| ເປີດປະຕູການທ່ອງທ່ຽວ, ຈຳນວນແຂກທ່ອງທ່ຽວສາກົນ ເຂົ້າເມືອງ ຫວຽດນາມ ຜ່ານທາງການບິນ ເພີ່ມຂຶ້ນ 176% | |
| ຈຳນວນແຂກທ່ອງທ່ຽວມາທ່ຽວ ຮ່າໂນ້ຍ ເພີ່ມຂຶ້ນເກືອບ 50% |
 |
| ພາບປະກອບ |
ທ່ານ ເຈີ່ນກວາງແຄ໋ງ, ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງ ລາຍເຈົາ ໃຫ້ຮູ້ວ່າ: “ພວກເຮົາໄດ້ສຸມໃສ່ຍົກສູງຄຸນນະພາບ, ວິຊາສະເພາະໃນການໂຄສະນາ ແລະ ສົ່ງເສີມການທ່ອງທ່ຽວ, ພິເສດແມ່ນການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການຫັນເປັນແຫຼ່ງທ່ອງທ່ຽວຂອງແຂວງ. ທີສອງແມ່ນ ເພີ່ມທະວີການເຊື່ອມຕໍ່ພັດທະນາການທ່ອງທ່ຽວ, ໃນນັ້ນໄດ້ສຸມໃສ່ຜັນຂະຫຍາຍບັນດາການເຄື່ອນໄຫວຮ່ວມມືໃນກຸ່ມຮ່ວມມືພັດທະນາການທ່ອງທ່ຽວ 8 ແຂວງພາກຕາເວັນຕົກສ່ຽງເໜືອ ເພື່ອເປີດກ້ວາງກັບນະຄອນ ໂຮ່ຈີມິນ ແລະ ຮ່າໂນ້ຍ”.
ຕາມທ່ານ ເຈີ່ນກວາງແຄ໋ງ ແລ້ວ, ໄປຄຽງຄູ່ກັບການສືບຕໍ່ໂຄສະນາບັນດາແຫຼ່ງທ່ອງທ່ຽວທີ່ມີເຄື່ອງໝາຍຂອງຊຸມຊົນຢູ່ເຂດດັ່ງກ່າວ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງ ກໍ່ພວມສົມທົບກັບກົມໃຫຍ່ການທ່ອງທ່ຽວ ແລະ ບັນດາອົງການທີ່ກ່ຽວຂ້ອງເພື່ອຈັດຕັ້ງການເຄື່ອນໄຫວທ່ອງທ່ຽວໃໝ່ທີ່ເມືອງລາຍເຈົາມີທ່າໄດ້ປຽບ. ພິເສດແມ່ນທ້ອງຖິ່ນຈະສ້າງລາຍການທ່ອງທ່ຽວພິຊິດພູສູງຄື ປູຕາແລງ, ປູສີລູງ; ຈັດຕັ້ງການເຄື່ອນໄຫວກ່ຽວກັບການກິລາທີ່ທ້າທ້າຍ ແລະ ຂຸດຄົ້ນທ່າແຮງຂອງອ່າງເກັບນ້ຳເຂື່ອນໄຟຟ້າ ເພື່ອດຶງດູດນັກທ່ອງທ່ຽວ.
ບຸນຄົງ
