ຕາມລະບຽບການດັ່ງກ່າວນີ້, ເມື່ອມີການຕິດຕໍ່ພົວພັນກັບແຂກ, ທຸກຫົວໜ່ວຍວິສາຫະກິດຕ້ອງສະແດງທ່າທີ “ອົບອຸ່ນ, ສຸພາບ, ເປັນມິດ”; ບໍ່ໃຫ້ຈຳແນກການປະພຶດລະຫວ່າງຄົນທ້ອງຖິ່ນ ແລະ ນັກທ່ອງທ່ຽວ; ບໍ່ຍາດແຍ່ງຊັກຊວນເຮັດໃຫ້ເກີດຄວາມບໍ່ເປັນລະບຽບ ແລະ ເປັນຜົນກະທົບຕໍ່ແຂກລູກຄ້າ, ຊື້ສຽງຍີ່ຫໍ້ ແລະ ຄວາມເຊື່ອຖືຂອງທ້ອງຖິ່ນ; ໂດຍສະເພາະ, ບໍ່ໃຫ້ໃຊ້ວາຈາດ່າ, ດູຖູກ ແລະ ຈໍາແນກການປະພຶດຕໍ່ແຂກລູກຄ້າ.
 |
| ພາບປະກອບ : sctv.com.vn |
ບັນດາຫົວໜ່ວຍວິສາຫະກິດຕ້ອງແຈ້ງປະກາດລາຄາສິນຄ້າ ແລະ ການບໍລິການຢ່າງຈະແຈ້ງ; ບໍ່ໂກງລາຄາ, ບໍ່ຊັກຊວນ ຫຼື ກົດລາຄານັກທ່ອງທ່ຽວ; ຫ້າມບໍ່ໃຫ້ຄົນຂໍທານນຳໃກ້ນັກທ່ອງທ່ຽວ; ອີກດ້ານຄື ຮຽກຮ້ອງໃຫ້ຮັບຄຳເຫັນຈາກລູກຄ້າ; ກຽມພ້ອມຊ່ວຍລູກຄ້າເມື່ອເກີດບັນຫາສຸດວິໄສ ແລະ ຮັບຜິດຊອບຕໍ່ກັບຜະລິດຕະພັນຂອງຕົນ...
ສຳລັບບັນດາຄອບຄົວ ແລະ ຊຸມຊົນ ຕ້ອງເຄົາລົບ ແລະ ຊີ້ນຳຊ່ວຍເຫຼືອນັກທ່ອງທ່ຽວເມື່ອມີການຮຽກຮ້ອງທີ່ສົມເຫດສົມຜົນ, “ວາຈາດີ, ທ່າທີງາມ” ສົ່ງເສີມຮີດຄອງປະເພນີ ແລະ ວັດທະນະທຳທີ່ເປັນຕົວຕົນອັນເປັນມູນເຊື້ອຂອງທ້ອງຖິ່ນ.
ຝ່າຍທາງນັກທ່ອງທ່ຽວ, ລະບຽບການຍັງກຳນົດບາງຂໍ້ເຊັ່ນ: ຫ້າມເດັດດອກໄມ້, ຫັກກິ່ງງ່າ, ຢຽບຢ່ຳເທິງດອກໄມ້; ຫ້າມແຕ່ງກິນ ແລະ ດັງໄຟໃນທາງຍ່າງແຄມຖະໜົນ, ກາງຖະໜົນຫົນທາງ, ສະໜາມຫຍ້າ, ເຂດປ່າ ແລະ ສະຖານທີ່ຖືກຫ້າມ; ເຄົາລົບຄວາມແຕກຕ່າງດ້ານວັດທະນະທຳຂອງຊົນຊາດ ແລະ ທ້ອງຖິ່ນ.
ນັກທ່ອງທ່ຽວຍັງຕ້ອງນຸ່ງຖືຢ່າງສຸພາບເໝາະກັບແຕ່ລະສະຖານທີ່ໄດ້ກໍານົດ; ຫ້າມສູບຢາ, ຖິ້ມຂີ້ເຫຍື້ອ ຫຼື ຖົ່ມນໍ້າລາຍ ທຳລາຍຄວາມງາມຂອງສະຖານທີ່ສາທາລະນະ.
ວິລະຊົນ
