປັນອົງການຊີ້ນຳຈັດຕັ້ງເວທີປາໄສພັດທະນາເສັ້ນທາງການບິນອາຊີ. ປະທານຄະນະກຳມະການປະຊາຊົນນະຄອນ ດ່ານັ້ງ ໄດ້ມອບໝາຍໃຫ້ກົມທ່ອງທ່ຽວເປັນອົງການຜູ້ປະຈຳການຄະນະຈັດຕັ້ງ, ຮັບຜິດຊອບເປັນໃຈກາງ, ເປັນປະທານ, ຊີ້ນຳ, ວາງແຜນ ແລະ ສົມທົບກັບບັນດາຫົວໜ່ວຍທີ່ກ່ຽວຂ້ອງຈັດຕັ້ງບັນດາການເຄື່ອນໄຫວຢູ່ Routes Asia. 2022.

ບຸນຄົງ