 |
| ຄະນະກິລາ ຫວຽດນາມ (ພາບ: ກະຊວງວັດທະນະທຳ ແລະ ກິລາ) |
ຄະນະຈັດຕັ້ງ SEA Games 31 ໄດ້ປະກາດຢ່າງເປັນທາງການກ່ຽວກັບແຜນການຈັດຕັ້ງພິທີຊັກທຸງຂອງ ງານມະຫາກຳກິລາ ອາຊີຕາເວັນອອກສ່ຽງໃຕ້ ຄັ້ງທີ 31 (SEA Games 31).
ລະອຽດແມ່ນ, ເວລາຈັດຕັ້ງພິທີຊັກທຸງ ຈະດຳເນີນໃນເວລາ 9 – 10 ໂມງ 30 ນາທີ ໃນວັນທີ 11 ພຶດສະພາ ຢູ່ເຂດເດີ່ນກິລາ ຕໍ່ໜ້າແຖວນັ່ງ B, ເຂດກິລາປະສົມ ມີດິ່ງ (ຮ່າໂນ້ຍ).
ຄາດວ່າ, ເຫດການຈະມີການເຂົ້າຮ່ວມຂອງຜູ້ແທນ 400 ທ່ານ, ໃນນັ້ນຝ່າຍ ຫວຽດນາມ ມີປະມານ 50 ທ່ານ, ສ່ວນຍັງເຫຼືອແມ່ນຜູ້ແທນສາກົນ ລວມມີ: ຄະນະກິລາບັນດາປະເທດເຂົ້າຮ່ວມງານມະຫາກຳກິລາ, ຜູ້ຕາງໜ້າສະຖານທູດ 10 ປະເທດອາຊີຕາເວັນອອກສ່ຽງໃຕ້ປະຈຳຮ່າໂນ້ຍ..., ນັກຂ່າວ, ບັນດາອົງການສື່ມວນຊົນພາຍໃນປະເທດ ແລະ ສາກົນ. ຄາດວ່າ, ລາຍການຈະໄດ້ຮັບການຊ້ອມໃຫຍ່ໃນວັນທີ 10 ພຶດສະພາ.
ຕາມຄະນະຈັດຕັ້ງແລ້ວ, ພິທີຊັກທຸງ ໄດ້ຈັດຕັ້ງເພື່ອແນໃສ່ເປົ້າໝາຍສະແດງການມີໜ້າຂອງບັນດາປະເທດ, ຕ້ອນຮັບບັນດາຄະນະນັກກິລາເຂົ້າຮ່ວມ SEA Games 31, ສົ່ງເສີມຈິດໃຈການແຂ່ງຂັນຂອງບັນດານັກກິລາ.
ພ້ອມກັນນັ້ນ, ເຫດການກໍ່ປະກອບສ່ວນສະແດງໃຫ້ເຫັນສີສັນວັດທະນະທຳ ແລະ ຊາວຫວຽດນາມ, ນຳມາເຊິ່ງຄວາມຊົງຈຳທີ່ເປັນໜ້າຈົດຈຳໃຫ້ແກ່ບັນດານັກກິລາທີ່ເຂົ້າຮ່ວມ.
ບຸນຄົງ
