| ຮ່າໂນ້ຍ ຜັນຂະຫຍາຍການສັກຢາວັກຊີນຕ້ານໂຄວິດ-19 ໂດສທີ 3 | |
| ເດັກນ້ອຍເກືອບ 792.000 ຄົນ ອາຍຸ 12-17 ປີ ຢູ່ຮ່າໂນ້ຍ ຈະໄດ້ຮັບການສັກຢາວັກຊີນກັນ ໂຄວິດ-19 |
ເວັບໄຊ covidvax.live ອັບເດດຄວາມໄວຂອງການສັກວັກຊີນ ໃນວັນທີ 27 ທັນວານີ້ ໄດ້ໃຫ້ຮູ້ວ່າ, ປະຈຸບັນ ຫວຽດນາມແມ່ນປະເທດທີ 53 ໃນໂລກ ທີ່ບັນລຸເປົ້າໝາຍສັກຢາປ້ອງກັນພະຍາດໂຄວິດ-19 ໃຫ້ 70% ປະຊາຊົນ.
ອີງຕາມເວັບໄຊນີ້, ມີພຽງ 63 ປະເທດ ແລະ ເຂດແຄ້ວນທີ່ບັນລຸເປົ້າໝາຍຂ້າງເທິງນີ້ ໃນຈຳນວນຫຼາຍກວ່າ 220 ປະເທດ ແລະ ເຂດແຄ້ວນ ດ້ວຍຂໍ້ມູນກ່ຽວກັບການປ້ອງກັນ ແລະ ຄວບຄຸມໂລກລະບາດ.
 |
| ຫວຽດນາມ ລື່ນກາຍຫຼາຍປະເທດໃນພາກພື້ນ ກ່ຽວກັບດ້ານຄວາມໄວໃນການສັກຢາວັກຊີນໂຄວິດ-19. (ພາບ: TTXVN) |
ໃນອາຊີ, ລະດັບຄວາມໄວ ແລະ ຈຳນວນສັກຢາວັກຊີນຂອງຫວຽດນາມ ແມ່ນສູງກວ່າໄທ, ລາວ, ຟີລິບປິນ, ອິນເດຍ ແລະ ອິນໂດເນເຊຍ. ນອກອາຊີ, ຫວຽດນາມມີການຄຸ້ມຄອງວັກແຊງຕ່ຳກວ່າອາເມລິກາພຽງ 2 ຂັ້ນ. ໃນຂະນະນັ້ນ, ຫວຽດນາມ ແມ່ນສູງກວ່າລັດເຊຍ ເຖິງ 40 ຂັ້ນ.
ຕາມຂໍ້ມູນຂອງກະຊວງສາທາລະນະສຸກຫວຽດນາມ ໃນວັນທີ 27 ທັນວານີ້, ໃນທົ່ວປະເທດໄດ້ສັກຢາທັງໝົດ 146 ລ້ານກວ່າໂດສ, ໃນນັ້ນການສັກຢາໂດສທຳອິດມີ 77 ລ້ານກວ່າໂດສ, ການສັກຢາໂດສທີ 2 ມີເກືອບ 66,5 ລ້ານໂດສ. ຈຳນວນຄົນຫວຽດນາມທີ່ໄດ້ຮັບສັກຢາໂດສທີ 3 ມີເກືອບ 2,8 ລ້ານຄົນ.
ບັນດາຜູ້ຊ່ຽວຊານຄາດຄະເນວ່າ ລະດັບຄວາມໄວໃນການສັກຢາປ້ອງກັນພະຍາດໂຄວິດ-19 ຂອງຫວຽດນາມ ແມ່ນສູງກວ່າການຄາດຄະເນໃນຕົ້ນປີ 2021.
ຕາມສຳນັກຂ່າວສານ Sputnik (ລັດເຊຍ) ແລ້ວ, ໃນເວລາສັ້ນໆ, ຫວຽດນາມ ຫັນຈາກປະເທດທີ່ມີລະດັບຄວາມໄວໃນການສັກວັກຊີນຕ້ານໂຄວິດ-19 ຕ່ຳ ໄດ້ກາຍເປັນໜຶ່ງໃນບັນດາປະເທດສັກຢາວັກຊີນໄວແຖວໜ້າຂອງໂລກ ຍ້ອນຍຸດທະສາດການທູດດ້ານວັກຊີນ.
ຄຳຮຸ່ງ
