| ຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ Ivory Coast | |
| ຫວຽດນາມ ແລະ ກຳປູເຈຍ ເພີ່ມທະວີການຮ່ວມມືດ້ານປ້ອງກັນຊາດ |
 |
| ທ່ານພົນໂທ ເລືອງຕາມກວາງ, ຮອງລັດຖະມົນຕີກະຊວງຕຳຫຼວດ ກ່າວຄຳເຫັນທີ່ການຕ້ອນຮັບ (ພາບ: cand.com.vn) |
ຕອນເຊົ້າວັນທີ 29 ມີນາ, ຢູ່ຮ່າໂນ້ຍ, ທ່ານພົນໂທ ເລືອງຕາມກວາງ, ຮອງລັດຖະມົນຕີກະຊວງຕຳຫຼວດ ໄດ້ໃຫ້ການຕ້ອນຮັບທ່ານນາງ Amanda Milling, ລັດຖະມົນຕີການຕ່າງປະເທດ ແລະ ພັດທະນາ ອັງກິດ ຮັບຜິດຊອບເຂດອາຊີ.
ທ່ານຮອງລັດຖະມົນຕີ ເລືອງຕາມກວາງ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນການພັດທະນາການພົວພັນກັບ ອັງກິດ ແລະ ຖື ອັງກິດ ແມ່ນໜຶ່ງໃນບັນດາບຸລິມະສິດອັນດັບໜຶ່ງໃນນະໂຍບາຍການຕ່າງປະເທດຂອງ ຫວຽດນາມ ເພື່ອສັນຕິພາບ, ການຮ່ວມມື ແລະ ພັດທະນາ. ຫວຽດນາມ ສະໜັບສະໜູນ ອັງກິດ ເພີ່ມທະວີການເຊື່ອມຕໍ່ຜົນປະໂຫຍດຢູ່ພາກພື້ນ ມະຫາສະໝຸດອິນເດຍ - ປາຊີຟິກ, ເພີ່ມທະວີການພົວພັນຮ່ວມມືກັບ ອາຊຽນ ໃນທຸກຂົງເຂດ.
ທ່ານຮອງລັດຖະມົນຕີ ເລືອງຕາມກວາງ ໄດ້ສະແດງຄວາມຊົມເຊີຍຕໍ່ບັນດາບາດກ້າວພັດທະນາການພົວພັນລະຫວ່າງບັນດາອົງການປະຕິບັດກົດໝາຍອັງກິດ ແລະ ກະຊວງຕຳຫຼວດ ຫວຽດນາມ ໃນໄລຍະຜ່ານມາໃນການຕ້ານອາດຊະຍາກຳ. ບາງຂົງເຂດການຮ່ວມມືເຂົ້າສູ່ລົງເລິກຄື: ການປ້ອງກັນ ແລະ ຕ້ານການຄ້າມະນຸດ, ການນຳຄົນເຂົ້າເມືອງຜິດກົດໝາຍ, ການຄຸ້ມຄອງຄົນເຂົ້າເມືອງ, ການປ້ອງກັນ ແລະ ຕ້ານອາດຊະຍາກຳຂ້າມຊາດ, ການຮ່ວມມືໃນການບຳລຸງສ້າງ ແລະ ຍົກສູງກຳລັງຄວາມສາມາດ...
ທ່ານນາງ Amanda Milling ຢືນຢັນວ່າ ໃນຖານະຕຳແໜ່ງປະຕິບັດງານຂອງຕົນ, ທ່ານນາງຈະຊຸກຍູ້ການພົວພັນຮ່ວມມືລະຫວ່າງບັນດາອົງການປະຕິບັດກົດໝາຍຂອງ ອັງກິດ ແລະ ກະຊວງຕຳຫຼວດ ຫວຽດນາມຢ່າງແຮງ, ຖືນີ້ແມ່ນປັດໄຈສຳຄັນເພື່ອສ້າງຄວາມໄວ້ເນື້ອເຊື້ອໃຈ ແລະ ຊຸກຍູ້ການຮ່ວມມືລະຫວ່າງ 2 ປະເທດຕາມທິດນັບມື້ນັບມີປະສິດທິຜົນ ແລະ ແທດຈິງກ່ວາອີກໃນຂົງເຂດຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ, ການປ້ອງກັນ, ຕ້ານອາດຊະຍາກຳ, ເໝາະສົມກັບຄວາມສາມາດບົ່ມຊ້ອນຮ່ວມມື, ສອດຄ່ອງກັບຄວາມມຸ່ງມາດປາດຖະໜາຂອງປະຊາຊົນສອງປະເທດ.
ບຸນຄົງ
