ທ່ານ ປອ Guido Hildner, ເອກອັກຄະລັດຖະທູດເຢຍລະມັນປະຈໍາ ຫວຽດນາມ ໃຫ້ຮູ້ວ່າ: ຮອດທ້າຍປີ 2021 ແລະ ຕົ້ນປີ 2022, ວັກຊິນກັນພະຍາດໂຄວິດ-19 BioNTech/Pfizer ງວດຕໍ່ມາ ດ້ວຍປະລິມານຢາທັງໝົດ 4.000.230 ໂດສ ໄດ້ມາຮອດຮ່າໂນ້ຍ. ງວດຊ່ວຍເຫຼືອວັກຊິນນີ້ແມ່ນດຳເນີນຜ່ານໂຄງການ COVAX ດ້ວຍການສົມທົບກັຍຢ່າງແໜ້ນແຟ້ນຂອງ UNICEF, WHO ຫວຽດນາມ ແລະ ລັດຖະບານ ຫວຽດນາມ.
ຕາມສະຖານທູດເຢຍລະມັນ ແລ້ວ, ນີ້ແມ່ນງວດ ວັກຊິນໃຫຍ່ກວ່າໝູ່ທີ່ເຢຍລະມັນ ມອບໃຫ້ເພື່ອໜູນຊ່ວຍຂະບວນການສັກວັກຊິນຂອງຫວຽດນາມ, ຍົກຍອດຈຳນວນວັກຊິນທີ່ເຢຍລະມັນ ມອບໃຫ້ຫວຽດນາມ ຂຶ້ນເປັນກວ່າ 10 ລ້ານໂດສ. ໃນປີ 2021, ເຢຍລະມັນ ກໍ່ໄດ້ສະໜອງວັກຊີິນ ແລະ ອຸປະກອນການແພດໃຫ້ຫວຽດນາມ ຫຼາຍເທື່ອແລ້ວ.
 |
| ຫວຽດນາມ ໄດ້ຮັບວັກຊິນກັນພະຍາດໂຄວິດ-19 ຕື່ມອີກ 6,27 ລ້ານໂດສຜ່ານໂຄງການ COVAX. ພາບ: TTXVN |
ທ່ານ ປອ Guido Hildner ເອກອັກຄະລັດຖະທູດ ເຢຍລະມັນ ປະຈຳ ຫວຽດນາມ ເນັ້ນໜັກວ່າ ປີ 2022, ເຢຍລະມັນ ຈະສືບຕໍ່ສະແດງຈິດໃຈສາມັກຄີກັບ ຫວຽດນາມ ໃນການຕໍ່ສູ້ຕ້ານຜົນກະທົບຂອງໂລກລະບາດ, ພ້ອມກັນນັ້ນກໍ່ສະໜອງວັກຊິນບັນດາງວດຕໍ່ໄປຕື່ມອີກຜ່ານໂຄງການ COVAX.
ທ່ານ Gareth Ward ເອກອັກຄະລັດຖະທູດ ອັງກິດ ແລະ ໄອແລນເໜືອ ປະຈຳ ຫວຽດນາມ ໃຫ້ຮູ້ວ່າ: “ພວກຂ້າພະເຈົ້າໃຫ້ຄຳໝັ້ນສັນຍາຈະຮ່ວມເດີນທາງພ້ອມກັບ ຫວຽດນາມ ສ້າງໂຄງການໃໝ່ໃນປີ 2022, ເຊິ່ງແມ່ນປີທີ່ພວກເຮົາສາມາດຢູ່ຮ່ວມກັນກັບໂຄວິດ-19 ຢ່າງສັນຕິພາບ ແລະ ວັດທະນາຖາວອນ”.
ຜູ້ຕາງໜ້າສະຖານທູດ Luxembourg ປະຈຳ ຫວຽດນາມ, ທ່ານ ເຈີ່ນຮົ່ງກວາງ, ກົງສູນກິດຕິມະສັກ ປະຈຳ ຮ່າໂນ້ຍ ເນັ້ນໜັກວ່າ: ບໍ່ຄວນປະໃຜຖືກປະໄວ້ຢູ່ເບື້ອງ ຫຼັງໃນການຕໍ່ສູ້ຕ້ານພະຍາດໂຄວິດ-19.
ຜູ້ຕາງໜ້າສະຖານທູດປອກຕຸຍການ ປະຈຳຫວຽດນາມ, ທ່ານ ເຈີ່ນກິມຈຸງ, ກົງສູນໃຫຍ່ກິດຕິມະສັກ ຢືນຢັນວ່າ: ປອກຕຸຍການ ຈະສືບຕໍ່ໜູນຊ່ວຍຫວຽດນາມໃນຂົງເຂດສາທາລະນະສຸກຮັບມືກັບບັນດາສິ່ງທ້າທາຍທີ່ເກີດຈາກພະຍາດໂຄວິດ-19 ແລະ ຮັບປະກັນສິດສໍາຜັດວັກຊີນກັນພະຍາດໂຄວິດ-19 ໃຫ້ປະຊາຊົນ ຫວຽດນາມ ຢ່າງຍຸຕິທໍາ.
ບູນມີ
