ນັກຊ່ຽວຊານການາດາ ຢັ້ງຢືນ ຫວຽດນາມ ຈະແມ່ນຄູ່ຮ່ວມມືຍຸດທະສາດທີ່ດູດດື່ມ

14:00 | 16/04/2022

ຍສໝ - ທ່ານ Luis Silva, ນັກຊ່ຽວຊານກ່ຽວກັບການພົວພັນລັດຖະບານ, ໃຫ້ຂໍ້ສັງເກດວ່າ ຫວຽດນາມ ຈະແມ່ນຄູ່ຮ່ວມມືຍຸດທະສາດທີ່ດູດດື່ມສຳລັບການາດາ, ໃນສະພາບການຮ່ວມມືດ້ານເສດຖະກິດຈະນຳມາເຊິ່ງຜົນປະໂຫຍດໃຫ້ທັງສອງປະເທດ.

	ການາດາຖືເປັນສຳຄັນ ແລະ ຢາກເປີດກວ້າງການພົວພັນຮ່ວມມືກັບ ຫວຽດນາມ
	ສັບປະດາວັດທະນະທຳການທ່ອງທ່ຽວ ທາງທິດເໜືອ ຫວຽດນາມ ຈະດຳເນີນໃນລະຫວ່າງວັນທີ 15 - 17 ເມສາ ຢູ່ ຮ່າໂນ້ຍ

ນັກຊ່ຽວຊານການາດາ ຢັ້ງຢືນ ຫວຽດນາມ ຈະແມ່ນຄູ່ຮ່ວມມືຍຸດທະສາດທີ່ດູດດື່ມ

ພາບປະກອບ: TTXVN

ການໄປປະຕິບັດງານຢູ່ອິນໂດເນເຊຍ ແລະ ຫວຽດນາມ ໃນລະຫວ່າງວັນທີ 9 – 14 ເມສາ ຂອງທ່ານລັດຖະມົນຕີການຕ່າງປະເທດການາດາ Melanie Joly ໄດ້ດຶງດູດຄວາມສົນໃຈຂອງບັນດານັກຊ່ຽວຊານການາດາ, ກໍ່ຄືຂອງບັນດາວິສາຫະກິດປະເທດນີ້, ໃນສະພາບການ Ottawa ພວມກໍ່ສ້າງຍຸດທະສາດ ມະຫາສະມຸດອິນເດຍ - ປາຊີຟິກ ທີ່ມີມູນຄ່ານັບຮ້ອຍຕື້ CAD ເພື່ອແນໃສ່ຫັນການເຄື່ອນໄຫວດ້ານການຄ້າ ແລະ ການລົງທຶນ ເປັນຫຼາຍຮູບແບບບໍ່ພຽງແຕ່ຢູ່ອາຊີເທົ່ານັ້ນ ຫາຍັງບືນຕົວອອກສູ່ເຂດປາຊີຟິກອີກດ້ວຍ, ພ້ອມທັງເພີ່ມທະວີການປະກອບສ່ວນກ່ຽວກັບຄວາມໝັ້ນຄົງ ແລະ ການໜູນຊ່ວຍສາກົນໃຫ້ແກ່ພາກພື້ນ.

ແລກປ່ຽນກັບນັກຂ່າວສຳນັກຂ່າວສານຫວຽດນາມ ປະຈຳ Ottawa ແລ້ວ, ທ່ານ Luis Silva ນັກຊ່ຽວຊານດ້ານເສດຖະກິດລັດຖະບານ ຢັ້ງຢືນວ່າ ການຢ້ຽມຢາມຂອງທ່ານລັດຖະມົນຕີການຕ່າງປະເທດ Joly ແມ່ນສັນຍານທີ່ສະແດງໃຫ້ເຫັນ ການາດາ ຖືການພົວພັນສອງຝ່າຍກັບຫວຽດນາມ ເປັນສຳຄັນ.

ຕົ້ນປີນີ້, ການາດາ ແລະ ຫວຽດນາມ ໄດ້ສ້າງຕັ້ງຄະນະກຳມະການປະສົມງານດ້ານເສດຖະກິດ (JEC) ເພື່ອແນໃສ່ຊຸກຍູ້ການຮ່ວມມືດ້ານເສດຖະກິດ ແລະ ການຄ້າ ລະຫວ່າງສອງປະເທດ.

ພື້ນຖານເສດຖະກິດຂອງການາດາ ຈະອີງໃສ່ການຄ້າສາກົນຫຼາຍ. ເຖິງຢ່າງໃດກໍ່ຕາມ, ມາດຕະສ່ວນການຄ້າໃນ GDP ຂອງ ການາດາ ໄດ້ຫຼຸດແຕ່ 65% ໃນປີ 2016 ລົງ 60%ໃນປີ 2021.

ໃນຂະນະນັ້ນ, ຫວຽດນາມ ແມ່ນຕະຫຼາດພວມພັດທະນາສຳລັບການຄ້າ ແລະ ການລົງທຶນຢູ່ອາຊີຕາເວັນອອກສ່ຽງໃຕ້. ທ່ານ Luis Silva ໄດ້ໃຫ້ຂໍ້ສັງເກດວ່າ ຫວຽດນາມ ຈະແມ່ນຄູ່ຮ່ວມມືຍຸດທະສາດທີ່ດຶງດູດສຳລັບການາດາ, ໃນສະພາບການຮ່ວມມືດ້ານເສດຖະກິດ ຈະນຳມາເຊິ່ງຜົນປະໂຫຍດມາໃຫ້ທັງສອງປະເທດ.

ບຸນຄົງ