ອັດຕາການປົກຄຸມວັກຊີນຂອງຫວຽດນາມ ໄດ້ລື່ນກາຍເປົ້າໝາຍທີ່ WHO ວາງອອກ | |
WHO ໃຫ້ຄຳໝັ້ນສັນຍາພ້ອມກັບຫວຽດນາມ ໃນໄລຍະ “ດຳລົງຊີວິດຢ່າງປອດໄພຮ່ວມກັບ ໂຄວິດ-19” |
![]() |
ທ່ານ Takeshi Kasai, ຜູ້ອຳນວຍການເຂດປາຊີຟິກຕາເວັນຕົກ ຂອງອົງການອະນາໄມໂລກ (WHO) ແລະ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ (ພາບ: VGP) |
ທ່ານ Takeshi Kasai ໄດ້ສະແດງຄວາມຂອບອົກຂອບໃຈ ຫວຽດນາມ ທີ່ໄດ້ມານະພະຍາຍາມໜູນຊ່ວຍບັນດາປະເທດໃນການປ້ອງກັນ, ຕ້ານໂລກລະບາດໂຄວິດ - 19 ໂດຍໄວ ແລະ ມີການປະກອບສ່ວນຢ່າງຕັ້ງໜ້າກັບ WHO, ກົນໄກ COVAX, ຕີລາຄາສູງວິໄສທັດຂອງ ຫວຽດນາມ ກ່ຽວກັບການປົກປ້ອງສຸຂະພາບ, ຊີວິດອິນຊີຂອງປະຊາຊົນ, ການຊີ້ນຳ, ນຳພາຂອງ ລັດຖະບານ ຫວຽດນາມ ແລະ ບັນດາໝາກຜົນທີ່ບັນລຸໄດ້ໃນວຽກງານປ້ອງກັນ, ຕ້ານໂລກລະບາດໂຄວິດ - 19, ພິເສດແມ່ນບັນຫາວັກຊິນ ແລະ ບັນລຸໄດ້ອັດຕາສັກວັກຊິນສູງ. ທ່ານ Takeshi Kasai ມີຄວາມປະທັບໃຈເປັນພິເສດຕໍ່ເລື່ອງທ່ານນາຍົກລັດຖະມົນຕີ ຊີ້ນຳວ່າ “ໄປທຸກຮ່ອມ, ເຄາະທຸກເຮືອນ, ກວດທຸກຄົນ” ເພື່ອສັກວັກຊິນກັນໂຄວິດ - 19.
ທ່ານ Kidong Park ຫົວໜ້າ WHO ປະຈຳ ຫວຽດນາມ ກໍ່ຖືວ່າ ມາດຕະການດັ່ງກ່າວຂອງ ຫວຽດນາມ ແມ່ນວິທີການທີ່ມີປະສິດທິຜົນສູງທີ່ສຸດ ເພື່ອຍົກສູງການສັກວັກຊິນໃຫ້ແກ່ປະຊາຊົນ, ຮັບປະກັນຊີວິດອິນຊີ, ສຸຂະພາບຂອງປະຊາຊົນ, ພ້ອມທັງຮັກສາການເຕີບໂຕດ້ານເສດຖະກິດ. ທ່ານກໍ່ເຫັນດີຢູ່ລະດັບສູງຕໍ່ແຜນນະໂຍບາຍຂອງ ຫວຽດນາມ ໃນການຍົກສູງກຳລັງຄວາມສາມາດສາທາລະນະສຸກຂັ້ນພື້ນຖານ, ສາທາລະນະສຸກສຳຮອງ, ເພີ່ມທະວີບຸກຄະລາກອນດ້ານສາທາລະນະສຸກ, ບໍ່ພຽງແຕ່ປ້ອງກັນຕ້ານໂລກລະບາດໂຄວິດ - 19 ຫາກຍັງຮັບມືກັບສະພາບການມີປະຊາຊົນທີ່ອາຍຸສູງເພີ່ມຂຶ້ນໃນອະນາຄົດຢ່າງມີປະສິດທິຜົນ.
ບັນດາຜູ້ຕາງໜ້າຂອງ WHO ໄດ້ສະແດງຄວາມປະທັບໃຈຕໍ່ໝາກຜົນໃນການເຕີບໂຕດ້ານເສດຖະກິດ ແລະ ຮັບປະກັນການປະກັນຊີວິດສັງຄົມ ຂອງ ຫວຽດນາມ ໃນໄລຍະປະສົບກັບຄວາມຫຍຸ້ງຍາກທີ່ຜ່ານມາ, ຕີລາຄາສູງວິໄສທັດ “ຜ່ານວັນເວລາ” ຂອງປະທານໂຮ່ຈີມິນກ່ຽວກັບຄຳວ່າ “ປະຊາຊົນແຕ່ລະຄົນທີ່ມີສຸຂະພາບແຂງແຮງ ໝາຍຄວາມວ່າປະເທດຊາດເຂັ້ມແຂງ”, ເຊື່ອໝັ້ນວ່າ ຫວຽດນາມ ຈະສືບຕໍ່ຮັບມືຢ່າງປະສິດທິຜົນ, ຮັບມືຢ່າງປອດໄພ, ມີໄຫວພິບ ກັບໂລກລະບາດ ແລະ ໄລຍະຍາວ, ຈະກາຍເປັນແບບຢ່າງໃນພາກພື້ນ ແລະ ໂລກ ໃນຂົງເຂດສາທາລະນະສຸກ, ຢັ້ງຢືນ WHO ຈະຕັ້ງໜ້າຮ່ວມເດີນ ທາງ, ສະໜັບສະໜູນ, ແບ່ງປັນຂໍ້ມູນ ແລະ ປະສົບການກັບ ຫວຽນນາມ ໃນຂະບວນການນີ້…
ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ຫວຽດນາມ ຖືເປັນສຳຄັນການພົວພັນຮ່ວມມືກັບ WHO, ສະແດງຄວາມຂອບອົກຂອບໃຈ WHO, ຫ້ອງວ່າການເຂດປາຊີຟິກຕາເວັນຕົກ, ຫ້ອງວ່າການ WHO ປະຈຳ ຫວຽດນາມ ແລະ ສ່ວນບຸກຄົນທ່ານ Takeshi Kasai ທີ່ໄດ້ໃຫ້ການໜູນຊ່ວຍທີ່ສຳຄັນໃຫ້ແກ່ການພັດທະນາຂອງຂະແໜງສາທາລະນະສຸກ, ພິເສດແມ່ນການໜູນຊ່ວຍ ຫວຽດນາມ ແລະ ການລະດົມບັນດາປະເທດ, ບັນດາຄູ່ຮ່ວມມືສາກົນ ສະໜັບສະໜູນ ຫວຽດນາມ ຮັບມືກັບໂລກລະບາດໂຄວິດ - 19, ເຂົ້າເຖິງບັນດາແຫຼ່ງວັກຊິນ, ອຸປະກອນສາທາລະນະສຸກ ໃນສະພາບການທີ່ປະສົບກັບຄວາມຫຍຸ້ງຍາກ.
ຫວຽດນາມ ແມ່ນ 1 ໃນ 6 ປະເທດທີ່ມີອັດຕາສັກວັກຊິນສູງທີ່ສຸດໃນໂລກ. ມາຮອດປັດຈຸບັນ ອັດຕາສັກວັກຊິນຢ່າງໜ້ອຍສຸດແມ່ນ 1 ໂດສ ສຳລັບພົນລະເມືອງທີ່ມີອາຍຸແຕ່ 18 ປີຂຶ້ນໄປ ແມ່ນ 99,98%, ອັດຕາສັກວັກຊິນເຂັມພື້ນຖານແມ່ນ 93,6% ແລະ ອັດຕາສັກວັກຊິນເຂັມກະຕຸ້ນ ແມ່ນ 11,5%. ສຳລັບພົນລະເມືອງທີ່ມີອາຍຸແຕ່ 12 – 17 ປີ, ອັດຕາຜູ້ໄດ້ຮັບການສັກວັກຊິນຢ່າງໜ້ອຍສຸດ 1 ເຂັມ ແມ່ນ 89,8% ແລະ ອັດຕາຜູ້ໄດ້ຮັບວັກຊິນຢ່າງຄົບຖ້ວນໂດຍພື້ນຖານແມ່ນ 68%.
ຫວຽດນາມ ພວມມານະພະຍາຍາມໃນໄຕມາດທີ 1/2022 ຈະສຳເລັດການສັກວັກຊິນເຂັມທີ 3 ໃຫ້ແກ່ປະຊາຊົນໝົດທຸກຄົນທີ່ມີອາຍຸແຕ່ 18 ປີ ຂຶ້ນໄປ ແລະ ໃນເດືອນມັງກອນປີ 2022 ຈະສຳເລັດການສັກວັກຊິນ 2 ເຂັມໃຫ້ແກ່ຜູ້ທີ່ມີອາຍຸແຕ່ 12 – 17 ປີ, ພ້ອມທັງຄົ້ນຄ້ວາ, ຕິດຕາມບົດຮຽນ, ປະສົບການຈາກສາກົນ ແລະ ຂໍ້ສະເໜີແນະຂອງ WHO ເພື່ອອາດຈະຜັນຂະຫຍາຍການສັກວັກຊິນໃຫ້ແກ່ເດັກນ້ອຍ ຢ່າງປອດໄພ, ໃຫ້ເດັກນ້ອຍໄປຮຽນຄືນໃໝ່.
ບຸນຄົງ