 |
| ພໍ່ແມ່ປະຊາຊົນບັນດາເຜົ່າ ສະແດງສິລະປະທີ່ໝູ່ບ້ານວັດທະນະທໍາ-ທ່ອງທ່ຽວບັນດາເຜົ່າຫວຽດນາມ. ພາບ: qdnd.vn. |
ລາຍການດັ່ງກ່າວ ໂດຍຄະນະຄຸ້ມຄອງໝູ່ບ້ານວັດທະນະທໍາ-ທ່ອງທ່ຽວບັນດາເຜົ່າຫວຽດນາມ (ກະຊວງວັດທະນະທໍາ, ກິລາ ແລະທ່ອງທ່ຽວ) ຈັດຕັ້ງ. ວັນວັດທະນະທໍາບັນດາເຜົ່າຫວຽດນາມ ປີນີ້ ມີການເຂົ້າຮ່ວມຂອງພໍ່ແມ່ປະຊາຊົນ 205 ຄົນ ຂອງ 17 ຊົນເຜົ່າທີ່ມາຈາກ 13 ແຂວງ, ນະຄອນໃນທ່ົວປະເທດ. ໃນຂອບເຂດລາຍການ, ພໍ່ແມ່ປະຊາຊົນບັນດາເຜົ່າຈະເຂົ້າຮ່ວມວຽກງານຈັດຕັ້ງບັນດາງານບຸນ, ຮີດຄອງປະເພນີ, ຂັບພື້ນເມືອງ, ຟ້ອນລວມໝູ່, ອາຫານການກິນ... ຂອງຊົນເຜົ່າຕົນ. ຜ່ານນັ້ນແນະນໍາ, ໂຄສະນາເຜີຍແຜ່ເຖິງປະຊາຄົມບັນດາເຜົ່າ ແລະນັກທ່ອງທ່ຽວ.
ໄປຄຽງຄູ່ກັນນັ້ນ, ຄະນະຈັດຕັ້ງງານບຸນຍັງໄດ້ນຳສະເໜີສີສັນວັດທະນະທຳທີ່ເປັນເອກະລັກຂອງພີ່ນ້ອງຊົນເຜົ່າ ໄຕ່ ແຂວງ ທາຍຫງວຽນ ແລະ ຊົນເຜົ່າ ຢາວ ແຂວງ ວິງຟຸກ; ລາຍການ "ວັນບຸນຂອງບັນດາເຜົ່າພາກເໜືອ"; ວັນບຸນວັດທະນະທຳຕ້ອນຮັບປີໃໝ່ຂອງຊົນເຜົ່າຂະແມ, ການສະແດງສີສັນຂອງ ໄຕງວຽນ "ຄວາມຟົດຟື້ນລື້ນເລິງຂອງຊາວໄຕງວຽນດັກລັກ"... ພ້ອມດຽວກັນນັ້ນ, ການເຄື່ອນໄຫວວັດທະນະທຳຢູ່ໃນແຕ່ລະຊຸມຊົນຂອງບັນດາເຜົ່າກໍໄດ້ເກີດຂຶ້ນໃນແຕ່ລະວັນຢູ່ຕາມໝູ່ບ້ານຕ່າງໆເຊັ່ນ: ການສະເໜີວິຊາອາຊີບທີ່ເປັນມູນເຊື້ອຂອງເຜົ່າ, ການສະແດງຟ້ອນລຳ, ການສະແດງດົນຕຼີພື້ນເມືອງ, ເທດສະການອາຫານ...
ການເຄື່ອນໄຫວວັດທະນະທຳຂອງບັນດາເຜົ່າເປັນການປະກອບສ່ວນສ້າງບັນຍາກາດຄວາມສາມັກຄີຂອງບັນດາເຜົ່າ, ແລກປ່ຽນສີສັນວັດທະນະທຳຂອງແຕ່ລະຂົງເຂດດ້ວຍກັນຂອງສັບປະດາ "ມະຫາສາມັກຄີບັນດາເຜົ່າ-ມໍລະດົກວັດທະນະທຳຫວຽດນາມ"ປີ 2922 ຢູ່ທີ່ບ້ານວັດທະນະທຳ ແລະ ການທ່ອງທ່ຽວຂອງບັນດາເຜົ່າຫວຽດນາມ, ທັງເປັນການເຊີດຊູຄຸນຄ່າທາງດ້ານຈິດໃຈແຫ່ງຄວາມສາມັກຄີບັນດາເຜົ່າຊຶ່ງເປັນມໍລະດົກທີ່ລໍ້າຄ່າຂອງຊາດຫວຽດນາມ ທັງເປັນການສະເຫຼີມສະຫຼອງວັນແຫ່ງມູນເຊື້ອຂອງອົງການແນວໂຮມປະເທດຊາດຫວຽດນາມຄົບຮອບ 92 ປີ ແລະ ວັນມໍລະດົກວັດທະນະທຳຫວຽດນາມ.
ກອງທັບ
