ລາຍການເລີ່ມຕົ້ນດ້ວຍພິທີຖະຫວາຍທູບທຽນ, ສະແດງຄວາມເຄົາລົບ ແລະຄວາມຮູ້ບຸນຄຸນຕໍ່ບັນພະບຸລຸດທີ່ໄດ້ໃຫ້ກຳເນີດ ແລະປົກປັກຮັກສາປະເທດຊາດ ຫວຽດນາມ, ຕໍ່ປະທານ ໂຮ່ຈີມິນ ຜູ້ທີ່ແສນເຄົາລົບຮັກ ແລະ ບັນດາວິລະຊົນຜູ້ເສຍສະຫຼະຊີວິດເພື່ອຊາດ.
ກ່າວຄຳເຫັນໄຂພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ໂຮນລັງ ຟ້າມຫວຽດແອງ ໄດ້ຕີລາຄາບັນດາຈຸດສຳຄັນຂອງການພັດທະນາເສດຖະກິດ - ສັງຄົມຂອງ ຫວຽດນາມ ໃນປີ 2021.
 |
| ປະຊາຄົມຊາວຫວຽດນາມ ຢູ່ໂຮນລັງ ພົບປະສັງສັນໃນລະດູບານໃໝ່ປີຂານ 2022. ພາບ: thoidai.com.vn |
ທ່ານເອກອັກຄະລັດຖະທູດ ຢືນຢັນວ່າ ພັກ ແລະ ລັດ ຫວຽດນາມ ຍາມໃດກໍ່ຖືປະຊາຄົມຊາວຫວຽດນາມ ອາໄສຢູ່ຕ່າງປະເທດແມ່ນ “ພາກສ່ວນທີ່ຂາດບໍ່ໄດ້ ແລະແມ່ນແຫຼ່ງຊັບພະຍາກອນສຳຄັນຂອງປະຊາຄົມຊາດຫວຽດນາມ”. ສະນັ້ນ, ວຽກງານຊາວຫວຽດນາມ ອາໄສຢູ່ຕ່າງປະເທດແມ່ນໜ້າທີ່ຮັບຜິດຊອບຂອງທົ່ວລະບົບການເມືອງ ແລະທົ່ວປວງຊົນ, ໃນນັ້ນມີບັນດາອົງການຜູ້ຕາງໜ້າຫວຽດນາມ ປະຈໍາຢູ່ຕ່າງປະເທດ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ຟ້າມຫວຽດແອງ ໄດ້ມອບໃບຍ້ອງຍໍໃຫ້ໝູ່ຄະນະຂອງຄະນະບໍລິຫານງານຊົ່ວຄາວສະມາຄົມຊາວຫວຽດນາມ ປະຈຳ ໂຮນລັງ.
ບູນມີ
