| ສະມາຄົມການພັດທະນາເສດຖະກິດ, ວັດທະນະທຳ ແລະ ການສຶກສາ ໄຕ້ຫວັນ - ຫວຽດນາມ ໄດ້ສະໜັບສະໜູນກອງທຶນວັກແຊງປ້ອງກັນ ແລະ ຄວບຄຸມ COVID-19 | |
| ທ່ານປະທານປະເທດ ຫງວຽນຊວນຟຸກ ສົ່ງຈົດໝາຍ ໄປຍັງທ່ານປະທານາທິບໍດີອາເມລິກາ Joe Biden |
ໃນທີ 21 ມີນາ, ໃນການຕອບຄຳຖາມຂອງນັກຂ່າວ ກ່ຽວກັບຂໍ້ມູນຂ່າວ ຫວຽດນາມ ໄດ້ຮັບຮອງເອົາໜັງສືຜ່ານແດນສາທາລະນະສຸກເອເລັກໂຕຼນິກ (ໜັງສືຜ່ານແດນວັກແຊງ) ກັບປະເທດຕ່າງໆ, ທ່ານໂຄສົກກະຊວງການຕ່າງປະເທດຫວຽດນາມ ນາງ ເລຖິທູຮັ່ງ ໃຫ້ຮູ້ວ່າ: ໂດຍປະຕິບັດຕາມການຊີ້ນຳຂອງທ່ານນາຍົກລັດຖະມົນຕີ, ໃນໄລຍະຜ່ານມາ, ກະຊວງການຕ່າງປະເທດ ແລະ ບັນດາອົງການຜູ້ຕາງໜ້າຫວຽດນາມ ຢູ່ຕ່າງປະເທດ ໄດ້ຕັ້ງໜ້າ, ເປັນເຈົ້າການໃນການເຈລະຈາ, ຍູ້ເແຮງວິວັດການຮັບຮອງເອົາໜັງສືຜ່ານແດນວັກແຊງຂອງກັນກັບບັນດາປະເທດ ແລະ ເຂດແຄວ້ນ.
 |
| ຫວຽດນາມ ຮັບຮອງໜັງສືຜ່ານແດນວັກແຊງກັບ 17 ປະເທດ. (ພາບ: gov) |
ຕາມນັ້ນແລ້ວ, ມາຮອດວັນທີ 17 ມີນາ 2022, ຫວຽດນາມ ໄດ້ບັນລຸຂໍ້ຕົກລົງກ່ຽວກັບການຮັບຮອງໜັງສືຜ່ານແດນວັກແຊງ ກັບ 17 ປະເທດ, ໃນນັ້ນມີ ອາເມລິກາ, ອັງກິດ ແລະ ໄອແລນເໜືອ, ຍີ່ປຸ່ນ, ອົດສະຕາລີ, ເບລາຣຸດ, ອິນເດຍ, ກຳປູເຈຍ, ຟີລິບປິນ, ມານດີບ, ປາແລດຕິນ, ຕວກກີ, ອີຢິບ, ສີລັງກາ, ນິວຊີແລນ, ສາທາລະນະລັດ Saint Lucia ແລະ ສ.ເກົາຫຼີ.
ຜູ້ຖືໜັງສືຜ່ານແດນວັກແຊງ ຈາກປະເທດເຫຼົ່ານີ້ ເມື່ອເຂົ້າເມືອງຫວຽດນາມ ແລະ ແຕ່ຫວຽດນາມ ໄປເຂົ້າເມືອງປະເທດເຫຼົ່ານີ້ ແມ່ນສາມາດນຳໃຊ້ມາດຕະການທາງການແພດຄືກັນກັບຜູ້ທີ່ໄດ້ຮັບວັກແຊງໃນປະເທດປະຈຳຖິ່ນ.
ການຮັບຮູ້ນີ້ລວມມີການຍົກເວັ້ນຈາກຂັ້ນຕອນການຂໍໃບຢັ້ງຢືນຈາກກົງສຸນ/ຢັ້ງຢືນເອກະສານ ໃນເວລານໍາໃຊ້ເອກະສານນີ້ ຢູ່ປະເທດທີ່ອະນຸຍາດໃຫ້ເຂົ້າເມືອງ. ນອກຈາກນັ້ນ, ມາຮອດປະຈຸບັນ, ຫວຽດນາມ ຍັງຮັບຮູ້ແບບໃບຢັ້ງຢືນການສັກຢາວັກແຊງ ຊົ່ວຄາວຂອງ 79 ປະເທດ ແລະ ເຂດແຄ້ວນທີ່ໄດ້ສະເໜີໃຫ້ກະຊວງການຕ່າງປະເທດຢ່າງເປັນທາງການ.
ຄຳຮຸ່ງ
