ຊາວໜຸ່ມນໍາໜ້າ, ນໍາຫວຽດນາມ ກາຍເປັນປະເທດເຂັ້ມແຂງໃນການເລີ່ມທຸລະກິດ

	ເວທີປາໄສການໄປສຶກສາຢູ່ຕ່າງປະເທດ ເຊັກໂກ ເປີດໂອກາດການຮຽນຮູ້ໃຫ້ຊາວໜຸ່ມ ຫວຽດນາມ
	ຊຸກຍູ້ສິດທິຂອງເດັກນ້ອຍ ແລະ ຊາວໜຸ່ມ ໃນໄລຍະປີ 2021-2026

ກ່າວຄໍາເຫັນທີ່ລາຍການ, ທ່ານນາຍົກລັດຖະມົນຕີ ສະແດງຄວາມປິຕິຊົມຊື່ນເມື່ອເຫັນວ່າວັນບຸນເລີ່ມທຸລະກິດນັບມື້ນັບດຶງດູດນັກຮຽນ, ນັກສຶກສາເຂົ້າຮ່ວມເປັນຈໍານວນຫຼວງຫຼາຍດ້ວຍຫຼາຍໂຄງການທີ່ມີຄຸນນະພາບໃນບັນດາຂົງເຂດ, ຂະແໜງອາຊີບ. ເພື່ອຊຸກຍູ້ເລີ່ມທຸລະກິດໃນໝູ່ນັກຮຽນ, ນັກສຶກສາ ແລະຮຸ່ນໜຸ່ມ, ທ່ານນາຍົກລັດຖະມົນຕີ ເນັ້ນໜັກວ່າ ຄວນສືບຕໍ່ເສີມຂະຫຍາຍມູນເຊື້ອຊາວຫວຽດນາມ ສະຫຼາດ, ດຸໝັ່ນຂະຫຍັນພຽນ, ມີຫົວຄິດປະດິດສ້າງ, ມີຄຸນນະທາດ, ກ້າຮັບມືກັບຄວາມຫຍຸ້ງຍາກ, ສິ່ງທ້າທາຍ; ຄົ້ນຄວ້າ, ໄຈ່ແຍກດ້ານດີ, ດ້ານອ່ອນຂອງຊາວຫວຽດນາມ ໃຕ້ແງ່ມູມເລີ່ມທຸລະກິດ, ປ່ຽນແປງໃໝ່, ປະດິດຄິດສ້າງຢ່າງລະອຽດ ເພື່ອເສີມຂະຫຍາຍບັນດາດ້ານດີ, ດ້ານຕັ້ງໜ້າ, ແກ້ໄຂບັນດາດ້ານອ່ອນ, ດ້ານຈຳກັດ. ສໍາລັບການເລີ່ມທຸລະກິດປ່ຽນແປງໃໝ່, ປະດິດຄິດສ້າງ, ທ່ານນາຍົກລັດຖະມົນຕີ ຊີ້ແຈ້ງຕ້ອງເສີມຂະຫຍາຍຈິດໃຈກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເສີມຂະຫຍາຍແຫຼ່ງກຳລັງສູງສຸດທັງພາຍໃນ ແລະພາຍນອກ.

ທ່ານ ຟ້າມມິງຈິ໊ງ ນາຍົກລັດຖະມົນຕີ ແລະຜູ້ແທນທີ່ພິທີໄຂວັນບຸນເລີ່ມທຸລະກິດແຫ່ງຊາດຂອງນັກຮຽນ, ນັກສຶກສາ ຄັ້ງທີ IV. ພາບ: ສໍານັກຂ່າວສານຫວຽດນາມ.

ທ່ານນາຍົກລັດຖະມົນຕີ ຮຽກຮ້ອງກະຊວງຖະແຫຼງຂ່າວ ແລະສື່ສານ ສົມທົບກັບກະຊວງສຶກສາ ແລະກໍ່ສ້າງ ຊຸກຍູ້ລາຍການຫັນປ່ຽນດີຈີຕອນໃນການສຶກສາ, ນຳການຫັນປ່ຽນດີຈີຕອນຕິດພັນກັບການເຄື່ອນໄຫວເລີ່ມທຸລະກິດປະດິດຄິດສ້າງ. ຄຽງຂ້າງນັ້ນ, ທ່ານນາຍົກລັດຖະມົນຕີ ເນັ້ນໜັກເຖິງມາດຕະການສ້າງສະພາບແວດລ້ອມ, ດຶງດູດແຫຼ່ງກໍາລັງຊຸກຍູ້ເລີ່ມທຸລະກິດປ່ຽນແປງໃໝ່ປະດິດຄິດສ້າງ; ຍູ້ແຮງການເຊື່ອມຕໍ່ ລັດ-ໂຮງຮຽນ-ນັກລົງທຶນ ບົນພື້ນຖານພ້ອມກັນມີຜົນປະໂຫຍດ, ແບ່ງປັນຄວາມສ່ຽງ...