| ຫວຽດນາມ ຮັບຮອງໜັງສືຜ່ານແດນວັກແຊງກັບ 17 ປະເທດ | |
| ທ່ານປະທານປະເທດ ຫງວຽນຊວນຟຸກ: ການທູດວັກແຊງ ສະແດງໃຫ້ເຫັນຄວາມຂະຫຍັນຂັນເຄື່ອນ ແລະ ມີຫົວຄິດປະດິດສ້າງຂອງຂະແໜງການທູດ |
ໃນວັນທີ 11 ພຶດສະພານີ້, ຄະນະກຳມະການເອີລົບ (EC) ກໍ່ໄດ້ປະກາດຂໍ້ຕົກລົງວ່າດ້ວຍການຮັບຮອງໜັງສືຜ່ານແດນວັກແຊງເອເລັກໂຕຣນິກຂອງຫວຽດນາມ. ຕາມນັ້ນແລ້ວ, ໜັງສືຜ່ານແດນວັກແຊງຂອງ ຫວຽດນາມ ຈະໄດ້ຮັບການຮັບຮອງຈາກ 27 ປະເທດໃນສະຫະພາບເອີລົບ, ພ້ອມກັນນັ້ນ, ລະຫັດ QR ຂອງໜັງສືຜ່ານແດນນີ້ ກໍຈະໄດ້ຮັບການຢັ້ງຢືນ,ກວດກາຢູ່ເຂດແຄວ້ນຂອງ 39 ຄູ່ຮ່ວມມືທີ່ເຂົ້າຮ່ວມໃນລະບົບວັກແຊງເອເລັກໂຕນິກ EU. ດັ່ງນັ້ນ, ມາຮອດປະຈຸບັນ, ໜັງສືຜ່ານແດນວັກແຊງເອເລັກໂຕຣນິກຂອງ ຫວຽດນາມ ສາມາດນຳໃຊ້ຢູ່ 81 ປະເທດ ແລະ ເຂດແຄ້ວນ. ນີ້ແມ່ນໝາກຜົນແຫ່ງຄວາມມານະພະຍາຍາມຂອງການສົມທົບ ລະຫວ່າງບັນດາກະຊວງການຕ່າງປະເທດ, ກະຊວງສາທາລະນະສຸກ, ກະຊວງຖະແຫຼງຂ່າວ ແລະ ສື່ສານ ກໍ່ຄືການເຈລະຈາກັບບັນດາປະເທດຄູ່ຮ່ວມມື.
 |
| ໜັງສືຜ່ານແດນວັກແຊງເອເລັກໂຕຣນິກຂອງຫວຽດນາມ ສາມາດນຳໃຊ້ໄດ້ຢູ່ 81 ປະເທດ ແລະ ເຂດແຄວ້ນ. (ພາບ: VGP) |
ກ່ຽວກັບບ້ວງໜູນຊ່ວຍດ້ານມະນຸດສະທຳໃຫ້ແກ່ ຢູແກຼນ, ທ່ານ ດວານຄັກຫວຽດ, ຮອງໂຄສົກກະຊວງການຕ່າງປະເທດຫວຽດນາມ ໃຫ້ຮູ້ວ່າ: ຫວຽດນາມ ແບ່ງປັນຄວາມວິຕົກກັງວົນຢ່າງເລິກເຊິ່ງຂອງປະຊາຄົມໂລກກ່ຽວກັບສະພາບການດ້ານມະນຸດສະທຳຍ້ອນການຜັນແປໃນໄລຍະມໍ່ໆມານີ້ຢູ່ ຢູແກຼນ ແລະ ຄວນຢຸດຕິການນຳໃຊ້ກຳລັງຢ່າງທັນທີ, ຮັບປະກັນຄວາມປອດໄພຂອງປະຊາຊົນ, ປົກປັກຮັກສາພື້ນຖານໂຄງລ່າງທີ່ຈຳເປັນ, ເຄົາລົບ ແລະ ປະຕິບັດກົດໝາຍມະນຸດສະທຳສາກົນ, ຮັບປະກັນສິດເຂົ້າເຖິງມະນຸດສະທຳກັບປະຊາຄົມຊາວຕ່າງປະເທດຢູ່ ຢູແກຼນ, ໃນນັ້ນມີປະຊາຄົມຊາວ ຫວຽດນາມ.
ບົນຈິດໃຈນັ້ນ, ໂດຍຕອບສະໜອງຄຳຮຽກຮ້ອງຂອງສະຫະປະຊາຊາດ, ຫວຽດນາມ ໄດ້ຕົກລົງປະກອບສ່ວນ 500.000 USD, ໃນນັ້ນ 100.000 USD ມອບໃຫ້ກອງທຶນຮັບມືກັບກໍລະນີສຸກເສີນ (CERF), 100.000 USD ໃຫ້ອົງການອະນາໄມໂລກ, (WHO), 100.000 USD ໃຫ້ກອງທຶນເດັກ ສະຫະປະຊາຊາດ (UNICEF) ແລະ 200.000 USD ຜ່ານອົງການກາແດງຫວຽດນາມ ໃຫ້ອົງການກາແດງ ຢູແກຼນ, ປະກອບສ່ວນໜູນຊ່ວຍດ້ານມະນຸດສະທຳ ແລະ ໜູນຊ່ວຍຜູ້ຖືກຜົນສະທ້ອນ.
ຄຳຮຸ່ງ
